乸

喺���物學上，乸可以以配子嚟定義，係繁殖過程當中供應卵子（大粒啲嘅配子）嗰一方。

喺動物界，乸擇偶嗰陣通常都揀擇啲。

查理斯·達爾文發覺近乎一切嘅動物物種都有一種情況：乸硬係性慾冇公咁強^[1]。

喺 1948 年，有生物學家做咗一場實驗：佢哋發覺一隻果蠅公配偶愈多，生到嘅後代就愈多；相比之下，乸就冇噉嘅情況—就算一隻乸配偶好多，佢生到嘅後代數量都唔會點升—乸嘅配子（卵子）明顯大粒過公嘅（精子），噉就表示對身體嚟講，生產卵子（同生產精子比起嚟）消耗嘅資源更多，而且乸往往要花好多時間陀仔，陀仔期間隻乸冇得繁殖；公生產後代嘅能力唔受呢種限制。因此，公比較有誘因靠住「盡力搵乸交配，交配次數有咁多得咁多」嘅策略嚟行動，而乸繁殖機會有限，對配偶會比較揀擇，偏向揀高質素數量少嘅伴侶，亦會投注更多資源落去每個後代嗰度^[1]。

蜂后：一世係噉勁生蛋嘅乸
一個典型嘅蜜蜂群係由蜂后統治嘅。一隻蜂后通常都係佢所屬嗰個蜜蜂竇入面所有蜜蜂嘅阿媽，無論喺生理、形態定行為上都同普通嘅蜜蜂好唔同—佢大隻啲，唔識生產蜂蠟；最緊要嘅係，一隻蜂后有一組有生殖能力嘅卵巢，同埋具有可以用嚟儲起啲精子嘅結構。一隻準蜂后會同好多隻（屬於第啲群嘅）蜜蜂公交配。交配咗之後，一隻完全成熟嘅蜂后每日生到成 2,000 粒卵咁多。為咗等自己可以專心產卵，隻蜂后會釋放一啲特殊嘅費洛蒙，指揮同控制啲工蜂做嘢^[2]。

• 有性繁殖
• 兩性異形
• 求偶

以下係呢篇文引用咗嘅學術文獻或者網頁：