Suyun forması

Suyun forması
ing. The Shape of Water
Janr	fantastika filmi, triller filmi, fentezi filmi[d], dram filmi, romantik film, melodram[d], melodram
Baş rollarda	Salli Hokins Maykl Şennon[d] Oktavia Spenser Riçard Cenkins
Bəstəkar	Aleksandr Depla[d]
İstehsalçılar	Searchlight Pictures[d], TSG Entertainment[d]
Distribütor	Searchlight Pictures[d], Netflix, Disney+
İlk baxış tarixi	31 avqust 2017[1], 18 yanvar 2018, 21 fevral 2018, 15 fevral 2018[2], 22 fevral 2018[3]
Müddət	123 dəq.
Büdcə	19.500.001 $[4]
Gəlir	194.349.972 $[5][6]
Ölkələr	ABŞ  Meksika
Dillər	ingilis dili, rus dili[1], fransız dili[1]
Rəng	rəngli[d]
Çəkiliş yeri	Hamilton[7]
IMDb	ID5580390
Mükafatları
Vikianbarda əlaqəli mediafayllar

Suyun forması ( ing. The Shape of Water - azərb. "Suyun səsi" yaxud "Suyun pıçıltısı"‎) fantastik janrda olan, Giliermo del Torronun lentə aldığı, Eliz və “balıq-adamın” sevgisindən bəhs edən ekran əsəri.

"Suyun forması" filmi "Oskar" mükafatının 90-cı təqdimat mərasimində "Ən yaxşı film" nominasiyasında qalib gəlib. Filmin baş rollarını Maykl Stalbarq, Maykl Şennon və Oktavia Spenser canlandırıb.

Filmdəki hadisələr 1962 ci ildə, SSRİ və ABŞ arasındakı soyuq müharibə dövrünə təsadüf edir. Filmin baş qəhrəmnı Elayza Espozita Baltimorda gizli hərbi laboratoriyada xadimə işləyir. İlk baxışdan adi həyat sürən Elayza uşaqlıqda aldığı zədədən sonra laldır. Onun unsiyyətdə olduğu iki adamdan biri iş yoldaşı qara dərili Zelda və qoca qonşusu Caylsdır.

Bir gün gizli laboratoriyaya tədqiqat üçün qeyri adi obyekt gətirilir. Elayza və Zelda təsadüfən öyrənirlər ki bu gizli obyekt Amazon çayından tutulmuş amfibiya-adamdır. Amazon hindu qəbilələri ona tanrı kimi səcdə edirlərmiş. "Obyekt" üzərində tədqiqat aparan alimlər bu qorxunc əcayib məxluqla heç bir ünsiyyət qura bilmirlər. Laboratoriyanın təhlükəsislik üzrə rəhbəri polkovnik Riçard Striklend işlərin gedişatından bərk narazıdır və əcayıb məxluqa işgəncələr verməkdə israrlıdır. Bu işgəncələrin nəticəsi olaraq polkovnik əl barmaqlarını itirməli olur, beləki əcayib məxluq öz qollarının üzərində olan iti üzgəcləri ilə barmaqları kəsib qopartmış olur. Elayza üzülmüş barmaqları tapır və onları polkovnikin əlinə, öz yerinə tikirlər (replantasiya edirlər). Amfibiya adamın saxlanıldığı laboratoriyanın təmizlik işlərinə baxan xadimə Elayza ilk dəfə bu əcayib məxluqa rast gəlir və onunla qeyri adi bir formada, lal-kar əlifbasının köməyi ilə ünsiyyət qura bilir. Bu ünsiyyətdən laboratoriyada çalışan alim Robert Hoffstetler xəbərdar olur. Əsil adı Dimitri Mosenkov olan alim Robert Hoffstetler əslində sovet agentidir. O, amfibiya adam ilə Elayza arasındakı bu mülayim ünsiyyəti gizlincə müşahidə etməkdə davam edir. Bu olanlardan xəbər tutan general Frenk Hoyt əcayib məxluqun qurluşunu və daxili orqanlarını təftiş üçün yarılmasına qərar verir. Bundan xəbər tutan Elayza əcayib canlını xilas etmək üçün Cayls və rəfiqəsi Zeldanı çətinliklə razı sala bilir. Bu işdə onlara alim Robert Hoffstetler də qoşulur. Cayls yük maşınında saxta hazırladığı sənəd və vəsiqələrlə laboratoriyanın ərazisinə daxil olmağa müvəffəq olur. Zelda və Elayza əcayib məxluqu akvariumdan çıxararaq yaş əskilərlə üstünü örtərək yük maşınının gözlədiyi qaraja çatdırırlar. Məxluq bir müddət Elayzanın mənzilində, vanna otağındakı vannada gizlədilir. Onlar yağışdan sonra kanal sularının okeana buraxılaçağı günü gözləyirlər ki, bu kanal vasitəsilə amfibiya adamı okeana yola salmış olsunlar. Bu arada Hoyt 36 saat ərzində məxluqun tapılmasına əmr verir. Hoyt sovet agenti olan Mosenkovu izləyir və onu görüşdüyü agentlə yaxalayır. Mosenkova işgəncə verib məxluqun yerini öyrənmək istəyir və onu öldürür. Sonra Hoyt Zeldanın mənzilində peyda olur. Təsadüfən Zeldanın birlikdə yaşadığı şəxs onları ələ vermiş olur. Elayzanın mənzilində Striklendin əlinə keçən təqvim vasitəsilə amfibiya adamın azadlığa buraxilacaq yer və zamanı təyin etmiş olur. Müəyyən edilmiş yerə yetişən Striklend Caylzı vuraraq huşsuz hala gətirir və Elayza ilə amfibiya adamı güllələyir. Lakin özünə gələn əcayib məxluq Striklandı öldürür və öz qeyri adi gücü ilə Elayzı sağaldır və o da məxluq kimi qəlsəmələrlə nəfəs almağa başlayır. Filmin epiloqunda Caylzın dediyi kimi sonradan onlar birlikdə xoşbəxt həyat sürmüş olurlar.

Amerikalı yazıçı Pol Zindel 1969 cu ildə qələmə almış olduğu „Let me hear you whisper“ „İzin ver pıçıltını eşidim“ pyesi ilə eyni süjetə malik olduğuna görə Devid Zindel (yazıçının oğlu) Fox Searchlight Pictures kinostudiyasını ittiham etmişdir^[8][9]:.

Bizi şoka salan odur ki, iri bir kinostudiya utanmadan mənim atamın motivləri əsasında onun adını qeyd etmədən və bizə müəllif hüququna görə müraciyyət belə etmədən film lentə almışdır. — Devid Zindel

Orijinal mətn (ing.)

We are shocked that a major studio could make a film so obviously derived from my late father’s work without anyone recognizing it and coming to us for the rights ^[10]

1. Qızıl Şir
2. Qızıl qlobus mükafatı
3. Oskar mükafatı (2017)

1. ↑ ^{1 2 3} IMDb (ing.). 1990.
2. ↑ Cineplex. 1996.
3. ↑ http://nmhh.hu/dokumentum/198182/terjesztett_filmalkotasok_art_filmek_nyilvantartasa.xlsx.
4. ↑ https://variety.com/2017/film/in-contention/spirit-awards-2017-analysis-call-me-by-your-name-get-out-shape-of-water-1202620858/.
5. ↑ http://www.boxofficemojo.com/movies/?id=theshapeofwater.htm.
6. ↑ https://www.imdb.com/title/tt5580390/.
7. ↑ http://www.imdb.com/title/tt5580390/locations?ref_=tt_dt_dt.
8. ↑ Oskara layiqi plagiyatda günahlandırırlar
9. ↑ Exclusive: playwright’s estate says The Shape of Water used his work without credit
10. ↑ Exclusive: playwright’s estate says The Shape of Water used his work without credit/ Devid Yindel