لالہ لاجپت رائے

لالہ لاجپت رائے 28 جنوری 1865ء کو برطانوی پنجاب کے موضع دھودیکے لدھیانہ میں گلاب دیوی کے ہاں پیدا ہوئے۔ وکالت کا پیشہ اختیار کیا۔ اپنے والد لالہ رادھا کرشن کی سیاسی سرگرمیوں سے جو سر سید احمد خان کے مداح تھے،متاثر ہو کر سیاسی زندگی کی ابتدا کی۔^[4] لالہ لاجپت سیاسی میدان میں بال گنگادھر تلک پیرو تھے۔ 1905ء میں وہ انگلستان گئے۔ 1907ء میں زبردست زرعی تحریک شروع کی جس کے نتیجے میں ان کو برما بھیج دیا گیا۔ ان کا عقیدہ تھا کہ مکمل آزادی کے بغیر سمجھوتہ ممکن نہیں اور اسی لیے گاندھی جی کی تحریک کو خیالی سمجھتے تھے۔ جیل سے رہائی کے بعد سوراج پارٹی میں شامل ہو گئے۔^[5] لاہور کا نیشنل کالج لالہ لاجپت رائے نے قائم کیا تھا اور اس میں زیادہ تر طالب علم ہندو تھے

30 اکتوبر، 1928ء کو لاہور میں حکومتِ وقت کے خلاف ایک مظاہرے کی قیادت کے دوران لاٹھی چارج میں زخمی ہو گئے اور 17 نومبر 1928ء میں زخموں کی تاب نہ لاتے ہوئے انتقال کر گئے۔^[5]

پاکستان کی سیاسی تاریخ‘ از زاہد چوہدری کے مطابق لالہ لاج پت رائے نے 1924 میں لاہور کے ایک اخبار ’ٹربیون‘ میں ایک مضمون لکھا تھا۔ اس مضمون میں پہلی مرتبہ برصغیر کی فرقہ وارانہ بنیادوں پر تقسیم کا منصوبہ پیش کیا گیا تھا۔ اس منصوبے کے مطابق مسلمانوں کی چار ریاستیں ہوں گی، صوبہ سرحد، مغربی پنجاب، سندھ اور مشرقی بنگال۔ اگر ہندوستان کے کسی اور علاقے میں مسلمانوں کی اتنی تعداد یکجا ہو کر ان کا صوبہ بن سکے تو ان کی بھی اسی طرح تشکیل ہونی چاہیے۔ لیکن یہ بات اچھی طرح سمجھ لینی چاہیے کہ یہ متحدہ ہندوستان نہیں ہو گا۔ اس کا مطلب یہ ہے کہ ہندوستان واضح طور پر مسلم انڈیا اور غیر مسلم انڈیا میں تقسیم ہو گا۔‘

وفات کے بعد ان کا مجسمہ لاہور میں نصب تھا، جو آزادی کے بعد 15 اگست 1948ء کو شملہ کرشنا نگر منتقل کیا گیا،

• آریا سماج تحریک
• غلامی کی علامتیں اور غلامی کے نتائج^[6]
• The Story of My Deportation, 1908.
• Arya Samaj, 1915.
• The United States of America: A Hindu’s Impression, 1916.
• The problem of National Education in India, 1920
• Unhappy India, 1928.
• England's Debt to India, 1917.
• Autobiographical Writings

He wrote biographies of Mazzini, Garibaldi,Shivaji,and Shrikrishna.

• Young India: An Interpretation and a History of the Nationalist Movement from Within.

• لاجپت نگر
• لاجپت پورہ
• گلاب دیوی چیسٹ ہسپتال
• علامہ اقبال پبلک لائبریری جہلم

•  
  1908ء میں
•  
  لالہ لاجپت رائے کے اعزاز میں 19016ء میں کیلفورنیا میں دی گئی ضافت کی تصویر
•  
  شملہ میں نصب لالہ لاجپت رائے کا مجسمہ

• اس صفحہ ”لالہ لاجپت رائے“ کے تبادلہ خیال پر بھی اہم معلومات موجود ہیں۔ پڑھنے کےلیے تبادلۂ خیال:لالہ لاجپت رائے پر کلک کریں۔