Lí Teng-hui

Lí Teng-hui
李登輝
Tē 7, 8, 9 jīm Tiong-hoâ Bîn-kok chóng-thóng
Jīm-kî 1988 nî 1 goe̍h 13 ji̍t – 2000 nî 5 goe̍h 20 ji̍t
Hù chóng-thóng	Lí Goân-chhok Liân Chiàn
Chêng-jīm	Chiúⁿ Keng-kok
Kè-jīm	Tân Chúi-píⁿ
Tē 2 jīm Tiong-kok Kok-bîn Tóng tóng-chú-se̍k
Jīm-kî 1988 nî 7 goe̍h 27 ji̍t – 2000 nî 3 goe̍h 24 ji̍t
Chêng-jīm	Chiúⁿ Keng-kok
Kè-jīm	Liân Chiàn
Tē 7 jīm Tiong-hoâ Bîn-kok hù-chóng-thóng
Jīm-kî 1984 nî 5 goe̍h 20 ji̍t – 1988 nî 1 goe̍h 13 ji̍t
Chóng-thóng	Chiúⁿ Keng-kok
Chêng-jīm	Siā Tong-bín
Kè-jīm	Lí Goân-chhok
Kò-jîn chu-sìn
Chhut-sì	1923 nî 1 goe̍h 15 ji̍t(1923-01-15) Ji̍t-pún léng Tâi-oân Tâi-pak-chiu Tām-chúi-kūn Sam-chi-chng (taⁿ sio̍k  Tâi-oân Sin-pak-chhī Sam-chi-khu)
Kòe-sin	2020 nî 7 goe̍h 30 ji̍t (97 hòe) Tâi-oân Tâi-pak-chhī Pak-tâu-khu Tâi-pak Êng-bîn Chóng-pēⁿ-īⁿ
Chèng-tóng	Tiong-kok Kok-bîn Tóng (1971-2001)
Bú-hāu	Kiaⁿ-to͘ Tè-kok Tāi-ha̍k Kok-li̍p Tâi-oân Tāi-ha̍k Iowa Chiu-li̍p Tāi-ha̍k Cornell Tāi-ha̍k

Lí Teng-hui (李登輝, 1923 nî 1 goe̍h 15 ji̍t – 2020 nî 7 goe̍h 30 ji̍t), chhut-sì tī taⁿ Tâi-ôan Sin-pak-chhī Sam-chi-khu. I sī Tiong-hôa Bîn-kok tē-it ūi bîn-sóan ê chóng-thóng. Í-chá ê Ji̍t-pún miâ hō-chòe "Iwasato Masao" (岩里政男).

Kong-gôan 1944-nî 1 go̍eh, tng-tong siàu-liân ê Lí Teng-hui tī Ji̍t-pún Kiaⁿ-to· Tè-kok Tāi-ha̍k ji̍p-ngó·. Chò-peng tiong-kan, i khó-tiâu Ji̍t-pún Chiba Ko-siā-phàu Ha̍k-hāu (千葉高射炮學校), siâng nî-tō· 8 go̍eh 19 hō, Lí--sian chìn-seng ūi lio̍k-kun siàu-ūi, liáu-āu liam-mī tī Tâi-ôan Kiong-hiông thè-ngó·.

Liōng-kî-iok tī 1972-nî, Lí Teng-hui tit-tio̍h Kok-bîn-tóng chhâi-keng léng-he̍k pâi-chí lâng ê khan-sêng, ka-ji̍p KBT, chhú-khì it-ti̍t tit-tio̍h Chiúⁿ Keng-kok ê khì-tiōng, bat chò-kòe "hêng-chèng-īⁿ chèng-bū úi-ôan" , "Tâi-pak chhī-tiúⁿ", "Tâi-ôan-séng chú-se̍k" , "Tiong-hôa Bîn-kok hù-chóng-thóng" téng-téng ê koaⁿ-hâm (官衔). Kàu-kah Chiúⁿ Keng-kok kòe-sin liáu-āu, Lí Teng-hui chiap-jīm chóng-thóng, koh kiam chip-chèng-tiúⁿ, lóng-chóng 12-nî hiah-ni̍h kú.

Lí Teng-hui chāi jīm ê chho·-kî chi-chhî Tiong-kok thóng-it, m̄-koh āu--lâi lióng-hōaⁿ hō·-siong chi-kan sìn-jīm ê thêng-tō· bô kàu, ah bîn-kan koh put-sî chhut-hiān chi̍t-kóa mô-chhat sū-kiāⁿ bô tit-tio̍h ôan-bóan ê kái-koat, kaù-kah sià-jīm ê chòe-āu 1-nî, Lí Teng-hui kèng-jiân soah lâi piáu-thāi kóng lióng-hōaⁿ koan-hē sī "te̍k-sû kok í kok ê koan-hē" (Lióng-kok-lūn). 2000-nî, chóng-thóng soán-kí, KBT sit-lī, Lí Teng-hui ūi taⁿ-khí chek-jīm, sî-khì tóng-chú-se̍k ê chit-bū, pēng-chhiáⁿ tī kāng nî-tō· 5 go̍eh, iā-tio̍h-sī chóng-thóng jīm-kî kài-móa sià-jīm kòe-āu, kong-khai chú-tiuⁿ Tâi-ôan to̍k-li̍p, chiâⁿ-chòe Tâi-oân to̍k-li̍p ūn-tōng ê si̍t-chè léng-tō-lâng chi-it. Pòaⁿ-nî āu, Lí-Teng-hui tio̍h-chhiú chhòng-li̍p 1-ê sin--ê chèng-tóng: Tâi-oân Thoân-kiat Liân-bêng (Tâi-Liân-Tóng), chiâⁿ-chòe chit-ê chèng-tóng ê cheng-sîn léng-siù.

Tâi-ôan Thôan-kiat Liân-bêng chú-tiuⁿ kiàn-li̍p Tâi-ôan-lâng ê Tâi-oân Kiōng-hô-kok, chhiàng-gī "Tâi-ôan chiàⁿ-miâ" ê ūn-tōng. 2004-nî chìn-chêng to̍h í-keng hām KBT chhé-kah lī-lī-lī ê Lí Teng-hui, iū-koh kiâⁿ chhut-lâi hē-la̍t thīn Bîn-Chìn-Tóng ê hāu-sóan-jîn Tân Chúi-píⁿ, i ho·-iok siā-hōe kok-kài ài hō· Tân Chúi-píⁿ sêng-kong liân-jīm, i kóng án-ne Tâi-ôan chiah ē-tàng hiáng-siū chú-kôan to̍k-li̍p ê tē-ūi.

2020 nî 2 goe̍h, Lí Teng-hui in-ūi lim gû-ling cha̍k-tio̍h, ji̍p-khì Tâi-pak Êng-bîn Chóng-pēⁿ-īⁿ tī-liâu, m̄-koh chōng-hóng hoán khí hoán tó, tī chit-nî--ê 7 goe̍h 30 ji̍t, Lí Teng-hui tī pēⁿ-īⁿ kòe-óng, hiáng kî-siū (耆壽) 98 hòe.^[1]

1. ↑ Iûⁿ Ngá-tông (楊雅棠) (2020-07-30). "人生舞台謝幕！前總統李登輝病逝北榮 享耆壽98歲". Liân-ha̍p Sin-bûn-bāng (聯合新聞網). 2020-07-30 khòaⁿ--ê. 

Tī Wikimedia Commons téng ê siong-koan tóng-àn: Lee Teng-hui

• Kûn-chhek-hōe Archived 2016-03-15 at the Wayback Machine.
• Tâi-oân Thoân-kiat Liân-bêng bāng-chām Archived 2010-06-09 at the Wayback Machine.

hián lūn pian Tiong-hôa Bîn-kok chóng-thóng Chiúⁿ Kài-se̍k Lí Chong-jîn (tāi-lí) Chiúⁿ Kài-se̍k Giâm Ka-kàm Chiúⁿ Keng-kok Lí Teng-hui Tân Chúi-píⁿ Má Eng-kiú Chhòa Eng-bûn Lōa Chheng-tek

hián lūn pian Tiong-hôa Bîn-kok hù-chóng-thóng Pak-iûⁿ Chèng-hú (1913–1928) Lê Goân-hông Pâng Kok-chiong bô (1917–1948) Hiàn-chèng sî-kî kàn-chiap soán-kí (1948–1996) Lí Chong-jîn Tân Sêng Giâm Ka-kàm Siā Tong-bín Lí Teng-hui Lí Goân-chhok Hiàn-chèng sî-kî ti̍t-chiap soán-kí (chū 1996) Liân Chiàn Lū Siù-liân Siau Bān-tiông Ngô͘ Tun-gī Tân Kiàn-jîn Lōa Chheng-tek Siau Bí-khîm Pī-chù: Pak-iûⁿ Chèng-hú chhî-siok chì 1928 nî, m̄-koh 1917 nî í-āu hù-chóng-thóng si̍t-chè-siōng lóng bô lâng jīm-chit. 1925 nî kàu 1948 nî kî-kan, Kok-bîn Chèng-hú ê goân-siú sī Kok-bîn Chèng-hú chú-se̍k, bô siat-tì hù-chú-se̍k.

hián lūn pian Tiong-kok Kok-bîn Tóng chú-se̍k Sòng Kàu-jîn Sun Tiong-san Tiuⁿ Jîn-kiat Ô͘ Hàn-bîn Ong Cheng-oē Chiúⁿ Kài-se̍k Chiúⁿ Keng-kok Lí Teng-hui Liân Chiàn Má Eng-kiú Ngô͘ Pek-hiông (tāi-lí) Kang Péng-khun (tāi-lí) Ngô͘ Pek-hiông Má Eng-kiú Ngô͘ Tun-gī (tāi-lí) Chu Li̍p-lûn N̂g Bín-hūi (tāi-lí) Âng Siù-thiāu Lîm Chèng-chek (tāi-lí) Ngô͘ Tun-gī Lîm Êng-tek (tāi-lí) Kang Khé-sîn Chu Li̍p-lûn

hián lūn pian Tâi-pak-chhī Chhī-tiúⁿ Ji̍t-pún sî-tāi Mutô Singorô Ôta Goiti Tabata Kôzaburô Masuda Hidekiti Utumi Tyûzi Nisizawa Gityô Matuoka Kazue Isii Tatui Kihara Enzi Huzimura Kanta Hirotani Tiin Doi Yosimizu Séng-hat-chhī sî-tāi N̂g Tiâu-khîm Iû Mí-kian Gô͘ Sam-liân Hāng Chhiong-koân (tāi-lí) Gô͘ Sam-liân Ko Gio̍k-sū N̂g Khé-sūi Chiu Pek-liān (tāi-lí) N̂g Khé-sūi Ko Gio̍k-sū Īⁿ-hat-chhī sî-tāi Ko Gio̍k-sū Tiuⁿ Hong-sū Lîm Iûⁿ-káng Lí Teng-hui Siāu Un-sin Iûⁿ Kim-chhông Khó͘ Chúi-tek Gô͘ Pek-hiông N̂g Tāi-chiu Ti̍t-hat-chhī sî-tāi Tân Chúi-píⁿ Má Eng-kiú Hok Liông-pin Koa Bûn-tiat Chiúⁿ Bān-an