جارجیا

جارجیا یا گُرجستان یوریشیا کے قفقاز کے علاقے میں ایک ملک ہے۔ جارجیا مغربی ایشیا اور مشرقی یورپ کے سنگم پر واقع ہے، یہ مغرب میں بحیرہ اسود سے، شمال میں روس سے، جنوب میں ترکی اور آرمینیا سے اور جنوب مشرقی آذربائیجان کی طرف سے ملا ہوا ہے۔ تبلیسی سب سے بڑا شہر اور دار الحکومت ہے۔ جارجیا کا رقبہ 69.700 مربع کلومیٹر (26،911 مربع میل)  ہے اور اس کی 2016 کی آبادی 3.72 ملین افراد پر مشتمل ہے۔ جس میں نمائندہ جمہوریت کے ذریعے حکومت منتخب کی جاتی ہے۔ کلاسیکی دور میں، بہت سی آزاد مملکتیں بھی جارجیا میں قائم ہوئیں۔

جارجیا
پرچم	نشان
شعار (جارجیائی میں: ძალა ერთობაშია)
ترانہ:   تھاویسوپھلیبا
زمین و آبادی
متناسقات	42°N 44°E / 42°N 44°E / 42; 44   [1]
پست مقام	بحیرہ اسود (0 میٹر )
رقبہ	69700 مربع کلومیٹر
دارالحکومت	تبلیسی
سرکاری زبان	جارجیائی زبان ،  ابخاز زبان
آبادی	3717100 (2017)[2]
حکمران
طرز حکمرانی	پارلیمانی جمہوریہ ،  وحدانی ریاست ،  پارلیمانی جمہوریہ ،  جمہوریہ
اعلی ترین منصب	سالومے زورابیشویلی (16 دسمبر 2018–)
قیام اور اقتدار
	تاریخ
یوم تاسیس	25 دسمبر 1991
عمر کی حدبندیاں
شادی کی کم از کم عمر	18 سال
دیگر اعداد و شمار
منطقۂ وقت	متناسق عالمی وقت+04:00
ٹریفک سمت	دائیں [3]
ڈومین نیم	ge.
آیزو 3166-1 الفا-2	GE
بین الاقوامی فون کوڈ	+995
درستی - ترمیم

چوتھی صدی کے آغاز میں کولچز اور عائی بریا کی سلطنتوں نے مسیحیت کو اپنایا۔ گیارھویں اور بارھویں صدی میں کنگ ڈیوڈ چہارم اور ملکہ تمر کی متحدہ بادشاہت قائم ہوئی جن کے دور حکومت میں جارجیا اپنے سیاسی اور اقتصادی طاقت کے عروج پر پہنچ گیا لیکن اس کے بعد علاقے میں صدیوں تک مختلف بڑی سلطنتوں کا غلبہ رہا جن میں منگول، سلطنت عثمانیہ اور ایران کی مختلف خاندانی حکومتیں شامل ہیں۔