不充分決定論

不充分決定論（英文：Underdetermination）係科學哲學上嘅一個問題，指研究者有陣時冇足夠嘅證據嚟完美噉決定「要信乜」—喺現實應用當中，人好多時手上都淨係得「弱證據」，能夠證明某啲可能性係錯誤嘅，但做唔到排除晒所有嘅可能性^[1]。

證據（evidence）係指俾人用嚟支撐一個論述嘅資訊，例如家陣有人唔見咗個銀包，A 先生指控話係 B 先生偷咗個銀包（論述；${\displaystyle S}$），然後佢哋喺 B 先生間房嗰度搵返唔見咗嘅銀包（證據；${\displaystyle E}$），就支撐咗 A 先生嘅論述^[2]。喺知識論（思考知識嘅哲學領域）當中，證據可以分做強同弱兩種，

• 強證據係指「如果搵到，就可以證明個論述係真」（${\displaystyle E\rightarrow S}$）嘅證據，而
• 弱證據係指「如果搵到，就可以表示個論述有可能係真」（${\displaystyle S\rightarrow E}$）嘅證據。

事實表明，強證據好難搵。喺現實世界，人類好多時都焗住要齋靠弱證據做判斷。

舉個簡化例子，想像家陣阿 A 睇住阿 B 去買嘢，而阿 A 已經知：

• 阿 B 買咗蘋果同雪梨；
• 蘋果每個 1 文；
• 雪梨每個 2 文；
• 阿 B 總共使咗 10 文；

有咗上述呢啲資訊（證據），阿 A 可以排除以下嘅可能性：

1. 阿 B 買咗嘅係 6 個雪梨－冇可能，因為 6 個雪梨會使 12 文；
2. 阿 B 買咗嘅係 12 個蘋果－冇可能，因為 12 個蘋果會使 12 文；

但阿 A 齋靠手上嘅資訊，排除唔到以下呢啲可能性（睇返弱證據嘅概念）：

1. 可能阿 B 買咗 2 個蘋果 4 個雪梨；
2. 可能阿 B 買咗 4 個蘋果 3 個雪梨；
3. 可能阿 B 買咗 6 個蘋果 2 個雪梨；

－三個可能性都同手上嘅資訊吻合，所以阿 A 唔知邊一個先係真確，而且佢未必有時間同能力去搵進一步嘅證據。科學知識都有噉嘅問題－想像家陣有幾個理論，佢哋都解釋得到研究緊嗰樣現象，而且呢幾個理論都同已知嘅數據相容，而研究者做唔到進一步嘅驗證，就焗住要講「呢幾個理論都有可能係真嘅」^[1]。

不充分決定論講緊嘅就係噉嘅現象：

• 科學理論
• 奧坎剃刀
• 有限理性
• 複雜系統

• （英文） Stanford, Kyle (Winter 2000), Edward N. Zalta (ed.), Underdetermination of Scientific Theory, The Stanford Encyclopedia of Philosophy.