Дружба (Брэсцкі раён)

Вёска Дружба Краіна Беларусь Вобласць Брэсцкая Раён Брэсцкі Сельсавет Чарнаўчыцкі Каардынаты 52°11′12″ пн. ш. 23°42′02″ у. д.HGЯO Ранейшыя назвы Cкорбічы Насельніцтва ▲148 чал. (2019) Часавы пояс UTC+3 Тэлефонны код +375 162 Паштовыя індэксы 225031 Аўтамабільны код 1 СААТА 1212846026 Дружба на карце Беларусі ±

Дру́жба^[1] (трансліт.: Družba, руск.: Дружба^[1]; да 30 ліпеня 1964 года Cко́рбічы) — вёска ў Брэсцкім раёне Брэсцкай вобласці. Уваходзіць у склад Чарнаўчыцкага сельсавета. Размешчана за 12 км на поўнач ад Брэста.

У складзе камунальнага ўнітарнага сельскагаспадарчага прадпрыемства «Садрассвет» (цэнтр — в. Вістычы). Ёсць магазін.

Выяўленыя археолагамі два селішчы паблізу вёскі сведчаць, што гэта мясцовасць была заселена людзьмі яшчэ ў глыбокай старажытнасці.

Паводле пісьмовых крыніц вёска вядома з XV стагоддзя пад назвай Скорбічы ў Берасцейскай воласці Троцка��а ваяводства Вялікага Княства Літоўскага. Пад 1449 годам пазначана ў даравальных запісах вялікіх князёў літоўскіх.

У XIX стагоддзі вёска — дзяржаўная ўласнасць у Брэсцкім павеце Гродзенскай губерні, уваходзіла ў склад казённага маёнтка Цюхінічы. У 1860 годзе ў Мяднянскай воласці Брэсцкага павета. У 1870 годзе адносілася да Цюхініцкай сельскай грамады, працаваў хлебазапасны магазін. У 1897 годзе працавала школа граматы, хлебазапасны магазін.

У 1905 годз�� ў Косіцкай воласці Брэсцкага павета Гродзенскай губерні. Паводле Рыжскага мірнага дагавора 1921 года ў складзе Польскай Рэспублікі, у Косіцкай гміне Брэсцкага павета Палескага ваяводства.

З 1939 года ў складзе БССР. У Вялікую Айчынную вайну гітлераўцы знішчылі 5 двароў, загубілі 16 жыхароў; 21 вясковец загінуў на фронце.

Да 3 чэрвеня 1957 года вёска ўваходзіла ў склад Чэрнеўскага сельсавета^[2].

30 ліпеня 1964 года Скорбічы перайменаваны ў Дружбу^[3].

• 246 жыхароў (1860)
• 246 рэвізскіх душ (1870)
• 61 двор, 484 жыхары (1897)
• 484 жыхары (1905)
• 26 двароў, 170 жыхароў (1921)
• 89 двароў, 278 жыхароў (1940)
• 340 жыхароў (1959)
• 269 жыхароў (1970)
• 68 гаспадарак, 211 жыхароў (1997)
• 58 гаспадарак, 137 жыхароў (2005)

• Селішча-1 перыяду ранняга сярэднявечча (IX—X стагоддзі), за 0,2 км на поўнач ад вёскі, уздоўж правага берага р. Лясная. —  Гісторыка-культурная каштоўнасць Беларусі, шыфр 113В000083шыфр 113В000083
• Селішча-2 перыяду ранняга сярэднявечча (IX—X стагоддзі), на поўнач ад селішча-1, за безыменным ручаём.  —  Гісторыка-культурная каштоўнасць Беларусі, шыфр 113В000084шыфр 113В000084
• Бескурганны могільнік перыяду ранняга жалезнага веку (IV—I стагоддзі да н.э.), на паўднёвым ускрайку вёскі. —  Гісторыка-культурная каштоўнасць Беларусі, шыфр 113В000085шыфр 113В000085

• Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.

• На Вікісховішчы пакуль няма медыяфайлаў па тэме, але Вы можаце загрузіць іх