Faru d'Alexandría

Faru d'Alexandría
faro antiguo (es) , edificiu desapaecíu y maravilla del Mundo Antiguo (es)
Llocalización
País	Exiptu
Gobernaciones	gobernación d'Alexandría
Asentamiento portuario (es)	Alexandría
Masa d'agua	Delta del Nilu y mar Mediterraneu
Coordenaes	31°12′51″N 29°53′06″E / 31.21417°N 29.885°E / 31.21417; 29.885
Historia y usu
Construcción	299 edC - 279 edC
Terremotu	956
Terremoto de Creta de 1303 (es)	1303 (Gregorianu)
Terremotu	1323 (Gregorianu)
Demolición (es)	1480
Comisariu	Ptolomeo I
Orixe del nome	Isla de Faro (es)
Arquiteutura
Arquiteutu/a	Sóstrato de Cnido (es)
Estilu	arquiteutura helenística
Altor	137 m
Faro
Distancia de la lluz	25,3

El Faru d'Alexandría yera una torre construyida nel sieglu III e.C. (ente los años 285 y 247 e.C.) na islla de Pharos n'Alexandría, Exiptu, pa sirvir como puntu referencia'l puertu y llueu como faru. Foi una de Les Siete Maraviyes del Mundu Vieyu.

Con una altura estimada d'al rodiu d'unos 115 ó 150 metros foi la estructura fecha pol home más alta a lo llargo d'abondos sieglos, y foi identificada como una de les Siete Maraviyes del Mundu por Antípatru de Sidón.

Foi fechu pol arquiteutu Sóstrato de Cnidu per orde de Ptoloméu II na Islla de Faru, (Pharos), frente a Alexandría. Consistía nuna xigantesca torre sobre la qu'una foguera prendía toles nueches marcaba la posición de la ciudá a los navegantes, yá que la costa na zona'l delta'l Nilu ye perllana y nun había, poro, nenguna referencia pa la navegación.

Estímase que la so altura alcanzaba los 134 metros y na so construcción utilizáronse grandes bloques de vidru que fueron asitiaos nos cimientos pa evitar la erosión y aumentar la resistencia contra la fuercia del mar. L'edificiu, erixíu sobre una plataforma de base cuadrada, yera de forma octogonal, y taba construyíu con bloques de mármol ensamblaos con plomu fundíu. Na parte más alta un gran espeyu metálicu reflexaba de día la lluz del sol, y de nueche proyeutaba la lluminosidá d'una gran foguera a una distancia d'hasta cincuenta quilómetros.

Xunto cola Gran Pirámide de Giza, el faru sobrevivió al restu de les Siete Maraviyes del Mundu Vieyu. Sin embargu, foi severamente dañáu polos terremotos de 1303 y 1323 hasta'l puntu de que'l viaxeru árabe Ibn Battuta escribió que fuera imposible entrar nes ruines. Los restos desapaecieron en 1480 cuando'l sultán d'Exiptu Qaitbay emplegó los bloques pétreos de les ruines pa construyir una fortaleza nel llugar.

Pharos dio orixe a la pallabra «faru» na mayor parte de les llingües romances: asturianu (faru), castellanu (faro), catalán (far), francés (phare), gallegu (faro), italianu (faro), portugués (farol) y rumanu (far).

• Les Siete Maraviyes del Mundu Vieyu

• Wikimedia Commons tien conteníu multimedia tocante a Faru d'Alexandría.
• (n'inglés) The Seven Ancient Wonders World Archiváu 2007-07-06 en Wayback Machine