固戍係中國深圳一笪地方，喺西鄉西北，對住伶仃洋。
深圳地鐵會起固戍站。
舊時寶安小輪，香港島三角碼頭過固戍，行南頭、固戍、栗樹、白石洲[1]。有可能係到咗南頭靠駁艇去唔同地方[2]。
固戍喺第二次世界大戰前，好多人去香港謀生，而當地耐不耐有搶劫擄人勒索[3]。
1938年，日軍有16號軍艦停喺伶仃洋，1月27號派汽船擾固戍，畀岸上炮火擊退，傷六十日兵[4]。1939年8月5號，日軍又派艦喺固戍搶糧[5]。呢種騷擾一直去到1940年。
