Шопен паркы (Познань)
| Шопен паркы | |
 | |
| Дәүләт |
 Польша |
|---|---|
| Административ-территориаль берәмек | Poznań Old Town[d] |
 | |
 Шопен паркы Викимилектә | |
Шопен паркы (пол. Park Fryderyka Chopina) — Польшаның Познань ҡалаһында боронғо эшләп килгән асыҡ парк. Парк Подгурная урамында элекке иезуит коллегияһы артында урынлашҡан (бөгөн — Ҡала советы бинаһы). Парк поляк композиторы Фредерик Шопен исеме менән аталған.
Тарихы
Паркҡа XVII быуат аҙағында иезуиттар нигеҙ һала, улар уны 1775 йылда Изге Мария Магдалина гимназияһына тапшырылғанға тиклем ботаника баҡсаһы кеүек ҡуллана. 1815 йылда паркты һарай баҡсаһы итеп үҙгәртер өсөн Познань Бөйөк кенәзлегенең наместнигы Антоний Генрик Радзвилла һатып ала. Антоний Генрик Радзвилла ваҡытында парк инглиз баҡсаһының ҡайһы бер элементтары менән француз баҡсаһы ҡиәфәтен ала. XIX быуатта парк урындағы аристократияның күңел асыу урыны була; унда шулай уҡ дипломатик һөйләшеүҙәр үтә. Германлаштырыу ваҡытында паркҡа инеү поляктар өсөн тыйыла.
Ике һуғыш араһындағы осорҙа парк воевода идаралығына инә, ул элекке иезуит коллегияһында урынлаша. 1938 йылда паркты Подгурная урамы ике өлөшкә бүлә. Икенсе донъя һуғышынан һуң парк мәктәпкәсә учреждениеға тапшырыла, уны балалар йөрөү өсөн ҡулланалар.
XXI быуат башында паркта тергеҙеү эштәре алып барыла, шунан һуң парк заманса төҫ ала.
Парк уртаһында Фредерик Шопендың һәйкәле урынлашҡан.
Әҙәбиәт
- Poznań — atlas aglomeracji 1:15.000, wyd. CartoMedia/Pietruska & Mierkiewicz, Poznań, 2010, ISBN 978-83-7445-018-8
- Helena Szafran, Miasto Poznań i okolica, Poznańskie Towarzystwo Przyjaciół Nauk, Poznań, 1959, стр. 169—170
- Włodzimierz Łęcki, Piotr Maluśkiewicz, Poznań od A do Z, wyd. KAW, Poznań, 1986, стр. 101—102, ISBN 83-03-01260-6