珠江口喺中國廣東，係珠江出海之處。近珠江口，江水北向南流，喺東莞沙角同南沙龍穴島之間出海。珠江口南���係零丁洋。
有時亦有人，將香港同澳門之間，零丁洋同九洲洋呢一大片海，當做珠江口。
珠江原本係海，為珠海，係南海一部份。因為過千年來，近今日廣州市一帶，聚有東江、西江、北江三大江，同埋其他細河嘅沙坭，喺周圍積成平原。而廣州市南便番禺區一帶就變地，中間留咗條珠江出海。因為地越積越出，所以珠江口亦越移越出。大清末年，珠江口去到虎門。2008年，珠江口喺虎門南便嘅沙角。
