Хроніка Лівоніі Германа Вартбэрга

Хроніка Лівоніі Германа Вартбэрга — летапісны звод, складзены ў канцы ХIV стагодзьдзя Германам Вартбэргам, капэлянам Лівонскага ордэна, ураджэнцам Вэстфаліі. У хроніцы былі выкарыстаныя творы папярэднікаў Вартбэрга (напрыклад, Малодшая рыфмаваная хроніка), а таксама шматлікія граматы і канцылярскія матэрыялы з ордэнскага архіву. Храналёгія падзеяў ахоплівае пэрыяд ад зьяўленьня немцаў у вусьці Дзьвіны (80-я гады ХІІ стагодзьдзя) да 1378 году^[1].

Вартбэрг быў апалягетам Ордэна, і ў хроніцы пісаў пра вялікія заслугі і бескарысьлівыя подзьвігі Ордэна на славу хрысьціянства, апраўдваў гвалт і разбой з боку Ордэна. Мяркуючы па вялікай колькасьці інфармацыі пра барацьбу Ордэна з Вялікім Княствам Літоўскім, аўтар сам браў удзел у ваенных дзеяньнях.

Крыніцы

^ SRP. Bd. 2. S. 21-116; Die livländische Chronik Hermann’s von Wartberge, übersetzt von E.Strehlke. Berlin-Reval, 1864; Angerman N. Die mittelalterliche Chronistik. S. 14, там жа літаратура.

Літаратура

Белазаровіч В. А. Гістарыяграфія гісторыі Беларусі: вучэб. дапаможнік; Установа Адукацыі «Гродзенскі Дзярж. Ун-т імя Я.Купалы». — Гродна : ГрДУ, 2006.— 345 с. ISBN 985-417-858-7. — С. 34, 35.
Краўцэвіч А. К. Стварэнне Вялікага Княства Літоўскага / Рэд. Георгі Штыхаў. — Мн.: Беларуская навука, 1998. — 208 с. ISBN 985-08-0249-9

[1] SRP. Bd. 2. S. 21-116; Die livländische Chronik Hermann’s von Wartberge, übersetzt von E.Strehlke. Berlin-Reval, 1864; Angerman N. Die mittelalterliche Chronistik. S. 14, там жа літаратура.

[1]