HMS Queen Elizabeth (slagskip)
Die HMS Queen Elizabeth was die eerste skip in die Britse Vloot wat dié naam gedra het. Sy was 'n 33,000 ton slagskip wat toegerus was met 8 x 15-duim kanonne. Sy is gebou in Portsmouth, ter water gelaat in 1913 en in diens gestel in 1914. Sy het diens gedoen tydens die Eerste Wêreldoorlog. Sy is opgegradeer net voor die uitbreek van die Tweede Wêreldoorlog te Rosyth. Sy het diens gedoen in die Middellandse See en onder andere gehelp om konvooie te beskerm na Malta en ook tydens die onttrekking van troepe op Kreta. Hierna word sy beskadig deur 'n torpedo te Alexandrië wat haar 18 maande uit diens stel. Nadat sy herstel is doen sy diens in die Verre Ooste by Burma en die Maleise skiereiland. Sy keer terug na Engeland net voor die oorlog ten einde loop.
Bron
[wysig | wysig bron]- Popular Mechanics September 2014. ISSN 1682-5136
