Şagdarın Gongor

Şagdarın Gongor mong. Шагдарын Гонгор
Tuu datası	1912
Ülem datası	23 iyül 1992
Ülem urını	Mongoliä
Xezmät yılları	1927 — 1946
Däräcä	Polkovnik
Suğışlar	Xalxin-Gol suğışları Sovet-yapon suğışı

Şagdarın Gongor (mong. Шагдарын Гонгор; 1912 yıl — 1992 yılnıñ 23 iyüne, Mongoliä) — Mongoliä xärbi, çik saqçısı, Mongoliä xalıq armiäse polkovnigı. Mongoliä Xalıq Respublikası Qaharmanı (1936).

Kötüçeneñ ulı. 1927 yıldan MXR armiäsendä Tamsagbulag kavaleriä korpusı sostavında xezmät itkän.

1936 yılnıñ 28 ğinwarına qarşı töndä Şagdarın Gongor Mongoliä qarawıl postına unnan artıq qorallı Yaponiä kavaleristları höcüme waqıtında batırlıq kürsätkän. Alar belän suğışqa kergäç, Gongor alarnı berüze ciñgän. Bäreleştän soñ üterelgän Yaponiä soldatları buqçasında bik möhim dokument tapqan — Yaponiä xärbi operatsiäseneñ yäşeren planı, bu Xalxa yılğasındağı suğışlarda borılış mizgele bulğan. Mondıy qimmätle mäğlümat alu anıñ zur qazanışı bulğan. Ul söylägän: «Min küp yaponnarnı ütergängä tügel, ä qimmätle mäğlümat alğanğa qaharman buldım».

Kürsätkän batırlığı öçen Böyek Xalıq xuralı Prezidiumınıñ 1936 yılnıñ 29 ğinwarındağı qararı belän ul Mongoliä Xalıq Respublikası Qaharmanı isemenä häm 1 däräcä «Suğışçan xezmätläre öçen» ordenına layıq bulğan.

Ezläw törkeme naçalnigı bulıp xezmät itkän, tank diviziäse komandirınıñ yärdämçese bulğan.

1939 yılda bronetank brigadası komandirı sıyfatında Xalxin-Gol suğışlarında qatnaşqan.

1943—1944 yıllarda SSRBda M. Frunze isemendäge xärbi akademiädä uqığan.

1943 yılda EKQAğa «İnqıylabi Mongoliä» tank brigadasın häm «Mongol Ard» eskadrilyasen tapşıru buyınça MXR xökümäteneñ tulı wäqälätle wäkile bulğan.

1946 yılda armiädän demobilizatsiälängän häm ictimaği oyışmada eşlägän.

• Mongoliä Xalıq Respublikası Qaharmanı (1936)
• Süxbaatar ordenı
• «Suğışçan xezmätläre öçen» ordenı (Mongoliä)

• Polär Yoldız ordenı (Mongoliä)

• «Xalxin-Golda ciñü» medale
• «Yaponiäne ciñgän öçen» medale
• «Xalxin-Gol yanındağı suğışlarda qatnaşuçığa» bilgese

• «Mongoliä Xalıq Respublikasınıñ 25 yılı» medale
• «Mongoliä Xalıq Respublikasınıñ 40 yılı» medale
• Mongoliä ordennarı häm medalläre.

• Монголын ба Дэлхийн түүх Японы 10 цэрэгтэй ганцаараа тулсан БНМАУ-ын ууган баатар Ш.Гонгор 2023 елның 31 гыйнвар көнендә архивланган.(монг.)
• Герой Монгольской Народной Республики Шагдарын Гонгор(рус.)
• Гонгор Шагдар, первый герой Монголии 2021 елның 16 июль көнендә архивланган.(рус.)