Катажына Апалінская

Катажына Апалінская

Katarzyna Opalińska
Ладзьдзя[d]
Герб Ладзьдзя
Каралева Польшчы й вялікая княгіня літоўская
1705 — 1708
Папярэднік	Крыстыяна Эбэргардына фон Брандэнбург-Байройт
Наступнік	Марыя Юзэфа фон Габсбург
Асабістыя зьвесткі
Нарадзілася	13 кастрычніка 1680 Познань, Карона Польскага каралеўства
Памерла	19 сакавіка 1747 (66 гадоў) Люнэвіль, Францыя
Пахаваная	Нотр-Дам-дэ-Бансекоз[d]
Род	Апалінскія
Бацькі	Ян Караль Апалінскі Зоф'я Чарнкоўская
Муж	Станіслаў Ляшчынскі
Дзеці	Ганна Ляшчынская, Марыя Ляшчынская
Рэлігія	каталіцтва
Дзейнасьць	валадарная каралева

Катажы́на Апалі́нская гербу Ладзьдзя (па-польску: Katarzyna Opalińska; 13 кастрычніка 1680, Познань, Каралеўства Польскае — 19 сакавіка 1747, Люнэвіль, Францыя) — жонка Станіслава Ляшчынскага, каралева Польшчы й вялікая княгіня літоўская, княгіня Лятарынгіі й Бару.

Была дачкой кашталяна познанскага Яна Караля Апалінскага й менджыжэцкае старасьцянкі Зоф’і Чарнкоўскай. У 1698 годзе ў Кракаве выйшла замуж за адалянаўскага старосту Станіслава Ляшчынскага. У 1699 годзе ў іх нарадзілася дачка Ганна, а ў 1703 — Марыя.

4 кастрычніка 1705 году падчас Паўночнае вайны Варшаўскай канфэдэрацыяй каранаваная ў Варшаве разам з мужам на кіраўнікоў Рэчы Паспалітае замест Аўгуста ІІ Моцнага. У 1708 годзе мусіла зь дзецьмі пакінуць краіну, жыла ў Швэцыі (у 1708—1711 у Шчэціне, у 1711—1714 у Крыстыянстадзе). У 1714 выехала з мужам у нададзенае таму княства Цвайбрукен.

У 1719 годзе пасяліліся ў горадзе Вісамбур (Францыя). У 1725 іхная дачка Марыя выйшла замуж за францускага караля Люі XV. Ляшчынскія жылі ў Шамборы. У 1733 Станіслаў выехаў на радзіму, дзе зноў стаў каралём, Катажына ж засталася ў Францыі. Па вяртаньні Станіслава Ляшчынскія атрымалі ад францускага караля тытул князёў Лятарынгіі й Бару, жылі ў Люнэвілі. Катажына памерла 19 сакавіка 1747, пахаваная ў Касьцёле Нотр-Дам дэ Сэкюр у Нансі.

• Ганна Ляшчынская (1699—1717);
• Марыя Ляшчынская (1703—1768), жонка Люі XV, каралева Францыі.