Міхаіл Ежэль

	Міхаіл Браніслававіч Ежэль
	па-ўкраінску: Михайло Броніславович Єжель
Амбасадар Украіны ў Беларусі
	3 красавіка 2013 — 11 траўня 2015
Прэзыдэнт:	Віктар Януковіч; Аляксандар Турчынаў; Пятро Парашэнка
Прэм’ер-міністар:	Мікалай Азараў; Арсень Яцанюк
Папярэднік:	Віктар Ціханаў
10-ы Міністар абароны Ўкраіны
	11 сакавіка 2010 — 8 лютага 2012
Прэзыдэнт:	Віктар Януковіч
Прэм’ер-міністар:	Мікалай Азараў
Папярэднік:	Юры Еханураў
Наступнік:	Дмітро Саламацін
Камандуючы ВМС Украіны
	1996 — 2003
Папярэднік:	Уладзімер Безкаравайны
Наступнік:	Ігар Князь
Асабістыя зьвесткі
Нарадзіўся:	19 кастрычніка 1952 (72 гады); УССР, СССР
Сужэнец:	Лукша Т.
Дзеці:	Аляксей (1970); Мар’яна (1977);
Адукацыя:	Чарнаморская вышэйшая вайскова-марская вучэльня[d]; Вайскова-марская акадэмія імя Кузьняцова[d];

Вэрсія для друку болей не падтрымліваецца і можа мець памылкі апрацоўкі. Калі ласка, абнавіце закладкі броўзэру і выкарыстоўвайце ўбудаваную функцыю друку броўзэру.

Міхаі́л Бранісла́вавіч Ежэль (па-ўкраінску: Єжель Михайло Броніславович; 19 кастрычніка 1952, Віньніцкая вобласьць) — украінскі вайсковы і дзяржаўны дзяяч, дыплямат. Адмірал. Надзвычайны і Паўнамоцны амбасадар Украіны ў Рэспубліцы Беларусь (2013—2015).

Жыцьцяпіс

Нарадзіўся 19 кастрычніка 1952 году ў вёсцы Слабада Віньніцкай вобласьці. У 1970 годзе скончыў 10 клясаў Рэспубліканскай спэцыялізаванай сярэдняй школы-інтэрнату спартовага профілю ў Кіеве. У гэтым жа годзе добраахвотна, празь Пячорскі РВК гораду Кіева, паступіў у Чарнаморскую вышэйшую вайскова-марскую вучэльню імя П. С. Нахімава, якую скончыў у 1975 па спэцыяльнасьці «радыётэхнічныя сродкі і сыстэмы кіраваньня супрацьлодкавых крылатых ракет». У 1987 годзе скончыў Вайскова-марскую акадэмію імя А.Грэчкі ў Ленінградзе, у 1996 — Акадэмію МА Украіны.

Са жніўня 1975 па кастрычнік 1976 году — камандзір зэнітна-ракетнай батарэі эсьмінца. З 10.1976 па 10.1979 — камандзір групы кіраваньня вартавога карабля, з 10.1979 па 08.1980 — памочнік камандзіра вартавога карабля, са жніўня 1980 па жнівень 1985 году — камандзір вартавога карабля Ціхаакіянскага флёту. З 08.1987 па 12.1990 — начальнік штаба брыгады супрацьлодкавых караблёў, з 12.1990 па 10.1991 — камандзір брыгады супрацьлодкавых караблёў, з 10.1991 па 04.1993 — камандзір дывізіі супрацьлодкавых караблёў Ціхаакіянскага флёту. З красавіка па жнівень 1993 — намесьнік начальніка ўпраўленьня ВМС Галоўнага штаба УС Украіны. Са жніўня 1993 па жнівень 1994 году — намесьнік камандуючага ВМС па ўзбраеньні — начальнік упраўленьня ўзбраеньня і сударамонту ВМС Украіны (г. Севастопаль). З 06. па 10.1996 — адмірал-інспэктар ВМС Галоўнай інспэкцыі Міністэрства абароны Ўкраіны. З 28.10.1996 па 20.08.2001 — намесьнік Міністра абароны Ўкраіны — камандуючы ВМС Украіны. З 05.1998 па 07.2000 — сябра Камісіі па пытаньнях марской палітыкі пры Прэзыдэнце Ўкраіны. З 20.08.2001 па 25.04.2003 — Галоўнакамандуючы ВМС МА Украіны. У кастрычніку 2003 вызвалены ад вайсковай службы ў запас. З чэрвеня па сьнежань 2007 году — дарадца Прэм’ер-міністра Ўкраіны. Зь лютага 2008 па сакавік 2010 году — Галоўны інспэктар Міністэрства абароны Ўкраіны. З сакавіка 2010 па 8 лютага 2012 — Міністар абароны Ўкраіны. 24 лютага 2012 году прызначаны дарадцам Прэзыдэнта Ўкраіны.

3 красавіка 2013 году прэзыдэнт Віктар Януковіч прызначыў Міхаіла Ежэля Надзвычайным і Паўнамоцным Амбасадарам Украіны ў Рэспубліцы Беларусь^[1]^[2].

24 сакавіка 2014 году Міхаіл Ежэль быў адкліканы ў Кіеў для кансультацыяў^[3]. 11 мая 2015 году падпісаны ўказ аб звальненьні Міхаіла Ежэля з пасады Надзвычайнага і Паўнамоцнага Амбасадара Ўкраіны ў Рэспубліцы Беларусь.

Узнагароды

Ордэн «За службу Радзіме ва УС СССР» III ст.
Ордэн Багдана Хмяльніцкага III ст.
Адзнакі Міністэрства абароны Ўкраіны «Вэтэран вайсковай службы», «Знак Пашаны», «Вагняпальная зброя»
Мэдалі «Доблесьць і гонар», «10 гадоў Узброеным Сілам Украіны», «15 гадоў Узброеным Сілам Украіны»^[4].

Крыніцы

^ УКАЗ ПРЕЗИДЕНТА УКРАЇНИ № 184/2013
^ Екс-міністра оборони Єжеля призначено послом України в Білорусі
^ Украіна адклікала пасла з Беларусі
^ Єжель Михайло Броніславович (укр.) Головна / Посольство / Посол / Біографія. МЗС України. Праверана 8 красавіка 2014 г.

Вонкавыя спасылкі

Профіль (укр.) на бачыне амбасады Ўкраіны ў Беларусі
Адкрытая Ўкраіна (укр.)
Украінскае жыцьцё ў Севастопалі (укр.)

[1] УКАЗ ПРЕЗИДЕНТА УКРАЇНИ № 184/2013

[2] Екс-міністра оборони Єжеля призначено послом України в Білорусі

[3] Украіна адклікала пасла з Беларусі

[4] Єжель Михайло Броніславович (укр.) Головна / Посольство / Посол / Біографія. МЗС України. Праверана 8 красавіка 2014 г.

[1]