Evrovizii

Evrovizii (angl.: Eurovision Song Contest, franc.: Concours Eurovision de la chanson, ven.: Песенный конкурс Евровидение) om Evropan muzikaline päkonkurs. Edestadas uzid estradan pajoid.

Konkurs vedase joga vodel vspäi 1956. Sen teletransläcijan auditorii om enamba mi 600 mln kacujid mail'madme. Kaks' paginkel't oma anglijan i francijan keled. Erine Evrovizii-konkurs om olmas lapsiden täht (noremb mi 16-voččed).

Pajo voib olda mitte taht kelel, sen hätkeližuz ei voi ületa koume minutad. Nened valdkundad sadas garantiruidud sijad finalas: valdkund-ižand (kenen pajo oti vägestust muloi), Francii, Ispanii, Italii, Saksanma, Sur' Britanii. Vägestai märičese teleänestusel i konkursan žürin ühtnijoil.

Vn 2020 pajokonkurs oli tühjitadud COVID-19-läžundan pandemijan tagut.