لفرق بين الجوج ڤيرسيونات ديال: "ماݣنوس كارلسن"

ماݣنوس كارلسن
معلومات عامة
زيادة	30 نونبر 1990 (34 عام) تونسبرغ (نورڤيج)
لجنسية	نورڤيج
لحرفة	لعّاب د شطرنج
لّوغات لي كيعرف	النورڤيجية و نڭليزية
لكاريير ديال الشخص
شارك ف	بطولة العالم للشطرنج 2013 بطولة العالم للشطرنج 2014 مسابقة الترشح 2013 بطولة العالم للشطرنج 2016 بطولة تاتا ستيل للشطرنج 2019 بطولة العالم للشطرنج 2018 أولمبياد الشطرنج ال36 أولمبياد الشطرنج ال37 أولمبياد الشطرنج ال38 أولمبياد الشطرنج ال39 أولمبياد الشطرنج ال41 أولمبياد الشطرنج ال42 بطولة تاتا ستيل للشطرنج بطولة تاتا ستيل للشطرنج بطولة تاتا ستيل للشطرنج بطولة العالم للشطرنج 2021
رياضة
رياضة	شطرنج
لجنسية رّياضية	نورڤيج
سّيت رّسمي	https://magnuscarlsen.com
لجوايز	(2014)  جائزة الشعب الرياضية (2013)  أوسكار الشطرنج (2013)  جائزة الشعب الرياضية (2013)  جائزة أفضل رياضي في النرويج (2013)  ميدالية افتنبوستن الذهبية (2012)  أوسكار الشطرنج (2012)  جائزة الشعب الرياضية (2011)  جائزة بير جينت (2011)  أوسكار الشطرنج (2010)  أوسكار الشطرنج (2009)  أوسكار الشطرنج (2009)  جائزة الشعب الرياضية  بطل العالم بالشطرنج

سفين ماݣنوس أوين كارلسن، المعروف باسم ماݣنوس كارلسن، (نّرويجية: Sven Magnus Øen Carlsen) تزاد نهار 30 نونبر 1990 ف النورڤيج. هو واحد الأستاذ الكبير (ݣران ماستر) ف الشطرنج، وحقق لقب بطل العالم فهاد اللعبة خمس مرات. دابا راه بطل العالم ف الشطرنج السريع و بطل العالم ف شطرنج الخاطف. ف 2010 وصل لأول مرة لقمة التصنيف العالمي ديال الإتحاد الدولي ديال الشطرنج، وكيجي من بعد ݣاري كاسپاروڤ ف مدة البقو كأعلى لعّاب مصنف. التصنيف ديالو الكلاسيكي وصل لـ2882، وهو الأعلى فالتاريخ.

ماݣنوس كار��سن كيعتبر من بين أفضل اللعّابا د الشطرنج ف التاريخ، كيشارك الأساطير بحال ݣاري كاسپاروڤ و بوبي فيشر. من بعد ما كان عندو 13 عام، تعادل مع كاسپاروڤ وغلب أناطولي كارپوڤ فبطولة 2004، وقبل ما يوصل لسن 30، وصل لأعلى مستوى فالعالم. ف 2009، دخل تاريخ اللعبة كأصغر لعّاب يوصل تصنيف 2800. ف 2011 واصل كارلسن تصدر العالم، وفاز بلقب بطل العالم فالشطرنج الكلاسيكي ف 2013 ودافع عليه ربعة د لمرات. حتى ف الشطرنج السريع و الشطرنج الخاطف فاز بالعديد من البطولات. وف 2020، سجل رقم قياسي فماتشات متواصلة من غير خسارة، ب 125 ماتش.^[1]

ماݣنوس كارلسن من صغرو أظهر قدرات ذهنية هائلة. فحتى فسن جوج سنين، كان قادر يجمع 50 قطعة فسيفساء ويلعب بالليݣو ديال الكبار. وفي سن خمس سنين، كان عارف كل دول العالم، عواصمها، وأعلامها. تعلم الشطرنج في نفس السن، وبدات مسيرتو بتفوق على ختو لكبيرة. مع الوقت، بدا كيقرا كتوبا ديال الشطرنج و كيحل الألغاز و كيعتمد على الذاكرة القوية ديالو.

تدرب مع أفضل لعّاب في النرويج، سيمين أݣديستاين، وطور مهاراتو بزّربة. فبعد عام، تصنيفو رتافع من 904 ل 1907. فشهر يوليوز 2000، فاز بلقب أصغر فئة عمرية في بطولة النرويج، وكان عمرو تسع سنين. وحقق نتائج واعرة فبطولة الشطرنج النرويجية ديال لفراقي. في 2002، فاز بالمركز السادس في بطولة الشطرنج الأوروپية تحت 12 سنة، وتعامد مع المركز اللول فبطولة العالم ديال الشباب تحت 12 سنة، ولكن خسر اللقب ضد إيان نيپومنياتشتشي.

في 2003، فاز بثلاث نورمات باش يحقق لقب "أستاذ دولي" وهو في سن 12 سنة.^[1]

في 2004، ماݣنوس كارلسن بدا كايبان فالعالم ديال الشطرنج. فهاد العام، فاز فبطولة النخبة فويك آن زي وحقق تصنيف 2702. داكشي خلاه يحصل على أول نورم باش يولّي ݣراند ماسطر. من بعد شهر واحد، لعب مع كارپوڤ و كاسپاروڤ، و كان ماتشو مع كاسپاروڤ مثير بزاف و سالا بتعادل. فأبريل 2004، و هوّ في عمر 13 عام، حصل على النورم الثالث و ولّى أصغر ݣراند ماسطر فالعالم. في 2005 و2006، فاز ب بزاف ديال البطولات الدولية، وحقق نتائج واعرة فبطولات أخرى، وكان كيحقق أرقام قياسية وكتزيد شهرتو فالعالم.^[1]

في 2009، ماݣنوس كارلسن حقق إنجازات كبيرة فالشطرنج، حيث فاز ببطولة بيرل سبرينݣ وتفوق على ڤيصيلين طوپالوڤ. تصنيفو وصل 2801 و ولّى أصغر لعّاب كايحقق هاذ الرقم. فاز أيضًا ببطولة العالم ديال الشطرنج الخاطف في نفس العام، وكان عمرو ما زال 19 سنة. في 2010، فاز ببطولات كبيرة، وخا طراو إنتكاسات فبطولة ݣراند سلام. في 2011، رجّع المركز اللول عالميًا و ظل متصدر الليستة د التصنيف، وفاز بعدة بطولات منها بطولة لندن. حتى فعام 2012 كان ممتاز، حيث فاز ببطولة لندن ديال الشطرنج الكلاسيكي للمرة الثالثة على التوالي.^[1]

ماݣنوس كارلسن بدا عام 2013 بفوز كبير فبطولة ويك آن زي، جاب 10/13 نقطة، وحقق نفس النتيجة اللي حققها كاسپاروڤ ف1999. من بعد فاز ببطولة سينكفيلد متقدمًا على ناكامورا. فسبتمبر، فاز بالمركز الأول في بطولة كأس سينكفيلد Sinquefield Cup، في مارس 2013، فاز كارلسن ببطولة المرشحين، وتأهل لمواجهة بطل العالم في الشطرنج أناند. بعد تعادل في لماتشات الربعة اللولين، بدا كارلسن كايبيّن قوّتو وحقق جوج إنتصارات متّابعين، و تفوّق ف البطولة بـ 2-4. ستامر كارلسن في فرض هيبتو، ملي فاز في الماتش اللخر بنتيجة 6.5-3.5، باش يولّي بطل العالم ديال الشطرنج سيمانة قبل عيد ميلادو نمرة 23، و سجّل فوز تاريخي بعدما سالا عهد أناند لي دام من 2007.^[1]

من 2014 ل 2019، واصل ماݣنوس كارلسن تحقيق الإنجازات. بدا عام 2014 بفوز كبير في بطولة زيوريخ وحصل على تصنيف قياسي وصل ل 2882. وفي نفس العام، فاز ببطولة العالم في الشطرنج السريع والخاطف، باش يولّي أول لعّاب في التاريخ كيحتافظ بالألقاب الثلاثة (الكلاسيك، السريع، والخاطف).

في 2015، فاز ببطولة تاتا ستيل وسجل نتائج ناضية في بطولات أخرى، بينما في 2016، دافع عن لقبو في بطولة العالم ضد كرياكين بعد جولات مثيرة. وخا تعكّل شوية في 2017، عاد بقوة باش يفوز بالألقاب في الشطرنج السريع والخاطف. وفي 2018، فاز مرة أخرى ببطولة العالم في ماتشات فاصلة ضد كاروانا. واصل النجاح في 2019 بفوزو ببزاف ديال البطولات، باش يبقى في صدارة تصنيف اللعّابا ويحقق إنجازات جديدة، و يتّوج ببطولة العالم في جميع لمواقيت.^[1]

ف 2023، سالات هيمنة ماݣنوس كارلسن على لقب بطل العالم بعد ما ربح دينݣ ليرين بالبطولة ضد نيپونياتشتشي. ولكن كارلسن ما زال كيحقق إنجازات كبيرة فمجال الشطرنج، بحال فاش فاز بأول بطولة من بعد فقدانو للقب وهي بطولة سوبربيت^{[ماواضحش]} للشطرنج السريع والخاطف اللي تدارت فپولونيا ضمن جولة الشطرنج الكبرى. و وخا تصنيفو ما بقاش كأعلى لعّاب فالعالم، فراه ما زال قادر على تحقيق المزيد من الألقاب فالشطرنج السريع و الخاطف، زيادة على مشاركتو في بطولات أخرى بحال شطرنج فيشر العشوائي، وبطولات النخبة بحال ويك آن زي و النرويج.

في 2020، كارلسن علن على تنظيم مجموعة من البطولات عبر الإنترنت سميتها "ماݣنوس كارلسن تور"، اللي شاركو فيها لعّابا عالميين وكانت الجائزة ديالها مليون دولار. فاز كارلسن بثلاثة من أصل أربع بطولات فالسلسلة، وفي النهائي ربح ناكامورا، شي لي تبت بلي راه واحد من أقوى اللعّابا.

سنة 2021 كانت عامرة بالإنجازات. كارلسن فاز بكاس العالم وجولة شطرنج الأبطال، و حقق فوز مهم على نيپومنياتشتشي في بطولة العالم بنتيجة 3.5-7.5. ف 2022 قرر كارلسن ما يدافعش على لقب بطل العالم، ولايني فاز ببطولات كبيرة، بحال بطولة النرويج وجولة شطرنج الأبطال، و حتى بطولة العالم ديال الشطرنج السريع والخاطف للمرة الرابعة والسادسة على التوالي.

في 2023، فاز كارلسن في عدة بطولات بحال جولة الشطرنج الكبرى في كرواتيا وكاس يوليوس باير، وأيضا فاز بكاس العالم من بعد خمس محاولات سابقة، هادشي خلا ليه فرصة المشاركة في بطولة المرشحين 2024 وخا من المحتمل يتنازل عليها. وفي شتنبر 2023، فاز مرة أخرى ببطولة الشطرنج السريع اللي كاينظمها موقع تشيس.كوم، و سالا سلسلة إنتصارات ناكامورا الي دامت خمس سنين.^[1]

ربح اللقب الخامس ديالو ف مسابقة أبطال الشطرنج لعام 2024. هاد البطولة جمعات أقوى لاعبي الشطرنج ف العالم، وتم تنظيمها ف النورڤيج. كارلسن تغلّب على الروسي إيان نيبومنياشي ف المباراة النهائية بنتيجة 4-1، وحقق لقب جديد فالمسيرة ديالو.^[2]

فهاد البطولة، لعب كارلسن 27 مباراة، ربح الأغلبية ديالها وخسر جوج مباريات فقط. هاد الأداء بين المهارات ديالو فالهجوم، الدفاع، واستغلال الأخطاء ديال الخصوم. المباراة النهائية كانت فبلادو قدّام جمهور محلي.^[2]

ف 2022، تاهم كارلسن اللعّاب لميريكاني هانس نيمان بالغش فماتش بيناتهم، وهادشي خلق جدل كبير فالمجتمع الشطرنجي. كارلسن قال بلي نيمان غش كثر من اللي عتارف بيه، لكن نيمان نفى هاد الإتهامات بقوة.^[3]

1. ^ ^{a b c d e f g} "Magnus Carlsen | أفضل لاعبي الشطرنج". Chess.com (ب لعربية). تطّالع عليه ب تاريخ 2024-12-19.
2. ^ ^{a b} Levin (AnthonyLevin)، Anthony (2024-12-21). "2024 Champions Chess Tour Finals: Carlsen Wins 5th Champions Chess Tour Title". Chess.com (ب نڭليزية). تطّالع عليه ب تاريخ 2024-12-21.
3. ^ "ماغنوس كارلسن: بطل العالم في الشطرنج يتهم غريمه نيمان بالغش". BBC News عربي (ب لعربية).