南港島綫

南港島綫（粵拼：nam4 gong2 dou2 sin3；英文：South Island Line）係港鐵嘅鐵路綫之一。呢條綫係一個中型鐵路系統，連接香港島北岸同南區，以解決南區嘅交通擠塞問題。香港行政長官曾蔭權響2007年施政報告應承過會起。南港島線東段響2011年開始起，本嚟話2015年通車，最後東段喺2016年12月28號通車^[1]^[2]，但係西段就暫時未有興建時間表。

史

早期構思

1989年香港政府運輸科發表《第二次整體運輸研究》報告，就話想拉地鐵入南區，1993年發表嘅鐵路發展諮詢文件同1999年發表嘅鐵路發展研究都有提過，不過都係得個講字。

研究點起

2002年，香港政府搵地鐵公司研究南港島綫點起，初頭提議由香港大學經鴨脷洲接駁去灣仔，唔經香港仔。2004年地鐵公司將南港島綫拆開兩邊，東段由鴨脷洲接駁去金鐘，西段就同西港島綫合併，由黃竹坑接駁去西營盤。2005年地鐵公司再改方案，西港島綫用延長港島綫方式去起，南港島綫西段接駁去香港大學，不過嗰時政府一路未拍板起唔起。

到兩年之後，行政長官曾蔭權響2007年10月施政報告應承起南港島綫，同年12月行政會議批准起東段。之後曾經研究加唔加跑馬地站，最後港鐵公司同香港馬會傾唔掂數，2009年落實唔加。

開工同通車

2011年5月，行政會議再批准交前黃竹坑邨地皮畀港鐵發展，資助起南港島綫，同時南港島綫亦正式開工。

2012年4月，港鐵公佈南港島綫詳情，預計2015年完工，不過因為金鐘站工程有阻滯，2014年6月改口話2016年底前完工。

運輸及房屋局局長張炳良響2015年尾去海洋公園站視察嗰陣提過，嗰陣嘅工程已經完成咗九成，預計可以喺2016年尾通車^[3]。2016年11月，時任港鐵主席馬時亨確認可以喺同年12月中下旬通車。2016年12月5號，港鐵確認南港島綫（金鐘到海怡半島）通車日期。^[1]2016年12月28號，南港島綫通車，頭班車響清晨5:55由海怡半島站開出。^[2]

車站、接駁路線一覽

車站名同套色	英文站名	喺邊區	營運距離（公里）		接駁路綫	通車日期
車站名同套色	英文站名	喺邊區	站間	累計	接駁路綫	通車日期
南港島綫
金鐘	Admiralty	中西區	-	0.00	港島綫、荃灣綫或者東鐵綫	2016年12月28號^[ADM]
海洋公園	Ocean Park	南區	3.85	3.85
黃竹坑	Wong Chuk Hang		0.75	4.60	南港島綫西段^[SIL]
利東	Lei Tung		1.41	6.01
海怡半島	South Horizons		0.88	6.89
附註
^ADM 金鐘站嘅南港島綫同東鐵綫部分都係全新起嘅大堂同月台，南港島綫月台啟用嘅日期係2016年12月28號，港島綫同荃灣綫月台分別喺1985年5月31號同1980年2月12號啟用。 ^SILW 根據港鐵公司提出嘅南港島綫方案，會起南港島綫東段同西段，為港島南區提供鐵路服務。宜家西段計劃仲喺研究階段，未能夠落實有關計劃嘅發展日期。

參考資料

↑ ^1.0 ^1.1 〈港鐵公佈南港島綫12月28日通車（蘋果日報）〉。原著喺2020年3月16號歸檔。喺2016年12月5號搵到。
↑ ^2.0 ^2.1 〈南港島綫正式通車過百名鐵路迷逼爆頭班車（蘋果日報）〉。原著喺2020年3月16號歸檔。喺2016年12月28號搵到。
↑ 張炳良：南港島綫料明年底通車 2015年11月14號

出面網頁

〈港鐵 - 南港島綫（東段）- 主頁〉。

呢篇南港島綫係關於香港鐵路嘅楔位文章，重未完成嘅。麻煩你幫手補充佢嘅內容。

[open-1] 1.0 ^1.1 〈港鐵公佈南港島綫12月28日通車（蘋果日報）〉。原著喺2020年3月16號歸檔。喺2016年12月5號搵到。

[Eopen-2] 2.0 ^2.1 〈南港島綫正式通車過百名鐵路迷逼爆頭班車（蘋果日報）〉。原著喺2020年3月16號歸檔。喺2016年12月28號搵到。

[3] 張炳良：南港島綫料明年底通車 2015年11月14號

[1]