Stardew Valley

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Stardew Valley ye un videochuego de rol y simulación desembolicau per Eric Barone (alias ConcernedApe). Os chugadors asumen o paper d'un personache que se fa cargo d'a grancha esboldregada d'o suyo defunto yayo en un puesto conoixiu como Stardew Valley. O chuego se lanzó pa Microsoft Windows en febrero de 2016 antis d'estar portiau a cuantas atras plataformas d'ordinadors, consolas y dispositivos mobils.

Stardew Valley tien un final ubierto, lo que permite a los chugadors realizar actividaz como cautivar, criar bestiar, pescar, cocinar, extrayer y buscar birolla, y socializar con a chent d'o lugar, incluyida a capacidat de casar-se y tener fillos. Tamién permite que dica cuatro chugadors chuguen en linea chuntos.

Barone desembolicó Stardew Valley per él mesmo mientres cuatro anyos. S'inspiró en gran medida en a serie Harvest Moon, con adicions pa abordar cualques d'as deficiencias d'ixos chuegos.^[1] Lo fazió servir como un exercicio pa amillorar as suyas propias habilidaz de programación y disenyo de chuegos. L'estudio britanico Chucklefish s'amanó a Barone a la metat d'o desembolique con l'ofierta de publicar o chuego, lo que le permitió concentrar-se mas en completar-lo.

Stardew Valley ha estau aponderau per os criticos, qui han destacau a suya musica, os suyos personaches y as cualidaz relaxants d'o chuego, y ha citau como un d'os millors videochuegos de toz os tiempos. Yasuhiro Wada, o creyador de Harvest Moon, tamién elogió lo chuego per conservar a libertat que heban perdiu as dentradas posteriors d'a suya serie. O chuego tamién ha estau un exito comercial, vendiendo mas de 20 millons de copias dica 2022.^[2]