Süriä törkmännäre

Süriä törkmännäre yäki Süriä törekläre - bügenge Süriädä yäşi torğan törki xalıq.

Süriäneñ xalıq sanı buyınça ğäräplärdän häm kördlärdän soñ öçençe urında tora.

Üziseme - törekçä Süriye Türkmenleri, Süriye Türkleri.

Bügenge Süriädä 100 000 çaması Süriä törkmäne yäşi.

Törki tellärneñ oğuz törkenemdäge teldä söyläşälär, törkmännärneñ tele Anatoliä törekläre söylämenä yaqın.

Tarix

Böyek Sälcük Däwläte çorınnan, XI ğasırdan törkmännär Süriägä küçenä.

1040 yılda sälcüklär häm ğäznäwilär arasındağı suğışta sälcüklär ciñä häm Süriägä küçenä başlıy.

Şunan soñ törki xalıq Tripoli, Dimäşq, Lataqiä, Xäläb, Hämä, Homs şähärlärendä yäşi başlıy, häm Süriädä xakimlek itä başlıy.

1072 yılda sälcük soltanı Mälik-şah törkmän ğäskäre yärdämendä Tönyaq Süriä häm Fälästinne yawlap ala.

XII ğasırda näq Süriä törkmännäre Säläxetdin Äyübi citäkçelegendäge täreçelärgä qarşı suğışta zur rol' uynıy.

XII ğasırda şul cirdä Mämlüklär däwläte üz xakimiäten urnaştıra.

1337 yılda Süriä törkmännäre Dulqadıyr bäylegenä nigez sala.

1516 yılda Marc Däbikä yanındağı suğışta ğosmanlılar mämlüklärne ciñä häm Süriädä 400 yıl däwamända Ğosmanlı xäkimiäte urnaştırıla.

1936 yıldan Süriädä törkmännärgä tuğan telendä söyläşü häm ädäbiät bastıru tıyıla.

Bäşär äl-Äsäd idärä itkän çorında törkmännärgä qarşı çikläwlär beraz yomşartıla.

Xäzerge waqıtta Süriä törkmännäre kübesençä Lataqiä wiläyätendä häm Xäleb şähärendä tora.

Süriä watandaşlar suğışı başlanğannan soñ, Süriä törkmännäre Bäşär Äsäd xökümätenä qarşı suğışa.

2011 yılda Törkiädä "Süriä törkmän xäräkäte" oyışa, 2014 yılda Törkiä yärdämendä Käsäb şähären yawlap ala.

2015 yılnıñ oktäberennän Räsäy hawa köçläre törkmännär torğan urının bombağa tota.

Qayber qaraşlar buyınça 2015 yılnıñ 24 noyäberendä bulğan Rusiä Su-24 oçqıçın bärep töşerü näq törekmännärne bombağa totu belän bäylängän.

http://golosislama.com/news.php?id=27931 Россия бомбит тюрок Сирии. Что скажет Турция?
http://ru.reuters.com/article/topNews/idRUKCN0RV4Q420151001 2015 елның 8 декабрь көнендә архивланган. Туркменская группа в Сирии сообщила о гибели более 40 человек в результате авиаударов РФ