Барыс Герлаван

Барыс Герлаван
Імя пры нараджэньні	Барыс Федасеевіч Герлаван
Дата нараджэньня	25 сьнежня 1937 (87 гадоў)
Месца нараджэньня	в. Мартаноша, Наваміргарадзкі раён, Кіраваградзкая вобласьць, Украіна
Адукацыя	Беларускі дзяржаўны тэатральна-мастацкі інстытут (1966)
Месца вучобы	Беларуская дзяржаўная акадэмія мастацтваў
Занятак	маляр
Месца працы	Беларускі рэспубліканскі тэатар юнага гледача Нацыянальны акадэмічны тэатар імя Янкі Купалы Беларуская дзяржаўная акадэмія мастацтваў
Плынь	сцэнаграфія
Узнагароды	прэмія імя Е. Міровіча[d] (1992) Крыштальная Паўлінка (1997) Спэцыяльная прэмія Прэзыдэнта Рэспублікі Беларусь дзеячам культуры й мастацтва[d]

Барыс Федасеевіч Герлаван (нар. 25 сьнежня 1937, в. Мартаноша Наваміргарадзкага раёну Кіраваградзкае вобласьці, Украіна) — беларускі мастак, вядучы тэатральны сцэнограф Беларусі. З 1976 году — галоўны мастак Нацыянальнага тэатру Янкі Купалы. Заслужаны дзяяч мастацтваў Беларусі (1977). Народны мастак Беларусі (1990). Прафэсар.^[1]

У 1966 годзе скончыў аддзяленьне сцэнаграфіі Беларускага тэатральна-мастацкага інстытута (майстэрня Я. Чамадурава, кіраўнік дыплёмнай працы П. Масьленьнікаў). З 1962 году працуе ў Нацыянальным тэатры Янкі Купалы.^[1]

З 1991 году выкладае сцэнаграфію ў Беларускай акадэміі мастацтваў. У 1998 годзе атрымаў званьне прафэсара.^[1]

Толькі на сцэне Купалаўскага тэатру аформіў звыш 70 спэктакляў. Разам з В. Раеўскім утварыў творчы пастаноўніцкі тандэм, які вызначаў мастацкую традыцыю галоўнага драматычнага тэатру краіны на працягу больш, чым трох дзесяцігодзьдзяў. Аўтар сцэнаграфіі спэктакляў ў тэатрах Беларусі і замежных краінаў, ляўрэат шматлікіх міжнародных тэатральных фэстываляў.^[1]

Сцэнаграфія спэктакляў:

• «Бура» У. Шэксьпіра
• «Раскіданае гняздо» Я. Купалы
• «Брама неўміручасці» К. Крапівы
• «Зацюканы апостал», «Таблетка пад язык», «Сьвятая прастата» А. Макаёнка
• «Апошні шанец» В. Быкава
• «Страсьці па Аўдзею» У. Бутрамеева,
• «Князь Вітаўт» А. Дударава
• «Чорная панна Нясьвіжа» А. Дударава
• «Эрык ХIV» А. Стрындбэрга

• Дзяржаўная прэмія СССР (1985, за афармленьне спэктакляў «Парог» і «Радавыя»)
• Дзяржаўная прэмія БССР (1988, за афармленьне спэктакля «Мудрамер»)
• Прэмія Я. Міровіча (1992)
• «Крыштальная Паўлінка» (узнагарода Беларускага саюза тэатральных дзеячоў)
• адмысловая прэмія Прэзыдэнта Рэспублікі Беларусь за ўнёсак у выхаваньне творчай моладзі (2004)
• Ордэн Францішка Скарыны (2008)