آزتک ایل‌سایار داشی

آزتک ایل‌سایار داشی، گونَش داشی، یا بئش دؤنَم داشی مکزیکو سیتینین میلّی آنتروپولوژی موزه‌سینده ساخلانیلان بیر اسکی پوست-کلاسیک مکزیک موجسسَمه‌سی‌دیر. بو داش ۳۵۸ سانتی متر قوطر (ائن) و ۹۸ سانتی متر قالینلیغی، و ۲۴ تون آغیرلیغی واریدیر.  بیر آز ایسپانیالیلارین فتحیندن سونرا، موجسسمه بوتونلوکله زاکالو، مکزیکو سیتی‌نین ان اهمیتلی مئیدانیندا قویلاندی. او ۱۷۹۰ دسامبری‌نین ۱۷-جی گونونده ، مکزیکوسیتی بؤیوک کلیساسی‌نین تعمیرینده تاپیلدی. تاپیلاندان سونرا، کلیسانین ائشیک دوواری‌نین باشینا میندیریلیب، ۱۸۸۵-جی ایله قدر اورادا قالدی. چوخلو بیلیم یورد آراشدیریجیلاری ائله دوشونوردولر کی داش ۱۵۰۲ و ۱۵۲۱-جی ایللری آراسیندا یونولموشدور، حالبوکی بیر نئچه‌سی‌ ده اونو نئچه اون ایل داها یاشلی بیلیردیلر.

ایل سایار داشی‌نین دقیق هدفی بللی آچیقلانمایبب. اَسکی چاغ تانییانلار (آرکئولوژیستلر) و تاریخچی‌لر بو موضوعدا فرقلی باخیشلاردان چوخلو تئوریلر و نظریه‌لر وئریبلر و نئچه‌سی داها اینانمالی و دوغوریا یاخین اولابیلر.

بیرینجی آچیقلامادا دئییرلر کی داش ایل سایار (تقویم) ایمیش. ۱۷۹۲ ده، داشین یئر آلتیندان چیخماسیندان سونرا، مکزیکلی آنتروپولوژیست (اینسان تانییانی) آنتونیو دو لیون ی قاما بیر تئزده یازیب کی آزتک ایل سایاری ائله آدی کیمی استفاده اولونورموش. 

• انگلیسجه ویکی پدیا صفحه سی