藍灣半島

藍灣半島嘅地皮總面積達到25,592平方米，屬於港島住宅（甲類）地皮，住宅部分嘅地契喺拍賣前寫明係6.5倍地積比（當係新發展區^[1]），雖然之後刪除咗，但係仍然寫明需要起一個公共交通交匯處同一個公眾停車場，當中公眾停車場嘅面積計入建築樓面面積（Permitted GFA）裏面。根據柴灣分區計劃大綱圖，發展商亦都獲批准喺最低三層起一個基座商場，面積達到47,536平方米。

當時的柴灣分區計劃大綱圖並冇寫明嗰個地段嘅住宅地積比，令到地盤冇一個有法律效力嘅發展上限，所以只係受建築物（規劃）規例所規管，即係甲類地皮地積比最高係8倍^[2]；另外當時冇保護維港嘅高度限制影響到建築樓面面積嘅計法。

發展商之後申請改做為丙類地盤（最高10倍地積比），重建議起兩條內街令到佢符合丙類地盤嘅定義。最後因為同小西灣運動場接連嘅行人路被定義做街道，所以發展商只需起一條4.5米闊嘅內街（佔地盤面積201平方米）。因為呢個地盤冇受城市規劃大綱圖規管，所以唔需要通過城市規劃委員會就可以通過改變。相反如果當年有城市規劃大綱圖嘅限制而需要交畀城規會審議嘅話，申請可能未必通過到。

屋宇署建築事務監督批畀地盤嘅最終建築圖則上面寫明：住用部分嘅建築樓面面積（Permitted GFA）係223,914平方米（8.819地積比）、商用樓面嘅建築樓面面積係44,989平方米，另外唔需要補地價。用總建築樓面面積嚟計，平均呎價係每平方米43956港元（未計發水，如果計埋會所設施，地價就會少過4086元，喺最高住宅平均呎價榜入面連六大都入唔到^[3]）。

審計署曾經���地政總署賣地之前冇喺賣地地契入面好好咁釐清地積比同許可建築樓面面積（GFA），令到當年拍賣嘅時候可能因為被低估佢嘅發展潛力，而令到發展商嘅出價超過當年地皮嘅市價，變相影響政府嘅賣地收入^[4]。

藍灣半島嘅住客會所用度假式概念去設計，面積有32萬平方呎，用咗超過1億去起。會所嘅設施包括：1.4萬平方呎嘅瀑布式泳池、兒童腳踏式音樂噴水池、室內泳池、健身室、網球場、壁球場、閱讀室、保齡球場、多用途會議室、麻雀室、音樂創作室、鋼琴室同燒烤場。其中Erno Laszlo護膚中心有薰浴池、桑拿浴室、腳底穴位按摩室等等嘅設施，同埋各式各樣嘅按摩器材。

樓下嘅商場叫做藍灣廣場。

每座住宅嘅𨋢都用咗迅達Miconic 10嘅智能分配系統，令到藍灣半島成為咗香港第一個用呢個系統嘅住宅項目。住客只需要喺大堂用拍一下住戶智能卡，系統就會自動分配電梯畀住客，入𨋢之後亦都唔需要再撳𨋢掣就可以到所住嘅樓層。

2012年7月，強颱風韋森特襲港，藍灣半島有差唔多30多個單位嘅窗被吹到爆裂，玻璃碎四散之餘，單位亦都濕晒水。有住客覺得自己好似住喺寮屋區咁樣，所以質疑屋苑係咪豆腐渣工程。^[5]

• 小西灣道
• 富欣花園
• 富欣道
• 中華基金中學
• 衛理中學
• 福建中學 (小西灣)
• 漢華中學
• 培僑小學

• 小西灣（藍灣半島）公共運輸交匯處
  • 港島巴士
    • 城巴8H（去掃桿埔東華東院）
    • 城巴8P（去灣仔北）
    • 城巴8S（跑馬地馬場開去藍灣半島）
    • 城巴8X（去跑馬地上）
    • 城巴82（去北角碼頭）
    • 城巴82S（去耀東邨）
    • 城巴85（去寶馬山／北角碼頭）
    • 城巴85P（去寶馬山）
    • 城巴88X（去堅尼地城卑路乍灣）
    • 城巴314（去赤柱）
    • 城巴788（去中環港澳碼頭）
    • 城巴789（去金鐘）
    • 城巴N8P（去灣仔）
    • 城巴N8X（去中環港澳碼頭）

• • 過海巴士
    • 城九106（去黃大仙）
    • 城九106P（去黃大仙）
    • 城九118（去長沙灣深旺道）
    • 城九118P（去長沙灣深旺道）
    • 城九606（去彩雲邨）
    • 城九606X（去彩雲邨）
    • 城九N118（去長沙灣深旺道）

• • 機場巴士
    • 城巴A12（去香港國際機場）

• • 港島小巴
    • 小巴61（去旺角快富街）
    • 小巴62A（去杏花邨）

• 小西灣道
  • 過海巴士
    • 城巴682（去烏溪沙）
    • 城巴694（去調景嶺）

• 藍灣半島官方網站
• 藍灣半島地圖
• 藍灣半島嘅美聯專頁