Kristian Kostov

佢喺2000年3月15號俄羅斯莫斯科出世。佢有俄羅斯同保加利亞嘅雙重公民權^[2][3]，佢自己嘅身份係「俄羅斯同保加利亞之間」，佢家族背景多元化。佢阿爸康斯坦丁（Константин / Constantine）係保加利亞人，阿媽紮吾列（Заура / Zaura）係哈薩克人，紮吾列喺1985年開始喺哈薩克斯坦去莫斯科留學，畢業後識咗康斯坦丁，兩人喺莫斯科組咗頭家。佢嘅家庭成員入面半數信基督教，另一半就係穆斯林。佢從細接觸唔同嘅宗教同文化，識講流利嘅保加利亞語、俄文同英文三種語言，亦都理解到哈薩克話^{[4][5][6][7][8]}。佢仲因鍾意日本文化而學咗一啲日文，但水平未及同人交流^[9]。

佢自細同公公婆婆一齊生活，話自己咁鐘意音樂係嚟自公公嘅影響^[7][10]。佢自細就表現出音樂天賦，4歲時就開始到音樂學院學習^[7]。

佢好早就投身音樂事業。喺6歲時加入莫斯科兒童音樂團體Neposedy（英文：Neposedy），入音樂界，喺俄羅斯全國演出。2011年，11歲嘅佢離開樂團，開始獨唱事業^{[11][12][13][14][15]}。之後佢參加咗幾個全國或國際音樂賽事。佢喺《兒童之聲》（Sound Kids）比賽攞冠軍，2012年喺《兒童新浪潮》（A New Wave for Children）入決賽，同年仲攞到《音樂學校》（School of Music）嘅第三名^[4][15]。

2014年，佢參加俄羅斯音樂真人騷節目《俄羅斯兒童之聲》第一季。喺節目佢加入2008年歐洲歌唱大賽冠軍季馬·比蘭嘅隊伍，最終進入呢季嘅總決賽成為六強參賽者之一，但喺總決賽第一輪之後出局。佢就咁喺俄羅斯慢慢出名，佢特別多謝比蘭畀佢嘅指導，話佢「激勵咗自己」，每個禮拜都挖掘出自己最優秀嘅潛力，認為同比蘭一齊做嘢係自己參賽嘅最大收獲^{[4][16][11][13][14][15][6]}。佢雖然拎唔到冠軍，但佢嘅演出畀觀眾留低深刻嘅印象，有一班歌迷。11月，佢被邀請做聯合國兒童基金會嘅#想象計劃（#Imagine project）表演，係呢個活動入面唯一一位俄羅斯藝人。同年年尾，佢喺俄羅斯出咗單曲《聽雨》（Слушай Дождь / Listen to the Rain）。第二年4月，佢喺俄羅斯同自己嘅伴舞團體KrisKrew一齊現場表演呢隻歌，佢嘅演出同舞蹈都有好評^[4][15]。

2015年8月，佢去保加利亞，參加個度嘅音樂選騷節目《X音素》第四季嘅海選。喺比賽入面，佢話自己係保加利亞人，所以夢想可以喺保加利亞都開創佢嘅音樂事業^{[6][14][13][17][18]}。佢喺比賽入面入到總決賽，最終攞到嗰季第二名^[17]。佢嘅屋企人喺賽後返到莫斯科，而佢獨自留喺保加利亞繼續學業同音樂事業^[6]。

《X音素》完咗冇耐，佢就同保加利亞國內最出名嘅唱片公司之一維珍尼亞唱片（Virginia Records）簽約。2016年9月，佢參加個度規模最大嘅音樂活動「好聲音歡樂能量巡演」（The Voice Happy Energy Tour），並喺索菲亞嘅巡演尾場現場演唱^[4][15]。2016年10月7號，佢出咗簽約後嘅首隻單曲《Ne si za men》（Не си за мен），同時發佈單曲嘅音樂錄影^{[13][4][15][19][20]}。呢隻歌出咗後連續兩個禮拜排喺保加利亞電台排行榜冠軍，即係電台播放次數最多嘅歌。單曲仲上埋保加利亞二十強單曲排行榜，喺個榜到五個禮拜，最高排第13位^[4][15][21]。之後又喺2017年1月13號出咗英文版本《女孩你俘獲了我》（You Got Me Girl）。^{[13][4][15][22][23]}，佢仲同保加利亞說唱組合Pavell & Venci Venc'合作唱咗單曲《升級》（Вдигам Level / Vdigam Level），喺2016年11月25號出^{[4][15][24][25]}，單曲之後喺保加利亞電台排行榜入面連續14個禮拜攞第一，仲入埋保加利亞二十強單曲排行榜，最高排第13位。而音樂錄影喺YouTube上有超過600萬次收睇^{[13][4][15][26]}。

2017年3月13號，保加利亞國家電視台宣佈Kristian Kostov代表該國（英文：Bulgaria in the Eurovision Song Contest）參加當年嘅歐洲歌唱大賽，佢喺比賽入面唱《Beautiful Mess》。嗰陣佢未滿17歲，係嗰屆比賽入面最年輕嘅參賽者，亦係大賽歷史上首位喺2000年代出世嘅參賽者^[27][16]。首歌歌音樂錄影帶喺3月尾公開，單曲都喺之後嘅4月發行^[28][29]。

2017年歐洲歌唱大賽喺當年5月喺前一年冠軍國烏克蘭嘅首都基輔搞。3月尾，烏克蘭以「非法進入克里米亞」為理由唔畀俄羅斯參賽者尤利婭·薩莫洛娃（英文：Yulia Samoylova (singer)）入境。2014年3月，克里米亞脫離烏克蘭並入俄羅斯，烏方當呢樣係俄羅斯嘅侵略行為，喺11月頒布法令認定自俄羅斯進入克里米亞為非法，而薩莫洛娃之後喺2015年自俄方去克里米亞違反咗呢項法令，烏政府就咁唔畀佢入境參賽。俄羅斯最終以退賽做回應^[30][31][32]。之後消息曝光Kristian Kostov喺2014年6月都曾自俄羅斯進入克里米亞搞演出，觀眾一度擔心佢同樣會咁樣而收到入境禁令而無法參賽。但烏克蘭邊境管理部門最終裁定佢冇違反烏克蘭法律，原因係佢去克里米亞嗰陣呢個法令仲未生效。佢就咁可以入境參加呢屆賽事。攞過呢項大賽冠軍並喺選秀節目入面指導過Kristian Kostov嘅季馬·比蘭喺賽前話佢雖然「代表保加利亞參賽，但都係我們（俄羅斯）嘅英雄」^[32][33]。

佢喺賽前已經畀觀眾同博彩公司睇好，博彩公司開出佢嘅奪冠賠率喺全部42名參賽者入面排好前。^[34]佢喺兩場半決賽嘅第二場出場，攞到403分，其中包括專業評委畀嘅199分同觀眾投票畀嘅204分，兩個分項得分同總成績喺嗰場半決賽都排第一，進入總決賽^[35][36]。

喺5月13號晚搞嘅總決賽，佢攞到專業評委打出嘅278分同觀眾投票打出嘅337分，兩項得分都排第二名，以615分嘅總成績僅次於冠軍葡萄牙參賽者薩爾瓦多·索布拉爾，攞到嗰屆賽事亞軍^[37][38]。呢個成績超越前一年攞到第4名嘅波莉·奇諾娃，係保加利亞自2005年開始參加呢項賽事以嚟嘅最好成績^[39]。

2017年，佢喺德國慕尼黑通過咗美國伯克利音樂學院嘅面試並被錄取^[40][9]。同年11月，佢喺中國三亞搞嘅2017年世界小姐總決賽現場表演^[41]。2018年，佢同其他9位歐洲歌手一齊攞到歐洲跨國界音樂獎，佢仲憑歌迷投票攞到嗰屆嘅公眾選擇獎^[42]。2019年1月，加盟湖南衛視《歌手2019》、為首發歌手^[43]，喺第二輪踢館賽遭到淘汰，之後喺突圍賽演唱《Get it》同《Rift》以第七名突圍失敗。

主唱單曲

合作單曲

其他合作歌曲

2019年1月，加盟湖南衛視《歌手2019》、為首發歌手，喺第二輪踢館賽遭到淘汰，之後喺突圍賽演唱《Get it》同《Rift》以第七名突圍失敗。

• Kristian喺維珍尼亞唱片嘅資料頁（保加利亞文）
• Kristian Kostov喺互聯網電影資料庫嘅資料（英文）
• Kristian Kostov嘅Twitter
• Kristian Kostov嘅Instagram頁
• Kristian Kostov嘅facebook頁
• Kristian Kostov嘅新浪微博