Krasnoslobodsk (Mordovii)
Krasnoslobodsk (ven.: Краснослобо́дск, erz.: Якстерекуро, mokš.: Ош) om Venäman lidn Mordovijan Tazovaldkundan lodehes. Se om Krasnoslobodskan rajonan lidnankund, administrativine keskuz da üks'jäine lidn.
Lidnanznam
|
Flag
|
| Valdkund | Venäma |
| Eläjiden lugu (2021) | 8,910 ristitud |
| Pind | 10,48 km² |
| |
| Pämez' | Marina Sivcova (kül'mku 2016—) |
| Telefonkod | +7−83 443-xx-xxx |
| Avtokod | 13, 113 |
| Aigvö | UTC+3 (MSK+0) |
Sil sanal voib olda toižid znamoičendoid; miše nähta niid, tulgat tänna.
Istorii
vajehtaEländpunktan aluz om pandud vl 1571 kuti Rusked Slabad-lidnuz (ven.: острог Красная Слобода). Vl 1706 se sai lidnan statusad. Vl 1780 udesnimitihe lidnad nügüdläižikš. Vn 1817 lämoipalon jäl'ghe Krasnoslobodsk om saudud möst regulärižen planan mödhe oiktoidenke irdoidenke.
Krasnoslobodsk šingotase nenil edheotandoil: metalližtegesiden edheotand tegimišton täht, radiotegim (palad elektroladimiden täht), «Aktiv elektro»-tegim[1] (elektrolaudad konoriš tegimišton i äižiruižiden pertiden täht), kezerduzkudondfabrik[2] (pledad, magaduzkatused), argvoin tegim. Niiden ližaks, nevondkundaližel aigal radoiba: leibän i linkapken tegimed, tegimištoline, sömän i punümbriradandan kombinatad, turbhan edheotand.
Geografijan andmused
vajehtaLidn seižub Mokš-jogen hural randal (Okanjogen oigedpol'ne bassein).
Matkad Saranskhasai om 103 km päivnouzmha avtotedme. Lähembaine lidn om Temnikov 44 km lodeheze orhal vai 64 km avtotedme. Lähembaine raudtestancii radab Kovilkino-lidnas, se sijadase 50 kilometras suvhe orhal.
Tobmuz
vajehtaKrasnoslobodsk om lidnankundan üks'jäižeks eländpunktaks.
Lidnankundan tobmuden pämez' om sen Deputatoiden nevondkundan ezimez'. Edeline nevondkundan ezimez' om Valentina Mel'nikova, radoi vn 2016 kül'mkuhusai. Lidnankundan Administracijan pämez' om Nikolai Truntaev vn 2016 kül'mkuspäi.
Eläjad
vajehtaVn 2010 kaiken Venäman rahvahanlugemižen mödhe lidnan eläjiden lugu oli 10 151 ristitud, rajonan ristitišton kaks' videndest, vn 2021 — 8 910 ristitud. Kaik 9 556 eläjad oli lidnas vl 2017. Kaikiš suremb lidnan ristitišt oli läz 12 tuhad eläjid vozil 1992−2001 (12 000 rist. vl 1998).
Ortodoksižen hristanuskondan kuz' pühäpertid[3] oma kaičenus i saudud lidnas: Sündun Eläbzdusen kafedraline päjumalanpert' (letihe vll 2005−2007), Jumalanmaman Emäganpäivän jumalanpert', kodijumalanpert' enččes hengeližes školas, Jumalanmaman Emäganpäivän naižjumalankodi (ei ole väges, kodijumalanpert' om avaitud), Eläban Eziauguižen Stroican päjumalanpert' (ei ole väges). Niiden ližaks koume jumalanpertid ei ole kaičenus.
Lapsiden opendusen aluzkundad oma nell' nimitadud päivkodid, keskškol (nomer 1), lapsiden sädamižen pert', kul'turan keskuz, lapsiden da norišton sportškol. Krasnoslobodskan agrarine tehnikum[4] (mülüti zoovettehnikumad vl 2012) i Krasnoslobodskan medicinine kolledž[5] oma lidnan professionaližen opendusen aluzkundoikš.
Galerei
vajehta-
Sündun Eläbzdusen kafedraline päjumalanpert', vn 2018 nägu
-
Jumalanmaman Emäganpäivän naižjumalankodi, vn 2015 nägu
-
Agrarine tehnikum (2012, ende zoovettehnikum, istorine P.I. Sevastjanovan usadib)
-
Kul'turkeskuz (2015)
-
Keskškol nomer 1 (2012, ende mehiden hengeline škol)
Homaičendad
vajehta- ↑ «Aktiv elektro»-tegimen sait (ac-el.com). (ven.)
- ↑ Krasnoslobodskan tekstilin sait (pled-rus.ru). (ven.)
- ↑ Krasnoslobodskan pühäpertid sobory.ru-saital. (ven.)
- ↑ Krasnoslobodskan agrarižen tehnikuman sait (uchhoz.profiedu.ru). (ven.)
- ↑ Krasnoslobodskan medicinižen kolledžan sait (krslmedcolledg.ru). (ven.)
Irdkosketused
vajehta- Lidnankundan tobmuden sait (krasnoslobodsk-gp.gosuslugi.ru). (ven.)
- Krasnoslobodsk-lidnan informacine sait (kc13.ru). (ven.)
| Krasnoslobodsk (Mordovii) Vikiaitas |
| Mordovijan Tazovaldkundan lidnad | ||
| Ardatov | Insar | Kovilkino | Krasnoslobodsk | Ruzajevk | Saransk | Temnikov | ||