訴諸傳統

如果細心噉諗吓，就會知道「呢個主張因為我哋不嬲信開，所以係啱嘅」呢條思路做咗兩個好有問題嘅假設：

• 前人諗出呢個主張嗰陣，個主張係真確嘅；呢個假設好有問題，因為事實證明咗，世界上有好多傳統嘅迷信（例如係粵文化當中打小人噉）一開始就係建基於一啲好有問題嘅諗法嘅。
• 前人信呢個主張嘅理由，喺而家都仲行得通；呢個假設都有問題，因為隨住年日過去，有好多過往望落合理嘅諗法都有可能會發現咗新知識而變得明顯唔合理－呢種事喺科學同哲學嘅歷史上係噉發生緊。

要留意嘅係，訴諸傳統謬論嘅問題在於齋靠「嗰個主張古老」嚟到撐一個主張，但係如果用呢個主張嘅人唔衹係用呢個理由嚟撐佢個主張，仲有加埋第啲（同「信咗好耐」相關嘅）理據嘅話，噉佢個論證有可能係合理嘅，例如係以下呢段對話噉：

A 君：我主張要改過電腦鍵盤嘅設計，唔再用 QWERT 呢種排列。

B 君：我認為我哋應該繼續用 QWERT 嘅鍵盤，因為佢用咗好耐，要改嘅話會涉及好多人力物力，根本唔合乎經濟效益。

A 君：哦，你喺度訴諸傳統！

B 君：冇呀，我除咗「用咗好耐」之外，仲有用「人力物力」呢個理據嚟到撐我個諗法喎。

• 傳統
• 保守主義
• 謬論
  • 唔啦更謬論
  • 訴諸新穎（Appeal to novelty），可以話係訴諸傳統嘅相反，指啲人有陣時純粹因為一個主張係新興嘅所以就覺得係啱。