Brie

	Brie
Oorsprong	Brie-streek, Frankryk
Melkbron	Koeie
	Eienskappe
Gepasteuriseer	Volgens wet in die VSA en Australië; selde in Europa
Tekstuur	Sag
Vorm	Wiel
Veroudering	Sowat 5-6 weke

Brie is ’n sagte kaas van koeimelk wat genoem is na die Brie-streek in Frankryk, waar dit ontstaan het (min of meer die moderne département Seine-et-Marne). Dit het ’n vaal kleur met ’n effens grys skynsel onder ’n buitelaag van wit skimmel. Die buitelaag word gewoonlik geëet; die smaak hang grootliks af van die bestanddele wat gebruik is en die omgewing waarin dit vervaardig is.

Vervaardiging

Brie word van rou of gepasteuriseerde melk gemaak. Dun lae wrongel word in kaasvorms geplaas en sowat 18 uur lank gedreineer. Dit word daarna uit die vorms gehaal, gesout en met die kultuur Penicillium candidum, P. camemberti of Brevibacterium linens ingespuit. Laastens word dit sowat vyf weke lank by ’n konstante temperatuur verouder.

Wanneer dit langer ryp gemaak word, gewoonlik ’n paar maande tot ’n jaar, word die geur en smaak sterker, die kaas droër en donkerder en die buitelaag donkerder en krummelriger; dit word dan brie noir ("swart brie") genoem. In en om die streek Île-de-France, waar brie gemaak word, week mense dit in koffie met melk en eet dit vir ontbyt.^[1]

As die kaas te ryp is, bevat dit te veel ammoniak – wat vervaardig word deur dieselfde mikroörganisme wat nodig is vir die veroudering.^[2]

Sommige soorte brie word berook.^[3]^[4]

Verwysings

↑ Masui, T.; Tomoko, Y.; Hodgson, R.; Robuchon, J. (2004). French Cheeses. Dorling Kindersley. ISBN 1-4053-0666-1.
↑ McGee, Harold (2004). On Food and Cooking: The Science and Lore of the Kitchen. New York: Simon & Schuster. ISBN 0-684-80001-2.
↑ The New Irish Table: 70 Contemporary Recipes – Margaret M. Johnson. p. 17.
↑ "Footprint Ireland". google.com.

Eksterne skakels

Wikimedia Commons het meer media in die kategorie Brie.
Hierdie artikel is vertaal uit die Engelse Wikipedia

[1] Masui, T.; Tomoko, Y.; Hodgson, R.; Robuchon, J. (2004). French Cheeses. Dorling Kindersley. ISBN 1-4053-0666-1.

[2] McGee, Harold (2004). On Food and Cooking: The Science and Lore of the Kitchen. New York: Simon & Schuster. ISBN 0-684-80001-2.

[3] The New Irish Table: 70 Contemporary Recipes – Margaret M. Johnson. p. 17.

[4] "Footprint Ireland". google.com.

[1]