Перын Лафон

Перын Лафон
Агульная інфармацыя
Пол	жанчына
Спецыялізацыя	фрыстайл[4]
Нарадзілася	28 кастрычніка 1998(1998-10-28)[1][2] (26 гадоў) Лаўланэ[d], акруга Фуа[d], дэпартамент Ар’еж, рэгіён Поўдзень — Пірэнеі, Францыя[3]
Грамадзянства	Францыя
Альма-матар	Універсітэт Савоі[5]
Рост	162 см
Вага	50 кг
Афіцыйны сайт (фр.)
Медыяфайлы на Вікісховішчы

Перын Лафон (англ.: Perrine Laffont; нар. 28 кастрычніка 1998) — французская фрыстайлістка, якая спецыялізуецца ў могуле. Алімпійская чэмпіёнка, чэмпіёнка свету.

У пятнаццацігадовым узросце ўвайшла ў склад алімпійскай каманды на Гульні ў Сочы, дзе стала самай юнай фрыстайлісткай сярод усіх удзельнікаў. У спаборніцтвах могулістак Лафон упэўнена прайшла першую кваліфікацыю (пятае месца сярод усіх удзельніц), але ў першым фінальным раўндзе яна стала толькі 14-й і не змагла прабіцца ў наступны раўнд.

У 2015 годзе Перын дэбютавала на чэмпіянаце свету і заняла там шостае месца ў паралельным могуле і трынаццатае ў адзіночным. У гэтым жа сезоне стала абсалютнай чэмпіёнкай свету сярод юніёраў, выйграўшы два залатыя медалі на першынстве ў Вальмаленка.

На Алімпіядзе ў Пхёнчхане Лафон спачатку выйграла першую кваліфікацыю, паспяхова прайшла фінальныя раўнды і ў фінальным заездзе выйграла мінімальныя 0,09 у чэмпіёнкі сочынскіх Гульняў канадцы Жусцін Дзюфур-Лапуант і стала алімпійскай чэмпіёнкай.