RSA

RSA — крыптаграфічны альгарытм з адкрытым ключом, заснаваны на меркаванай складанасьці фактарызацыі вялікіх лікаў (праблема фактарызацыі). RSA ёсьць скаротам ад прозьвішчаў Рона Рывеста (Ron Rivest), Адзі Шаміра і Леанарда Эйдлмэна (Leonard Adleman), якія ўпершыню апублікавалі альгарытм у 1977 годзе.

Карыстальнік RSA стварае і потым публікуе:

1. здабытак двух вялікіх простых лікаў (прычым самі множнікі застаюцца сакрэтнымі),
2. адвольны лік, што мае некаторыя матэматычныя ўласьцівасьці.

Два гэтыя лікі ўтвараюць адкрыты ключ, з дапамогай якога кожны жадаючы можа зашыфраваць паведамленьне. Для дэшыфроўкі ж патрабуецца веданьне сакрэтных множнікаў, якімі валодае толькі карыстальнік, якому належыць ключ.

Дакладна вядома, што калі будзе пабудаваны працуючы квантавы кампутар, RSA перастане быць бясьпечным.

• Rivest R. L., Shamir A., Adleman L. A method for obtaining digital signatures and public-key cryptosystems  (анг.) // Communications of the ACM. — New York, NY, USA: ACM, 1978. — Т. 21. — № 2, Feb. 1978. — С. 120—126. — ISSN 0001-0782. — DOI:10.1.1.40.5588