Paul du Toit (beeldhouer)

Paul Johan du Toit (31 Oktober 1965 – 9 Januarie 2014) was 'n Suid-Afrikaanse kunstenaar, wat gespesialiseer het in skilderkuns, papier, gemengde media, maar veral beeldhouwerk. Sy uitstallings is wêreldwyd vertoon. Drie van sy beelde is gekies vir die 2001 Florence Biënnale.

Onder die vele toekennings wat hy ontvang het, is een daarvan 'n medalje van die stad van Florence in die Biënnale Internationale Dell'arte Contemporanea. Hy was ook genomineer vir die Daimler Chrysler Beeldhouwerk Toekenning in 2002. Paul was ook genooi om vir voormalige president Nelson Mandela en internasionale musikante te werk met die 46664-veldtog.

Paul Johan du Toit is gebore op 31 Oktober 1965 in Johannesburg. Hy het grootgeword in Mayfair Johannesburg en het meeste van sy tyd bestee by sy kunstenaar tante, Elizabeth van der Sandt, en sy pa se werkswinkel, waar hy beelde geskep het uit elektriese toestelle, terwyl sy tante hom gehelp het met olieverf tegnieke.

In 1984 het du Toit matrikuleer in 1985 was hy opgekommandeer vir diens in die Suid-Afrikaanse Lugmag waar hy die tyd gebruik het om houtwerk te doen en ook sy eerste bronsbeeld van 'n vliegtuig te doen. In hierdie tyd het hy ook deeltyds Rekenaarwetenskap studeer aan die destydse Pretoria Technikon, (vandag Tshwane-Universiteit vir Tegnologie). Toe hy die weermag verlaat het, het hy begin werk as 'n rekenaarprogrammeerder. In 1988 is die maatskappy waarvoor du Toit gewerk het, gelikwideer en hy het 'n werk by 'n bank gekry. Deur alles het hy steeds saans geverf om uitting aan sy kreatiewe kant te gee.

In 1992, was 'n besoek aan Florence in Italië 'n keerpunt in Paul se kunsloopbaan. Hy was so geïnspireer deur Michelangelo se Dawidbeeld, dat hy teruggekeer het met nuwe toewyding tot sy kuns. Hierdie invloed is verder aangevuur deur 'n reis na Parys twee jaar later, waar hy 'n uitstalling bygewoon het aan die agterkant van die Louvre, waar die beeldhouwerk uit materiaal soos metaal dromme en plastiek geskep is. Nadat hy teruggekeer het na Suid-Afrika het hy begin om beelde in sy garage te maak uit afval materiaal. Een van hierdie beelde het hom die toekennig laat wen van Beste Kustenaar Sonder Formele Opleiding, in Belville, Kaapstad.

In sy ateljee in Houtbaai het Paul met 'n impasto tegniek (dik industriële pasta wat aangemaak word waarin hy lyne en beelde uitkerf), dit het kenmerkend van sy styl begin word. Hy het ook sy rekenaarvaardighede ingespan om toegang te kon kry tot die internasionale kunsbedryf.

In 2014 sterf Du Toit van kanker op die ouderdom van 48.

In 1997 het Paul sy eerste skilderye plaaslik verkoop. Hy het ook sy webblad van die grond af gekry en 'n eienaar van 'n galery in Parys het hom genooi om te kom uitstal (1998). Hy het besluit om kuns sy loopbaan te maak en het aangesluit by 'n groep uitstalling by die Groot Constantia Kuns Gallery.

In 1998 het Paul die internasionale mark betree en het ook verskyn in die CNN Internasionale Kuns Klub, met sy eerste solo uitstalling in Parys. In 1999 was daar plaaslik en internasionale belangstelling in sy kuns en hy het uitstallings in Moskou, Edinburgh gehad. Die jaar 2000 was 'n 'n noemenswaardige jaar vir du Toit, met solo uitstallings in Kaapstad, Nederland en Frankryk. Dit was ook die jaar waarin du Toit met hout beeldhouwerk begin het. In 2001 is hy genomineer om uit te stal by die Florence Biënnale van Kontemporêre Kuns, waar hy vyfde plek ontvang het in die beeldhou afdeling. Hy is ook genomineer vir die Daimler Chrysler Toekenning vir Suid-Afrikaanse Beeldhouwerk.

• 
  Goed gereis, 2000, Akriel op doek, 2m x 2m, Paul du Toit

• Paul du Toit onderhoud Indagare Tydskrif NYC, 2009.
• "Opstel" deur Kresta Tyler-Johnson
• Paul du Toit Uitstalling Geargiveer 28 September 2007 op Wayback Machine by 34Long Fyn Kuns, Kaapstad.
• Paul du Toit ArtFilms.
• Paul du Toit Profiel op Kontemporêre Afrika Databasis.
• "Sien die kuns op Paulus se Planeet", Universiteit van Johannesburg uitstalling profiel, 14 September 2006.
• Baaie, Jeff, "PlanetPaul", NY Arts Magazine, 1 oktober 2006.
• "Van die Muur af: Paul du Toit", [persverklaring op AbsoluteArts.com, 26 januarie 2005.
• "Paul du Toit" Geargiveer 12 Desember 2007 op Wayback Machine litnet
• Web 2.0 uitstalling Web 2.0 Kuns Uitstalling in Frankryk
• "Sunday Times" Onderhoud

• Wikimedia Commons het meer media in die kategorie Paul du Toit (beeldhouer).
• Amptelike webwerf van Paul du Toit
• Veiling geskiedenis van die Suid-Afrikaanse kunstenaar Paul du Toit
• Podcasts^{[dooie skakel]}  gewy aan die kuns van Paul du Toit
• [1] Paulus in die ateljee op die Dieu Donné Papermill New York City