Hindi

Hindi devanagari-kirjamištol om Indijan ohjastusen oficialine kel'^[1] ühtes anglijan kelenke. Hindi-kel' om oficialine regionaline kel' 14 Indijan regionas (9 štatad pohjoižes da 5 nevondištterritorijad) 36 regionaspäi. Hindin toižend (fidžin hindi) om üks' koumes oficialižes kelespäi Fidžiš (ühtes anglijan i fidžin kelidenke). Regionaline vai taholine status om Mavrikijas, Trinidad da Tobagos, Gajanas, Surinamas. Mugažo äi hindi-kelen pagižijoid om Nepalas (8 mln), AÜV:oiš (650 tuh.), Ugandas (100 tuh.), Sures Britanijas (45 tuh.). El'getas standartišt hindid Bangladešas-ki.

Om nell' päivnouzmašt paginad (dialektad) da kuz' päivlaskmašt paginad.

Pagižijoiden lugu mail'mas om 260 millionad ristitud kuti mamankel' (257 mln — Indijas, dialektoidenke 420 mln vn 2001 rahvahanlugemižen mödhe) da 120 mln kuti toine kel'. Se om nellänz' kel'form kitajan (mandarin-pagin), ispanijan i anglijan keliden jäl'ghe.

Hindi kirjutase devangarin abugida-skriptal. Devanagari (sanskrit: देवनागरी devanāgarī, hindin virkand [ˌdeːvˈnɑːɡriː] «jumalakaz lidnalaine kirjkel'») om saudud 8.-12. voz'sadoil meiden erad. Om 11 vokalid da 33 konsonantad devanagariš, kirjutadas huralpäi oiktale.

Devanagari:

• एक ek — üks'
• दो do — kaks'
• तीन tīn — koume
• चार čār — nell'
• पांच pāñč — viž
• छह čhah — kuz'
• सात sāt — seičeme
• आठ āṭh — kahesa
• नौ nau — ühesa
• दस das — kümne
• बीस bīs — kaks'kümne
• तीस tīs — koumekümne
• (एक) सौ (ek) sau — sada
• हज़ार hazār — tuha

• नमस्ते! Namaste! — Tervhen!
• तुम्हारा नाम क्या है? Tumhāra nām kä hai? — Kut sindai kuctas?
• तुम कहाँ से हो? Tum kahān se ho? — Kugalaine oled?
• आप कहां रहते हैं? Aap kahān rahate hain? — Kus sinä eläd?
• अलविदा! Alavida! — Nägemižhesai!
• धन्यवाद Dhanjavād — Kitän.

1. ↑ Official Language — Constitutional/Statutory Provisions (Oficialine kel': konstitucižed/legitimižed alused) / Knowindia.gov.in. (angl.)

• Hindi-Venälaine onlain-vajehnik (hindi-rusi.com).