Lliga d'Estaos Árabes

Lliga d'Estaos Árabes
organización rexonal, xunión política y organización internacional
Llocalización
Sede	Headquarters of the Arab League (en)
Historia
Fundación	22 marzu 1945
Fundador	Exiptu Iraq Xordania El Líbanu Arabia Saudita Siria Yeme Marruecos
Organigrama
Presidente	Ahmed Aboul Gheit (1r xunetu 2016)
Participación empresarial
Filiales	ver Fondu Monetariu Árabe Organización Árabe de Transportistas Aéreos (es) Arab League Educational, Cultural and Scientific Organization (en) Parllamentu Árabe
Formáu por	El Líbanu
Varios
Premios	miembro honorario de la Orden del Mérito (es)
Web oficial

La Lliga d'Estaos Árabes o simplemente Lliga Árabe (n'árabe: جامعة الدول العربية), ye una organización qu'acomuña a los Estaos árabes.

Foi fundada'l 22 de marzu de 1945 por siete Estaos. El so oxetivu cimeru ye:

Sirvir el bien común de tolos países árabes, afitar meyores condiciones pa tolos países árabes, garantizar el futuru de tolos países árabes y cumplir los naguamientos y esmolecimientos de tolos países árabes.

La so estremancia con otres organizaciones como la Xunión Europea ye que nun tien algamáu un grau importante d'integración rexonal y en que la organización nun caltién rellaciones direutes colos ciudadanos de los sos Estaos-miembru. La carta fundacional de la Lliga Árabe declara que coordinará asuntos económicos, incluyendo rellaciones comerciales, comunicaciones, cultura y salú. El llar permanente (Secretaría Xeneral) de la Lliga alcuéntrase n'El Cairu, Exiptu. Sacantes ente 1979-1989 que tuvo asitiada en Túnez.

Na so carta fundacional, la Lliga Árabe afita como los sos oxetivos aniciales los d'algamar que'l restu d'estados árabes qu'entá s'alcuentren colonizaos por países europeos s'independicen y que nel proteutoráu británicu de Palestina, la minoría xudía nun creye l'estáu d'Israel. Tamién especifica que nun se trata d'una Xunión d'estados nin d'una Federación, sinón una Lliga na que tolos estaos soberanos caltienen una independencia dafechu.

Miembros de la Lliga Árabe y (data de la so almisión):

• Exiptu - 22 de marzu, 1945 (Fundador) (suspendíu, 1979-1989)
• Iraq - 22 de marzu, 1945 (Fundador)
• Xordania (como Trexordania ente 1945-1949) - 22 de marzu, 1945 (Fundador)
• El Líbanu - 22 de marzu, 1945 (Fundador)
• Arabia Saudita - 22 de marzu, 1945 (Fundador)
• Siria - 22 de marzu, 1945 (Fundador)
• Yeme del Norte - 5 de mayu, 1945 (Fundador), dende 1990 como Yeme
• Libia - 28 de marzu, 1953
• Sudán - 9 de xineru, 1956
• Marruecos - 1 d'ochobre, 1958
• Tunicia - 1 d'ochobre, 1958
• Kuwait - 20 de xunetu, 1961
• Arxelia - 16 d'agostu, 1962
• Yeme 1967-1990 (fusión con Yeme del Norte)
• Emiratos Árabes Xuníos - 12 de xunu, 1971
• Baḥréin - 11 de setiembre, 1971
• Qatar - 11 de setiembre, 1971
• Omán - 29 de setiembre, 1971
• Mauritania - 26 de payares, 1973
• Somalia - 14 de febreru, 1974
• Palestina - 9 de setiembre, 1976 (representada pola OLP)
• Djibouti - 9 d'abril, 1977
• Comores - 20 de payares, 1993

La suspensión d'Exiptu debióse a la robla de los alcuerdos de Camp David y al afitar rellaciones diplomátiques con Israel. Demientres esta suspensión foi cuando'l llar de la Lliga treslladóse d'El Cairu a Túnez.

La Lliga Árabe ta compuesta polos organismos que vienen darréu:

• Conseyu de la Lliga Árabe, integráu por tolos estaos miembros. Cada país tien un votu y les decisiones aprobaes nun son necesariamente venceyantes;
• Conseyu Económicu y Social Árabe;
• Comités téunicos;
• Axencies árabes especializaes;
• Xuniones o ensames árabes;
• Secretaria Xeneral, nomáu pol Conseyu

• Abdul Razek Azzam (Exiptu) 1945—1952
• Abdul Khlek Hassouna (Exiptu) 1952 — 1972
• Mahmoud Riyadh (Exiptu) 1972 — 1979
• Chedi Klibi (Tunicia) 1979 — 1990
• Dr. Ahmad Esmat Abd al Meguid (Exiptu) 1991 — 2001
• Amr Moussa (Exiptu) 2001- Anguaño

• Organización pa la Unidá Africana
• Organización d'Estaos Americanos

• Arab League Páxina oficial ((n'inglés) y árabe)
• Xuntes y documentos Archiváu 2004-10-16 en Wayback Machine