Sarredaksijai ilmiji Ensiklopedijai Milliji Toçik

Sarredaksijai ilmiji Ensiklopedijai Milliji Toçik
Kişvar	Ittihodi Şūravī,  Toçikiston
Ta'sisjobī	1968
Nişonī	xijoboni Ne'mat Qaroboev, 17, Duşanbe, Toçikiston
Sarmuharrir	Nurmuhammad Amirşohī
Ramzi KDN SSSR	505
Peşvandi ISBN	978-99947-33
Veb-sajt: www.donishnoma.tj

Sarredaksijai ilmiji Ensiklopedijai Milliji Toçik (xijoboni Ne'mat Qaroboev, 17, Duşanbe, Toçikiston) — muassisai ilmiju naşrijaviji Vazorati farhangi Çumhuriji Toçikiston.

To soli 1991 Sarredaksijai ilmiji Ensiklopedijai Sovetiji Toçik. Dar nazdi Prezidiumi Akademijai ilmhoi ÇŞS Toçikiston soli 1968 ta'sis jofta, ba tarkibi Kumitai davlatiji ÇŞS Toçikiston oid ba korhoi naşrijot, poligrafija va savdoi kitob doxil karda şud (soli 1974). Samthoi asosiji fa'olijati sarredaksijai ilmī az omoda soxtan, tahrir va intişori ensiklopedijahoi umumī, sohavī, farhanghoi tafsirī, luƣatho, ma'lumotnomahoi ensiklopedī va ƣajra iborat ast.

Dar Sarredaksijai ilmiji Ensiklopedijai Milliji Toçik redaksijahoi zerin mavçudand:

• Ta'rix
• Falsafa, din va huquq
• Adabijot, zabon va folklor
• Farhang, ma'rifat, korhoi harbī, varziş va turizm
• Geografija, geologija va petrografija, geodezija, sejsmologija
• Tib, biologija va ximija
• Astronomija, fizika, matematika va texnika
• Iqtisodijot, sanoat va kişovarzī
• Nazorati ilmī va tahriri adabī
• Xarita, tasvirot, sahifabandī va komplektatsija

Dar tūli fa'olijati xud sarredaksijai ilmī asarhoi zijodero, az qabili Ensiklopedijai Sovetiji Toçik (EST; dar 8 çild, 1978–88), ensiklopedijai «Tadƶikskaja SSR» (1974, 1984). «Ensiklopedijai adabijot va san'ati toçik» (dar 3 çild, 1988, 1989, 2004), «Ensiklopedijai xoçagiji qişloqi Toçikiston» (dar 2 çild, 1989, 1991), ensiklopedijai «Xuçand» (1999, ba zaboni rusī), ensiklopedijai «Duşanbe» (2004, ba zaboni rusī), «Ensiklopedijai muxtasari rūzgordorī» (1988), ma'lumotnomai ensiklopediji «Revoljutsijai Kabiri Sotsialistiji Oktjabr» (1987), «Leninnomai toçik» (1990, ba zaboni rusī), «Hazoru jak kornoma» (ma'lumotnomai ensiklopedī oid ba şirkatdoroni Çangi Buzurgi Vatanī az Toçikiston; 3 çildaş ba tab' rasidaast), «Ensiklopedija persidsko-tadƶikskoj prozы» (1986), «Farhangi tibbī» (dar 5 çild), «al-Qonun»-i Abualī ibni Sino (bori avval ba zaboni toçikī, dar 5 kitob), «Kitobi xotira» (2005, dar borai şahidoni Çangi Buzurgi Vatanī az sobiq vilojati Stalinobod), «Ensiklopedijai Milliji Toçik» (4 çild, 2011, 2013, 2014, 2016), «Donişnomai muxtasari kūdakon va navrason» (2013) va ƣajra intişor kardaast.

Sarmuharriri ilmiji sarredaksijai ilmī: Muhammad Osimī (Osimov: 1968–88). Sarmuharrironi Sarredaksijai ilmiji Ensiklopedijai Milliji Toçik: Ataxon Sajfulloev (1975–85), Muso Dinorşoev (1986–88), Çum'aboj Azizqulov (1988–96), Aliboj Qurbonov (1996–2012), Nurmuhammad Amirşohī (az soli 2012).

• donishnoma.tj — vebgohi rasmiji Sarredaksijai ilmiji Ensiklopedijai Milliji Toçik (toç.)

• Ilm — Ishoq. — D. : SIEMT, 2019. — 672 s. — (Ensiklopedijai Milliji Toçik : [taxm. 25 ç.] / sarmuharrir N. Amirşohī ; 2011—2023, ç. 8). — ISBN 978-99947-33-98-9.