辛丑條約

《辛丑條約》係大清響英國、美國、日本、俄國、法國、德國、意大利、奧匈、比利時、西班牙同荷蘭十一國響光緒廿七年（1901年）9月7號（辛丑年七月廿五）簽嘅唔平等條約，賠償義和團暴亂嘅損失，同時亦完咗八國聯軍之役。

條約規定賠款4億5000萬両白銀，分39年還清，本息合計9億8000萬両（即係庚子賠款）。同時，北京到山海關沿路要拆嗮啲炮台，有各國派兵駐紮，並開闢北京東交民巷做使館區，本國人唔畀入。

條約嘅簽訂令中國完全淪為半殖民地半封建社會^[1]，亦對中國經濟帶嚟不良影響。八國聯軍之役亦更加顯現清政府嘅腐敗無能，令更多人投身反清革命。