இணையவழி ஒலி பரிமாற்றம்

• 1974 — மின்சாரம் மற்றும் மின்னணு பொறியியல் நிறுவனம்(IEEE) "எ ப்ரோட்டோகால் ஃபார் பாக்கெட் நெட்வொர்க் இண்டர்கனெக்சன்" என்ற தலைப்பில் ஒரு கட்டுரையை வெளியிட்டது.^[2]
• 1981 — இணைய நெறிமுறைப் பதிப்பு 4 பற்றி RFC 791 இல் விவரிக்கப்பட்டிருந்தது.
• 1985 — த தேசிய அறிவியல் கழக கமிஷனின் படைப்பான NSFNET.^[3]
• 1995 — வோக்கல்டெக் முதல் வணிகரீதியான இணைய தொலைபேசி மென்பொருளை வெளியிட்டது.^[4][5]
• 1996 —
  • ITU-T பரிமாற்றத்துக்கான தரங்கள் உருவாக்கம் மற்றும் இண்டர்நெட் ப்ரோட்டோகால் நெட்வொர்க்குகள் வழியாக குரல் தகவல்தொடர்புகளை H.323 தரத்துடன் ஒலிபரப்புவதைத் தொடங்கியது.^[6]
  • U.S. தொலைத்தொடர்பு நிறுவனங்கள் U.S. அமெரிக்க உயர் சட்டப்பேரவையிடம் இணையத் தொலைபேசி தொழில்நுட்பத்தை தடைசெய்யும் படி வேண்டுகோள் விடுத்தது.^[7]
• 1997 — லெவல் 3 அதன் முதல் சாஃப்ட்ஸ்விட்ச் முன்னேற்றத்தைத் தொடங்கியது, 1998 இல் இந்த சொல்லை அவர்கள் பயன்படுத்தினர்.^[8]
• 1999 —
  • த அமர்வுத் தொடக்க ப்ரோட்டோகால் (SIP) குறிப்பீடான RFC 2543 வெளியிடப்பட்டது.^[9]
  • டிஜியம் நிறுவனத்தின் மார்க் ஸ்பென்சர் முதல் இலவச மூலக்குறிகள் கிடைக்கப்பெறும் பிரைவேட் பிரான்ச் எக்சேஞ்ச் (PBX) என்ற மென்பொருளான(ஆஸ்டெரிக்கை) உருவாக்கினார்.^[10]
• 2004 — வணிக ரீதியான VoIP சேவை வழங்குநர்களின் வளர்ச்சி.^[11]
• 2005 — SIP எக்ஸ்பிரஸ் ரவுட்டரில் இருந்து OpenSER(பின்னர் காமலியோ மற்றும் openSIPS எனப்பட்டது) SIP ப்ராக்சி சர்வர் பிரிக்கப்பட்டது.
• 2006 — ஃப்ரீஸ்விட்ச் எனப்படும் மூலக்குறிகள் இலவசமாகக் கிடைக்கப்பெறும் மென்பொருள் வெளியிடப்பட்டது.

ஓப்பன் ப்ரோட்டோகால் மற்றும் தரங்கள் மற்றும் உடைமைத் தன்மை ஆகிய இரண்டு விதங்களிலும் வாய்ஸ் ஓவர் IP பல்வேறு வகைகளில் செயல்படுத்தப்பட்டுள்ளது. வாய்ஸ் ஓவர் இண்டெர்நெட் ப்ரோட்டோகாலைச் செயல்படுத்துவதற்குப் பயன்படுத்தப்பட்ட தொழில்நுட்பங்களுக்கு எடுத்துக்காட்டுகள்:

• H.323
• IP பல்லூடக உப அமைப்பு(IMS)
• செசன் இனிசியேசன் ப்ரோட்டோகால் (SIP)
• ரியல்-டைம் டிரான்ஸ்போர்ட் ப்ரோட்டோகால் (RTP)

ஸ்கைப் நெட்வொர்க் ஒரு குறிப்பிடப்படும் படியான ஒரு உரிமையாளருக்குரிய செயல்படுத்தலாகும். பிற குறிப்பிடத்தக்க செயல்படுத்தல்களின் எடுத்துக்காட்டுகள் மற்றும் அவைகளுக்கு இடையேயான ஒப்பீடு Comparison of VoIP மென்பொருளில் கிடைக்கிறது.

ஒரு பெரிய முன்னேற்றம் 2004 இல் தொடங்கியது,^[11] சந்தாதாரரால் PSTN மூலமாக அழைப்புகளை பெறவும் அழைக்கவும் செய்வது போலவே பயன்படுத்தக்கூடிய, பெரிய அளவில் தயாரிக்கப்பட்ட VoIP சேவைகள் அகலப்பட்டை இணைய அணுகல் சேவைகளினூடே அறிமுகப்படுத்தப்பட்டன. முழு தொலைபேசி சேவை VoIP தொலைபேசி நிறுவனங்கள் நேரடி உள் அழைப்புகளைக் கொண்ட உள் அழைப்பு மற்றும் வெளி அழைப்புகளை வழங்கின. பல நிறுவனங்கள் வரம்பற்ற உள்நாட்டு அழைப்புகளை அறிவித்தன, மேலும் சிலவற்றில் வெளிநாடுகளுக்கும் அழைக்கலாம், குறைந்த மாத சந்தாவுடன் சந்தாதாரர்கள் அதே வழங்குநர்களைக் கொண்ட இணைப்பு வைத்திருந்தால் இலவசமாகவும் அழைக்கலாம்.^[12] POTS மரபை ஒத்த குறைவான அல்லது அதிகமாக இந்த சேவைகள் மிகவும் பரந்த வேறுபட்ட அம்சங்களைக் கொண்டிருந்தது.

VoIP சேவை வழங்குநர்களுடன் இணைப்பதற்கு மூன்று பொதுவான முறைகள்:

• ஒரு அனலாக் தொலைபேசி பொருத்தி (ATA) ஒரு IP நெட்வொர்க் (அகலப்பட்டை இணைப்பு போன்று) மற்றும் ஒரு ஏற்கனவே உள்ள தொலைபேசி ஜேக் இவற்றுக்கு இடையே இணைக்கப்படலாம், இந்த சேவை, வீட்டில் உள்ள மற்ற அனைத்து PSTN வழங்குநர்களின் தொலைபேசி ஜேக்குகளின் சேவையிலிருந்து வேறுபடுத்தியறிய முடியாத வகையில் இருக்கவே இவ்வாறு செய்யப்படுகிறது. ஒரு இடத்தில் பொருத்தப்பட்டிருக்கும் இந்த வகை சேவையை, கேபிள் நிறுவனங்கள் மற்றும் தொலைபேசி நிறுவனங்கள் போன்ற அகலப்பட்டை இணைய வழங்குநர்களால் வழங்கப்படுகிறது, அவர்கள் மிகவும் நிலையான கட்டணத் திட்டத்தில் வழக்கமான தொலைபேசி சேவையாக வழங்குகின்றனர்.
• பிரத்யேகமான VoIP தொலைபேசிகள் என்பவை கணினியின் பயன்பாடு இல்லாமல் VoIP அழைப்புகளை அனுமதிக்கும் தொலைபேசிகளாகும். அவை கணினிப் பயன்பாடு இன்றி (Wi-Fi அல்லது ஈதர்நெட் போன்ற தொழில்நுட்பத்தைப் பயன்படுத்தி) நேரடியாக IP நெட்வொர்க்குகளுடன் இணைப்பை ஏற்படுத்துகின்றன. PSTN உடன் இணைப்பு ஏற்படுத்துவதற்கு வழக்கமாக அவற்றுக்கு VoIP சேவை வழங்குபவரிடம் இருந்து சேவை தேவைப்படுகிறது; அதனால் அதிகமான மக்கள் இந்த சேவையை பணம் கொடுத்து பெறப்படும் சேவையுடன் சேர்த்தே பயன்படுத்துகின்றனர்.
• ஒரு மென்தொலைபேசி (இணையத் தொலைபேசி அல்லது டிஜிட்டல் தொலைபேசி எனவும் அழைக்கப்படுகிறது) என்பது ஒரு மென்பொருளின் பகுதியாகும், இதை ஒரு கணினியில் நிறுவமுடியும் VoIP அழைப்புகளை அதற்கென்று தனியான ஒரு வன்பொருள் இல்லாமலே இது அனுமதிக்கிறது.

மாறும் நிலையங்களை இணைப்பதற்கும் மற்றும் பிற தொலைபேசி நெட்வொர்க் வழங்குநர்களுடன் உடன் இணைப்பதற்கும் தொலைத்தொடர்பு வழங்நர்கள் பிரத்யேகமான மற்றும் பொது IP நெட்வொர்க்குகளின் மூலம் VoIP டெலிபோனி சேவையைப் பயன்படுத்துவது பொதுவாக அதிகரித்து வருகிறது; இது "IP பேக்ஹால்" என பொதுவாக குறிப்பிடப்படுகிறது.^[13][14]

பல தொலைத்தொடர்பு நிறுவனங்கள் IP பல்லூடக உபஅமைப்புகளை (IMS) கருத்தில் கொள்கின்றன, இவை ஒரு VoIP இன் சுத்தமான அகக்கட்டமைப்பைக் கொண்டு இணையத் தொழில்நுட்பத்தை மொபைல் உலகத்துடன் ஒன்றாக்குகிறது. இவை வலை, மின்னஞ்சல், உடனடி செய்தியிடல், உளதாந்தன்மை மற்றும் வீடியோ கலந்துரையாடல் போன்ற இணைய தொழில்நுட்பத்தைப் பயன்படுத்தும் அதே வேளையில் ஏற்கனவே உள்ள அமைப்புகளை மேம்படுத்துவதற்கு அனுமதிக்கின்றன. இது ஏற்கனவே உள்ள VoIP அமைப்புகளை வழக்கமான PSTN மற்றும் மொபைல் நெட்வொர்க்குகளுடன் தொடர்பு கொள்ள அனுமதிக்கிறது.

ஒரு மொபைல் நெட்வொர்க்குக்கும் ஒரு Wi-Fi நெட்வொர்க்குக்கும் இடையில் இலகுவான மாற்றத்தை அனுமதிக்கும் "இரட்டைப் பயன்முறை" தொலைபேசிக் கருவிகள், VoIP ஐ மிகவும் பிரபலமாக்கும் என்று எதிர்பார்க்கப்படுகிறது.^[15]

NEC N900iL போன்ற தொலைபேசிகள், பல நோக்கியா Eவகை மற்றும் பல்வேறு பிற Wi-Fi வசதியுள்ள மொபைல் தொலைபேசிகள் ஃபர்ம்வேர்களில் கட்டமைக்கப்பட்ட SIP கிளையண்டுகளைக் கொண்டிருக்கின்றன. இவ்வகை கிளையண்டுகள் மொபைல் தொலைபேசி நெட்வொர்க்கின் சார்பில்லாமல் இயங்குகின்றன (இருந்தபோதும் சில ஆப்பரேட்டர்கள் சலுகையில் விற்கப்படும் ஹேண்ட்செட்டுகளில் இருந்து கிளையண்டுகளை நீக்குகின்றனர்). வோடாபோன் போன்ற சில ஆப்பரேட்டர்கள் VoIP நெரிசலை அவர்களின் நெட்வொர்க்கிலிருந்து இருந்து தடுப்பதற்கு தொடர்ந்து முயற்சிக்கின்றனர்.^[16] T-Mobile மற்றும் Truphone ஆகியவற்றுக்கிடையே நடந்த சட்டப்பூர்வமான வழக்கின்படி, T-Mobile போன்ற மற்றவை, VoIP-வசதி கொண்ட நெட்வொர்க்குகளுடன் இணைப்பை ஏற்படுத்துவதை நிராகரித்துவிட்டன, UK உயர் நீதிமன்றத்தில் நடந்த அந்த வழக்கில் தீர்ப்பு VoIP கேரியருக்கு சாதகமான வகையில் இருந்தது.^[17]

VoIP தொழில்நுட்பத்தின் பட்டையகலத் திறன் மற்றும் குறைந்த செலவுத் தன்மை ஆகிய அம்சங்களால், வணிகங்கள் தமது மாதத் தொலைபேசி கட்டணங்களைக் குறைப்பதற்காக சிறிது சிறிதாக பண்டைய செப்புக்கம்பி தொலைபேசி முறையிலிருந்து VoIP அமைப்புகளுக்கு மாறிவருகின்றன.

VoIP தீர்வுகள் வணிகங்கள் "ஒருங்கிணைந்த தகவல்தொடர்புகள்" சேவைகளாக மாற்றப்படுவதை நோக்கமாகக் கொண்டவை, அவை தொலைபேசி அழைப்புகள், தொலைநகல்கள், குரல் அஞ்சல், மின்னஞ்சல், வலை கலந்துரையாடல்கள் மற்றும் பல தகவல்தொடர்புகளையும் தனித்தனி அலகுகளாகக் கருதுகின்றன, அவை செல் தொலைபேசிகள் உட்பட ஏதேனும் ஒரு ஹேண்ட்செட்டுகளுக்கு ஏதேனும் வழிகளில் வழங்கப்படுகின்றன. இதில் இரண்டு வகையான போட்டியாளர்கள் போட்டியிடுகின்றனர்: ஒரு குழு இடைநிலையானது முதல் பெரிய நிறுவனங்கள் வரையிலானவைக்கு VoIP ஐப் பயன்படுத்துகிறது, அதே நேரம் மற்றொரு குழு சிறியது முதல் இடைநிலையான அளவிலான வணிகச் (SMB) சந்தையை இலக்காகக் கொண்டுள்ளது.^[18]

VoIP ஆனது ஒரே நெட்வொர்க்கில் குரல் மற்றும் தரவுத் தகவல்தொடர்புகள் ஆகிய இரண்டையும் இயக்குகிறது, இவை கணிசமாக உள்கட்டமைப்புச் செலவுகளைக் குறைக்கும்.^[19]

VoIP இன் விரிவாக்கங்களின் விலை PBXs மற்றும் முக்கிய முறைகளுடன் ஒப்பிடும் போது மிகவும் குறைவு. VoIP மாற்றிகள் PCக்கள் அல்லது லினக்ஸ் கணினிகள் போன்ற காமடிட்டி வன்பொருளில் இயங்கும், இதனால் அவற்றைச் சுலபமாக உள்ளமைக்கவும் அவற்றின் சிக்கல் தீர்க்கவும் முடியும். மூடிய கட்டமைப்புகளுக்கு மாறாக, இந்தச் சாதனங்கள் தரநிலையான இடைமுகங்களைச் சார்ந்திருக்கின்றன.^[19]

VoIP சாதனங்கள் எளிமையான, இயலுணர் பயனர் இடைமுகங்களைக் கொண்டவையாக இருக்கின்றன, அதனால் பயனர்கள் அவ்வப்போது எளிமையான கணினி உள்ளமைப்பில் மாற்றங்களைச் செய்ய முடியும். இரட்டை-பயன்முறை செல்தொலைபேசிகள், பயனர்கள் வெளிப்புற செல்லுலார் சேவை மற்றும் உட்புற Wi-Fi நெட்வொர்க் ஆகியவற்றுக்கிடையே நகர்கையிலும் அவர்கள் உரையாட அனுமதிக்கின்றன, அதனால் மேசைத் தொலைபேசி மற்றும் செல்பேசி இரண்டையும் எடுத்துச் செல்லும் அவசியம் இல்லை. பராமரிப்பு எளிமையானது, ஏனெனில் கண்காணிப்பதற்கு சில கருவிகள் மட்டுமே உள்ளன.^[19]

ஸ்கைப், ஆரம்பத்தில் நண்பர்களுக்கு இடையே சேவை வழங்குவதற்கே அதனை சந்தைப்படுத்தியது, தற்போது அது தொழில்களுக்கும் சேவை வழங்கத் தொடங்கியுள்ளது, ஸ்கைப் நெட்வொர்க்கில் எந்தப் பயனர்களுக்கும் இலவசமாகத் தொடர்புகள் வழங்குகிறது, மேலும் வழக்கமான PSTN தொலைபேசிகளுடன் பணம் வசூலித்துக் கொண்டு தொடர்புகள் வழங்குகிறது.^[20]

அமெரிக்காவில் சமூகப் பாதுகாப்பு நிர்வாகம் (SSA) 63,000 பணியாளர்கள் கொண்ட அதன் துறை அலுவலகங்களில் பண்டைய தொலைபேசி இணைப்புகளில் இருந்து அதன் பழைய தரவு நெட்வொர்க்கை VoIP கட்டமைப்புக்கு மாற்றியுள்ளது.^[21][22]

தகவல்தொடர்பு மற்றும் உள்கட்டமைப்புச் செலவுகள் குறைவது VoIP யின் நன்மை ஆகும். பின்வருவன இதற்கு எடுத்துக்காட்டுகளாகும்:

• ஏற்கனவே உள்ள தரவு நெட்வொர்க்கில் தொலைபேசி அழைப்புகளை ரவுட்டிங் செய்வதன் மூலம் தனித்தனி குரல் மற்றும் தரவு நெட்வொர்க்குகளுக்கான தேவையைத் தவிர்க்கலாம்.^[23]
• கலந்துரையாடல் அழைப்புகள், IVR, அழைப்பு திருப்பிவிடல், தானியங்கு மறுஅழைப்பு மற்றும் அழைப்பர் ID போன்ற சிறப்பு அம்சங்களுக்கு பண்டைய தொலைத்தொடர்பு நிறுவனங்கள் (டெல்காஸ்) பொதுவாக அதிகப்படியான கட்டணம் வசூலிப்பார்கள், அவை ஆஸ்டெரிஸ்க் அல்லது ஃப்ரீஸ்விட்ச் போன்ற மூலக்குறி இலவசமாகக் கிடைக்கும் VoIP செயல்பாடுகளில் இலவசமாகக் கிடைக்கின்றன.
• செலவு குறைவாக இருக்கிறது, அதற்கு முக்கிய காரணம் தொலைபேசி அழைப்புகளுக்கான பில்லிங் செயல்பாட்டுடன் ஒப்பிடுகையில் இணைய அணுகலுக்கு பில்லிங் செய்யப்படும் விதமே ஆகும். வழக்கமான தொலைபேசி அழைப்புகளில் கட்டணம் நிமிடம் அல்லது நொடியில் கணக்கிடப்படும், ஆனால் VoIP அழைப்புகளில் கட்டணம் ஒவ்வொரு மெகாபைட் (MB) கணக்கில் இருக்கும். வேறு விதமாகக் கூறினால், VoIP அழைப்புகள் இணையம் வழியாக தகவல் (தரவு) அனுப்புவதன் அடிப்படையில் கட்டணம் வசூலிக்கப்படுகின்றன, மேலும் அதில் தொலைபேசி நெட்வொர்க் இணைப்பில் உள்ள நேரத்தின் அடிப்படையில் கட்டணம் வசூலிக்கப்படுவதில்லை. நடைமுறையில் குறிப்பிட்ட நேரத்தில் தரவு பரிமாற்றத்திற்கு வசூலிக்கப்படும் கட்டணம் குறிப்பிட்ட நேரத்திற்கு வழக்கமான தொலைபேசி இணைப்புகளில் வசூலிக்கப்படும் கட்டணத்துடன் ஒப்பிடும் போது மிகவும் குறைவு.

VoIP இல் எளிதாக்கும் பணிகள் மற்றும் வழங்கும் சேவைகள் போன்றவற்றை PSTN பயன்படுத்தி அமலாக்குவது மிகவும் கடினமாக இருக்கலாம். பின்வருவன இதற்கு எடுத்துக்காட்டுகளாகும்:

• தனித்த பட்டையகல இணைப்பைக்^[24] கொண்டு ஒன்றுக்கும் மேற்பட்ட தொலைபேசி அழைப்பை கூடுதலான இணைப்புகள் இல்லாமல் இணைக்க முடியும்.
• தரம் நிர்ணயிக்கப்பட்ட நெறிமுறைகளைப் (பாதுகாப்பான நிகழ்-நேர போக்குவரத்து நெறிமுறை போன்ற) பயன்படுத்தி பாதுகாப்பான அழைப்புகளை ஏற்படுத்த முடியும். VoIP இல் ஏற்கனவே உள்ள டிஜிட்டைசிங் மற்றும் டிஜிட்டல் பரிமாற்றம் போன்ற பாதுகாப்பான தொலைபேசி இணைப்பு உருவாக்குவது பண்டைய தொலைபேசி இணைப்புகளில் மிகவும் சிக்கலானதாக இருக்கிறது. இதில் ஏற்கனவே உள்ளத் தரவு ஸ்ட்ரீமை மறையீடாக்கம் செய்தல் மற்றும் செல்லத்தக்கதாக்குதல் மட்டுமே தேவையானதாக இருக்கிறது.^[25]
• இடம் சாராமை. போதுமான வேகம் மற்றும் நிலையான இணைய இணைப்பு மட்டுமே ஏதேனும் ஒரு VoIP வழங்குநரிடம் இருந்து இணைப்பைப் பெறுவதற்கு போதுமானது.
• இணையத்தில் கிடைக்கும் மற்ற சேவைகளுடன் ஒருங்கிணைப்பு. வீடியோ உரையாடல், உரையாடலின் போது செய்தி அல்லது தரவுக் கோப்புப் பரிமாற்றம் செய்தல், ஆடியோ கலந்துரையாடல், முகவரிப் புத்தகங்களை நிர்வகித்தல் மற்றும் ஆர்வமுள்ள மற்ற குழுவினர் இருந்தால் அவர்களைப்பற்றிய தகவலைப் பரிமாறிக்கோள்ளல் உள்ளிட்டவை இதில் அடங்கும்.

அடிப்படையான IP வலைபின்னல் சுற்று-ஸ்விட்ச்ட் பொது தொலைபேசி நெட்வொர்க்குக்கு மாறாக இயல்பாகவே நம்பகம் குறைவானதாக இருப்பதாலும், தரவுக் கட்டுகள் தொடர்வரிசை செயல்முறையில் அனுப்பப்படுகின்றனவா என்பதை உறுதிசெய்யும் இயங்கம்சம் அல்லது தரமான சேவை (QoS) உத்தரவாதங்கள் ஏதும் வழங்கப்படுவது இல்லை, VoIP செயல்பாடுகள் தரவைப் பெறுவதற்கான நேரம் மற்றும் ஜிட்டர் போன்றவற்றில் சிக்கல்களைச் சந்திக்கலா��்.

குரல் மற்றும் மற்ற அனைத்துத் தரவுகளும், நிர்ணயிக்கப்பட்ட உச்ச ஆற்றலுடன் IP நெட்வொர்க்கின் வழியே கட்டுகளில் பயணிக்கின்றன. இந்த முறை பண்டைய சுற்று ஸ்விட்ச்ட் அமைப்புகளை விட அதிகமான நெருக்கடி^{[சான்று தேவை]} மற்றும் DoS தாக்குதல்களுக்கு^[26] ஏதுவாக இருக்கிறது; ஒரு போதுமான ஆற்றல் இல்லாத சுற்று ஸ்விட்ச்ட் அமைப்பு சேதமில்லாமல் நீடித்திருக்கும் புதிய இணைப்புகளை ஏற்க மறுத்துவிடலாம், மேலும் கட்டு-ஸ்விட்ஸ்ட் நெட்வொர்க்கில் தொலைபேசி உரையாடல்கள் போன்ற நிகழ்-நேரத் தரவின் தரம் இச்சந்தர்ப்பத்தில் குறைகிறது.

நிலைத்த தாமதங்களைக் கட்டுப்படுத்த முடியாது (கட்டுகளின் பயண இயக்கத்தொலைவின் காரணமாக), எனினும் குரல் கட்டுகளை தாமதம் உணர்பவையாகக் குறிப்பிடுவதன் மூலம் சில தாமதங்கள் குறையலாம் (பார்க்க, எடுத்துக்காட்டு, டிஃப்செர்வ்). நிலைத்த தாமதங்கள் குறிப்பாக செயற்கைக்கோள் சுற்றுகள் சம்பந்தப்படும் போது பிரச்சனைக்குரியவையாக இருக்கும், நீண்ட சுற்று-பயண செய்திபரப்பு தாமதத்தினால் (ஜியோஸ்டேசனரி செயற்கைக்கோள்கள் வழி இணைப்புக்கான 400–600 மில்லிசெகண்டுகள்) இவை ஏற்படும்.

கட்டு இழப்பு மற்றும் தாமதத்தின் ஒரு காரணம் நெருக்கடி ஆகும், இவற்றை தொலைப்போக்குவரத்துப் பொறியியல் மூலம் தவிர்க்க முடியும்.

ஆடியோ ஸ்ட்ரீம் சரியான நேர உடன்பாட்டை பராமரிக்கிறதா என்பதை உறுதிபடுத்திக் கொண்டு சரியில்லாத நிலையில் உள்ள, தாமதமான அல்லது தொலைந்த IP கட்டுகளை மறுகட்டமைக்க வேண்டும். தாமதத்தில் உள்ள வேறுபாடு ஜிட்டர் என அழைக்கப்படுகிறது. ஜிட்டரின் விளைவுகள் அனலாக் ஆடியோவின் வருகையின் போது மற்றும் உருவாக்கத்திற்கு முன்பு ஜிட்டர் பஃப்பரில் குரல் கட்டுகள் சேமிக்கப்படுவதால் மட்டுப்படுத்தப்படலாம், எனினும் இவை தொடர்ந்து தாமதத்தை அதிகரிக்கும். அடுத்த குரல் கட்டு வந்து சேராத போது குரல் பொறி ஆடியோ இல்லாமல் இருக்கும், இது பஃப்பர் அன்டர்ரன் என அழைக்கப்படும். முன்னர் கூறியபடி பயன்படுத்துவதால் இதைத் தவிர்க்கலாம். VoIP பயனர்களுக்கு இடையில் நெட்வொர்க்கின் ஏதாவது ஒரு இடத்தில் IP கட்டுகள் வீணாகிவிடும் போது அல்லது தாமதமாகிவிடும் போது, அனைத்து கட்டு தாமதம் மற்றும் இழப்பு இயந்திர நுட்பங்களாலும் அதனை ஈடு செய்ய முடியாத போது, அங்கு கணநேர குரல் தடைபடுதல் ஏற்படலாம்.

இதனால் VoIP தொடர்புகளில் கட்டப்பட்ட இயல்புடைய ஊடகத்தைச் சார்ந்திருப்பதற்கும், கட்டுகளின் ஸ்ட்ரீம் அனுப்பும் தொலைபேசியில் இருந்து சேருமிடத் தொலைபேசிக்கு ஒரேநேரத்தில் வெவ்வேறு வழிகளின் (பல்-வழி ரவுட்டிங்) மூலம் பரிமாற்றம் செய்வதற்கும் பரிந்துரைக்கப்படுகிறது.^[27] இது போன்ற வழிகளால், தற்காலிக தோல்விகள் தகவல்தொடர்பு தரத்தில் குறைவான தாக்கத்தையே ஏற்படுத்தும். தந்துகி ரவுட்டிங்கில், கட்டு நிலையில் தேவைக்கதிகமான கட்டுகளை பரிமாற்றம் செய்வதற்காக ஃபவுண்டைன் குறியீடுகள் அல்லது குறிப்பாக ரேப்டார் குறியீடுகள் பயன்படுத்துவதற்கு பரிந்துரைக்கப்படுகிறது, இது தொடர்பை மிகவும் நம்பத்தக்கதாக்கும்.^{[சான்று தேவை]}

VoIP அழைப்புகளுக்கான QoS/QoE அறிக்கையிடுதலுக்கு ஆதரவாக, பல நெறிமுறைகள் வரையறுக்கப்பட்டுள்ளன. இவற்றில் RTCP விரிவாக்கப்பட்ட அறிக்கை (RFC 3611), SIP RTCP சுருக்க அறிக்கைகள், H.460.9 பிற்சேர்க்கை B (H.323 க்காக), H.248.30 மற்றும் MGCP நீட்சிகள் போன்றவையும் அடங்கும். RFC 3611 VoIP மெட்ரிக்ஸ் பிளாக் ஒரு நேரடி அழைப்பின் போது ஒரு IP தொலைபேசி அல்லது கேட்வேயினால் உருவாக்கப்படுகிறது, மேலும் இதில் கட்டு இழப்பு விகிதத் தகவல், கட்டு விடுவித்தல் விகிதம் (ஜிட்டரின் காரணமாக), கட்டு இழப்பு/விடுவித்தல் வெடிப்பு அளவீடுகள் (வெடித்தல் நீளம்/அடர்த்தி, இடைவெளி நீளம்/அடர்த்தி), நெட்வொர்க் தாமதம், பெறும் அமைப்பின் தாமதம், சமிக்ஞை / இரைச்சல் / எதிரொலி நிலை, மீன் ஒபீனியன் ஸ்கோர்ஸ் (MOS) மற்றும் R காரணிகள் மற்றும் ஜிட்டர் பஃபர் தொடர்பான உள்ளமைவுத் தகவல் போன்றவை இடம்பெற்றிருக்கும்.

ஒரு அழைப்பில் எப்போதாவது ஒரு முறை RFC 3611 VoIP மெட்ரிக்ஸ் அறிக்கைகள் IP இறுதிப்புள்ளிகளுக்கு இடையில் பரிமாற்றப்படும், மேலும் SIP RTCP சுருக்க அறிக்கை அல்லது மற்ற சமிக்ஞை நெறிமுறை நீட்சிகளில் ஒன்றின் வழியாக ஒரு அழைப்பு முடிவுச் செய்தி அனுப்பப்படும். RFC 3611 VoIP மெட்ரிக்ஸ் அறிக்கைகள் QoS சிக்கல்கள் தொடர்புடைய நிகழ் நேர பின்னூட்டத்திற்கு ஆதரவளிக்கின்றன, இறுதிப்புள்ளிகளுக்கு இடையில் பரிமாறப்படும் தகவல்கள் அழைப்புத் தர கணக்குகள் மற்றும் பல்வேறு மற்ற பயன்பாடுகளை மேம்படுத்த உதவுகிறது.

தரவு இணைப்பு அடுக்கு மற்றும் இயக்க அடுக்கு ஆகியவற்றறக் கையாளும் பல நெறிமுறைகளில், நெருக்கடியான நேரங்களில் கூட VoIP போன்ற பயன்பாடுகள் நன்றாக பணிபுரிவதை உறுதியளிக்கப் பயன்படுத்தக்கூடிய சேவையின் தர இயங்கம்சங்கள் உள்ளடங்கியுள்ளன. சில எடுத்துக்காட்டுகள் பின்வருமாறு:

• IEEE 802.11e என்பது IEEE 802.11 தரத்துக்கு ஒரு ஏற்றுக்கொள்ளப்பட்ட திருத்தம் ஆகும், அவை கம்பியில்லா LAN பயன்பாடுகளுக்குத் தரமான சேவை அதிகரிப்புகளின் தொகுப்பை மீடியா ஆக்செஸ் கண்ட்ரோல் (MAC) லேயரில் மாற்றம் செய்வதம் மூலம் வரையறுக்கின்றன. இந்தத் தரம் வாய்ஸ் ஓவர் ஒயர்லெஸ் IP போன்ற தாமதம்-உணர் பயன்பாடுகளில் சிக்கலான முக்கியத்துவம் உடையதாகக் கருதப்படுகிறது.
• IEEE 802.1p லேயர்-2 கம்பியுள்ள ஈதர்நெட் போக்குவரத்துக்கான 8 மாறுபட்ட சேவைகளின் (இதில் ஒன்று குரலுக்கு ஒதுக்கப்பட்டுள்ளது) வகைகளை வரையறுக்கின்றன.
• ITU-T G.hn தரம், இது ஏற்கனவே உள்ள வீட்டுக் கம்பிகளைப் (மின் இணைப்புகள், தொலைபேசி இணைப்புகள் மற்றும் கோஆக்சியல் கேபிள்கள்) பயன்படுத்தி ஒரு உயர்-வேக (1 ஜிகாபிட்/நொடி வரை) அகப் பரப்புப் பிணையத்தை உருவாக்குவதற்கான வழிகளை வழங்குகின்றது. G.hn, QoS தேவைப்படும் இயக்கத்திற்கு (ஒரு VoIP அழைப்பு போன்ற) ஒதுக்கப்படும் மற்றும் நெட்வொர்க் கட்டுப்படுத்தியுடனான "உடன்படிக்கை" அமைத்துக்கொண்ட "சச்சரவில்லாத பரிமாற்ற வாய்ப்பினை" (CFTXOPகள்) வழங்குவதன் மூலம் QoS ஐ வழங்குகின்றது.

பண்டைய வீட்டு அனலாக் சேவைக்கான தொலைபேசிகள் பொதுவாக தொலைபேசி நிறுவனத்தின் தொலைபேசி இணைப்புடன் நேரடியாக இணைக்கப்பட்டிருக்கும், அந்நிறுவனங்கள் அடிப்படை அனலாக் தொலைபேசிக்கு இருக்குமிடத்திலேயே மின்னாற்றல் கிடைக்கக்கூடிய நேரடி மின்சாரத்தை வழங்குகின்றன.

IP தொலைபேசிகள் மற்றும் VoIP தொலைபேசிப் பொருத்திகள் ரவுட்டர்கள் அல்லது கேபிள் மோடத்துடன் இணைக்கப்படும், அவை பொதுவாக மூல மின்சாரம் அல்லது உள்ளூரில் உருவாக்கப்படும் மின்னாற்றல் சார்ந்ததாக இருக்கும்.^[28] சில VoIP சேவை வழங்குநர்கள் வாடிக்கையாளர் இடத்திலுள்ள மின்னாற்றல் தடை ஏற்பட்டாலும் பலமணி நேரங்களுக்கு தடையில்லாத சேவைக்கு உறுதி அளிக்கக்கூடிய மின்கலனால் அடைக்கப்பட்ட மின்சாரத்துடன் கூடிய உபகரணங்களைப் (எ.கா., கேபிள்மோடம்கள்) பயன்படுத்துகிறார்கள். அது போன்ற மின்கலனால் அடைக்கப்பட்ட மின்சாரக் கருவிகள் பொதுவாக அனலாக் கைக்கருவியுடன் பயன்படுத்தும் விதத்தில் வடிவமைக்கப்படுகின்றன.

மின் தடையினால் தொலைபேசி சேவை பாதிப்படைதல் ஒரு பொதுவான பிரச்சினை ஆகும், பண்டைய அனலாக் சேவையுடன் பெரும்பாலான வாடிக்கையாளர்கள் மூல இடத்துக்கு கம்பி இல்லாமலேயே இயக்கப்படக்கூடிய மோடம் கருவிகளை வாங்கியிருத்தல் அல்லது அவற்றில் உள்ளமைக்கப்பட்ட குரலஞ்சல் அல்லது தொலைபேசி புத்தகம் போன்ற மற்ற நவீன தொலைபேசி சிறப்புகள் இருத்தல் ஆகிய சந்தர்ப்பங்களிலும் இது போன்ற சிக்கல்கள் எழலாம்.

புவியியல் ரீதியாக நெட்வொர்க்கில் உள்ள பயனரின் இடத்தைக் கண்டறிதல் சிக்கலாக இருப்பது IP இன் இயல்பாகும். அதனால் அவசர அழைப்புகளை, அருகில் உள்ள கால் சென்டருக்கு எளிதில் அனுப்ப முடியாது. சில நேரங்களில், VoIP அமைப்புகள் அவசர அழைப்புகளை குறிப்பிட்ட துறையில் உள்ள சாதாரண தொலைபேசி இணைப்புகளுக்கு அனுப்பிவிடலாம். அமெரிக்காவில், ஒரு முக்கிய காவல் துறை இந்த செயல்பாடு பொதுமக்களுக்கு ஆபத்தை ஏற்படுத்தும் என்பதால் கடுமையாக எதிர்ப்பு தெரிவித்துள்ளனர்.^[29]

ஒரு நிலையான தொலைபேசி இணைப்பு ஒரு தொலைபேசி எண்ணுக்கும் ஒரு இடத்திற்கும் இடையில் நேரடியாக தொடர்பு கொண்டிருக்கும். ஒரு தொலைபேசி இணைப்பில் குறிப்பிடப்பட்டிருக்கும் ஒரு ஜோடி கம்பிகள் தொலைபேசி நிறுவனத்தின் எக்ஸ்சேஞ்ச் உள்ள இடத்துடன் தொடர்பு கொண்டிருக்கும். இணைப்பு இணைக்கப்பட்டவுடன், தொலைபேசி நிறுவனம் அந்த கம்பியுடன் தொடர்புடைய வீட்டு முகவரியைச் சேமித்துக் கொள்ளும், மேலும் இந்த முகவரிக்கும் எண்ணுக்கும் உள்ள தொடர்பு மிகவும் அரிதாகவே மாற்றமடையும். ஒரு அவசர அழைப்பு ஒரு எண்ணிலிருந்து வந்தால் பின்னர் அது இருக்கும் இடம் எளிதாகத் தெரியும்.

IP உலகத்தில் இது மிகவும் எளிதானதல்ல. ஒரு அகலப்பட்டை வழங்குநருக்கு கம்பிகள் முடிவடையும் இடம் தெரிந்திருக்கலாம், ஆனால் இதனைக் கொண்டு அந்த இடத்தில் ஒரு IP முகவரியை குறிக்க வேண்டும் என்ற கட்டாயமில்லை. IP முகவரிகள் பொதுவாக இயக்கமுறையில் ஒதுக்கப்படுகிறது, அதனால் ஆன்லைன் அணுகலுக்காக அல்லது அகலப்பட்டை ரவுட்டர் உபயோகத்தில் இருக்கும் போது ISP ஒரு முகவரியை ஒதுக்கலாம். ISP தனிப்பட்ட IP முகவரிகளைக் கண்டறிய முடியும், ஆனால் அதற்கு ஏற்றவகையில் அது எந்த இடத்தில் உள்ளது என்பதைத் தெரிந்திருக்க வேண்டும் என்ற அவசியம் இல்லை. அகலப்பட்டை சேவை வழங்குநருக்கு இடம் தெரிந்திருக்கலாம், ஆனால் அந்த இடத்தில் பயன்பாட்டில் உள்ள IP முகவரியைக் கண்டறிவது சிரமம்.

IP அதிக அளவில் இடம்பெயர்தலை அனுமதிக்கிறது என்பதால் இதில் பல சிக்கல்கள் இருக்கின்றன. எடுத்துக்காட்டாக, ஒரு அகலப்பட்டை இணைப்பை ஒரு நிறுவனத்திற்கு சொந்தமான ஒரு வெர்ச்சுவல் பிரைவேட் நெட்வொர்க் அழைப்பாகப் பயன்படுத்தலாம். இவ்வாறு செய்வதால், அந்த IP முகவரி அந்த ISP இன் முகவரி என்பதற்கு பதிலாக அந்த நிறுவனத்தின் சார்புடைய பயன்பாட்டிற்கு வந்துவிடுகிறது, அதனால் பல கிலோமீட்டர்கள் தொலைவில் இருப்பவர்கள் அல்லது மற்றொரு நாட்டிலேயே இருப்பவர் கூட அந்த இணைப்பைப் பயன்படுத்த முடியும். மற்றொரு எடுத்துக்காட்டு பின்வருமாறு: ஒரு வேளை எடுத்துக்காட்டாக ஒரு 3G மொபபல் கைக்கருவி அல்லது USB கம்பியில்லா அகலப்பட்டைப் பொருத்தி போன்ற மொபைல் தரவு பயன்படுத்தப்பட்டால், IP முகவரி எந்த இடத்துடனும் தொடர்பில் இருக்காது, மேலும் ஒரு மொபைல் பேசி பயனர் நெட்வொர்க் எல்லை உள்ள எங்கு வேண்டுமானாலும் இருக்கலாம், மற்றொரு மொபைல் நிறுவனத்தின் மூலம் ரோமிங்கில் இருந்து கூட தொடர்பில் இருக்கலாம்.

சுருக்கமாக, IP முகவரிக்கும் இருக்கும் இடத்திற்கும் இடையில் எந்தத் தொடர்பும் இல்லை, அதனால் முகவரியும் கூட அவசர சேவைக்கான எந்த பயனுள்ள தகவலையும் வெளிப்படுத்தாது.

VoIP நிலையில், ஒரு தொலைபேசி அல்லது நுழைவாயில் பயனர்பெயர் மற்றும் கடவுச்சொல் ஆகியவற்றைப் பயன்படுத்தி SIP ரெஜிஸ்ட்ராரைக் கொண்டு கண்டறிந்துகொள்ளலாம். ஆகவே இந்தச் சூழ்நிலையில், இண்டர்நெட் டெலிபோனி சர்வீஸ் புரொவைடருக்கு (ITSP) குறிப்பிட்ட பயனர் ஆன்லைனில் இருக்கிறாரா என்பதும் பயனருடன் தொடர்புடைய குறிப்பிட்ட தொலைபேசி எண் இருந்தால் அதும் தெரியும். எனினும், எப்படி அந்த IP போக்குவரத்து உபயோகப்படுத்தப்பட்டது என்பதைக் கண்டறிய முடியாது. IP முகவரியானது தற்போது இருக்கும் இடத்திற்கான தகவலை வழங்க வேண்டிய அவசியம் இல்லை என்பதால், இன்றைய தினத்தில் பயனர் மற்றும் அவர் தொலைபேசியை வாங்கும் போது கொடுத்திருந்த இடத்தின் முகவரி ஆகியவற்றைக் கண்டறிய தரவுத்தளத்தைப் பயன்படுத்துவதே ஒரு "சிறந்த முயற்சி" எனக் கருதப்படக்கூடிய அணுகுமுறை ஆகும், ஆனால் இது ஒரு சரியில்லாத தீர்வாகும் என்பது தெளிவு.

VoIP மேம்படுத்திய 911 (E911) என்பது மற்றொரு முறை ஆகும், இதில் அமெரிக்காவில் உள்ள VoIP வழங்குநர்கள் அவசர சேவைகளைச் செய்ய முடியும். VoIP E911 அவசர-அழைத்தல் முறையில், கம்பியில்லா தகவல்தொடர்புகள் மற்றும் பொதுமக்கள் பாதுகாப்புச் சட்டம் 1999 இன் அடிப்படையில், அழைக்கும் நபரின் தொலைபேசி எண்ணை ஓர் இருப்பிடத்தின் முகவரியுடன் தொடர்புபடுத்திப் பதிவு செய்ய வேண்டியது அவசியமாக உள்ளது. அனைத்து "ஒன்றுக்கொன்று இணைக்கப்பட்ட" VoIP வழங்குநர்கள் (PSTN முறை அணுகலை வழுங்குபவர்கள்) தங்கள் வாடிக்கையாளர்களின் E911 ஐ வைத்திருக்க வேண்டியது அவசியம்.^[30] சே��ை பொதுவாக அனலாக் தொலைபேசி சேவையைப் போலவே, VoIP E911 இல் சந்தாதாரரின் ஒவ்வொரு இணைப்பிற்கும் கூடுதலாக மாதாந்திர கட்டணம் வசூலித்துக் கொண்டு வழங்கப்படுகிறது. E911 இல் பங்குபெறுதல் கட்டாயமில்லை, மேலும் வாடிக்கையாளர்கள் விருப்பத்தின் அடிப்படையில் E911 சேவையைப் பெறாமல் இருக்கவும் அவர்களது VoIP இணைப்புகளில் இருந்து முடக்கி வைக்கவும் முடியும். VoIP E911 பெரும்பாலான VoIP வழங்குநர்களால் அவசர சேவை இயக்குபவர்களுக்கு இருக்கும் இட முகவரி வழங்குவதன் மூலம் வெற்றிகரமாகப் பயன்படுத்தப்பட்டுவருகிறது.

அவசர சேவை முறை இயக்கமில்லா அட்டவணை தேடல் சார்ந்ததாக இருப்பது VoIP E911 இல் உள்ள ஒரு குறைபாடு ஆகும். செல்லுலார் தொலைபேசிகளின் அழைப்புகளைப் போலல்லாமல், E911 அழைப்பின் இடத்தை GPS உதவியுடன் அல்லது மற்ற முறைகளின் மூலம் கண்டறிந்து விட முடியும், ஆனால் சந்தாதாரர்கள் அவர்களது அவசர கால முகவரியைத் தொடர்ந்து சிரத்தையுடன் புதுப்பித்து வந்தால் மட்டுமே VoIP E911 தகவல் துல்லியமானதாக இருக்கும். அமெரிக்காவில், கம்பியில்லாத் தகவல்தொடர்புகள் மற்றும் பொதுமக்கள் பாதுகாப்புச் சட்டம் 1999, அவசர கால தகவல் புதுப்பிக்கப்படுவதன் பொறுப்பு முழுவதும் சேவை வழுங்குநருக்கு இல்லை சந்தாதாரர்களுக்கே இருக்கிறது என்று விட்டு விட்டது.

இணையம் மற்றும் PSTN இன் தற்போதைய பிரிவுடன், ஒரு குறிப்பிட்ட அளவிலான மிகை அனுப்பல் அம்சமும் வழங்கப்படுகிறது. இணைய குறைபாடு ஏற்படும் போது அதனால் குரல் தகவல்தொடர்பிலும் அதே நேரத்தில் குறைபாடு ஏற்படும் என்பது அவசியமில்லை, இதனால் நபர்கள் அவசர சேவைகளை அழைப்பதற்கும் மேலும் பல வணிகங்களில் வழக்கமான செயல்கள் தொடர்ந்து நடைபெறவும் உதவியாக உள்ளது. தொலைபேசி சேவைகள் முழுவதுமாக இணைய உள்கட்டமைப்பையே நம்பி இருக்கும் சூழ்நிலைகளில், ஒரு தனி-எல்லையில் குறைபாடு ஏற்படும் போது அது, மேம்படுத்திய 911 மற்றும் பிற இடங்களில் உள்ள அதற்கு இணையான சேவைகள் உள்ளிட்ட அனைத்து தகவல்தொடர்புகளில் இருந்தும் குறிப்பிட்ட மக்களைத் தனிப்படுத்திவிடக்கூடும்.^[31]

அக எண் பெயர்வுத்திறன்(LNP) மற்றும் மொபைல் எண் பெயர்வுத்திறன் (MNP) ஆகியவவயும் VoIP வணிகத்தில் விளைவை ஏற்படுத்துகின்றன. நவம்பர் 2007 இல், அமெரிக்காவின் ஒருங்கிணைந்த தகவல்தொடர்புகள் கமிஷன் ஒரு உத்தரவை வெளியிட்டது, அதாவது எண்களின் பெயர்வுத்திறன் பொறுப்புகளை தொடர்புடைய VoIP வழங்குநர்கள் மற்றும் VoIP வழங்குநர்களுக்கு ஆதரவளிக்கும் கேரியர்கள் ஆகியோறுக்கு நீட்டித்தது.^[32] எண் பெயர்வுத்திறன் என்பது ஒரு சேவையாகும், இது சந்தாதாரர்கள் புதிய தொலைபேசி எண் பெறாமலே புதிய தொலைபேசி கேரியருக்கு மாற அனுமதிக்கிறது. பொதுவாக, முந்தைய கேரியரின் பழைய எண்ணை புதிய கேரியரால் அளிக்கப்பட்ட வெளிப்படுத்தாத எண்ணுடன் "மேப்" செய்வது முந்தைய கேரியர்களின் பொறுப்பாகும். இது எண்களின் தரவுத்தளம் ஒன்றைப் பராமரிப்பதன் மூலம் செய்யப்படுகிறது. தொடக்கத்தில் அழைக்கப்பட்ட எண்கள் முதல் கேரியரிடம் இருந்து பெறப்பட்டு விரைவில் புதிய கேரியருக்கு மாற்றப்படுகிறது. சந்தாரார் புதிய கேரியருக்குத் திரும்பினாலும் கண்டிப்பாக பல-போர்ட்டிங் குறிப்புகள் தொடர்ந்து பராமரிக்கப்பட வேண்டும். இந்த நுகர்வோர்-பாதுகாப்பு நிபந்தனைகளுக்கு கேரியர் இணங்க வேண்டும் என்று FCC கட்டாயப்படுத்துகிறது.

VoIP சூழ்நிலைகளில் செய்யப்படும் ஒரு குரல் அழைப்பு, வழக்கமான மொபைல் கேரியரின் மொபைல் தொலைபேசி எண்ணுடன் ரவுட்டிங் செய்யப்பட்டிருந்தால் அதன் இலக்கை அடைவதற்கு பெரும் சிக்கலைச் சந்திக்கிறது. VoIP ஆனது, ஒவ்வொரு தொலைபேசி அழைப்பின் போதும் சேரும் முகவரியைப் பரிசோதிப்பது மற்றும் பின்னர் வாடிக்கையாளர்களுக்கு குறறந்த செலவில் நெட்வொர்க் மூலம் அழைப்பை அனுப்புவது ஆகியவற்றின் அடிப்படையிலான குறை செலவு ரவுட்டிங் முறைமை (LCR) என கடந்தகாலத்தில் அறியப்பட்டது.^[33] எண் பெயர்வுத்திறனால் உருவாக்கப்பட்ட அழைப்பு ரவுட்டிங்கின் சிக்கலான தன்மையினால் இந்த மதிப்பீடு சில விவாதங்களுக்குட்பட்டுள்ளது. உலகளாவிய நடமாடும் தகவல் தொடர்புகள் திட்டம் எண் பெயர்வுத்திறன் இப்போது நடைமுறையில் உள்ளதால், LCR வழங்குநர்கள் அழைப்புகளை எவ்வாறு ரவுட்டிங் செய்வது என்பதைத் தீர்மானிப்பதற்கு நெட்வொர்க் மூல முன்னொட்டுகளைப் பயன்படுத்துவதைச் சார்ந்திருக்க முடியாது. அதற்கு மாறாக, அவை ஒவ்வொரு எண்ணும் அழைப்புகளை ரவுட்டிங் செய்யும் முன் உண்மையான நெட்வொர்க்கை கண்டிப்பாக தீர்மானிக்க வேண்டும்.

ஆகவே, VoIP தீர்வுகள் குரல் அழைப்பை ரவுட்டிங் செய்யும் போது MNPஐயும் கையாள வேண்டும். UK போன்ற நாடுகளில் மையத் தரவுத்தளம் இல்லை, அங்கு ஒரு மொபைல் தொலைபேசி எண் எந்த நெட்வொர்க்கைச் சேர்ந்தது என அறிய உலகளாவிய நடமாடும் தகவல் தொடர்புகள் திட்டம் நெட்வொர்க்கிடம் விசாரணை நடத்துவது தேவைப்படலாம். விலை குறைந்த அழைப்புத் தேர்வுகளின் காரணமாக VoIP பிரபலமான காரணத்தால் தொழில் சந்தைகளில் வளர்ந்துள்ளது, இதன் மூலம் அழைப்புகளை கையாளும் போது குறிப்பிட்ட அளவுக்கு நம்பகத்தன்மையை வழங்குவது முக்கியமாகிறது.

சேவைகளின் தேவைகளை உறுதிப்படுத்த இதில் MNP சோதனைகள் மிகவும் தேவையாகிறது. அழைப்பை ரவுட்டிங் செய்வதற்கு முன் MNP ஐ கையாள்வதன் மூலம் அந்த குரல் அழைப்பு உண்மையாக வேலை செய்யுமா என்பதை உறுதிசெய்ய முடியும், வணிக சந்தாதாரர்களுக்கு அவர்களுக்கு தேவையான அளவுக்கு நம்பகத்தன்மையை VoIP சேவை வழங்குநர்களால் வழங்க முடியும்.

சிங்கப்பூர் போன்ற நாடுகளில் மிகவும் சமீபத்திய மொபைல் எண் பெயர்வுத்திறன் தீர்வு, வயர்லெஸ் அகலப்பட்டை வழங்குநர்கள் மற்றும் வாய்ஸ் ஓவர் IP (VoIP) வழங்குநர்கள் போன்ற பாரம்பரிய மற்ற தொலைத்தொடர்பு சேவை வழங்குநர்களுக்கு வணிகத்தில் புதிய கதவைத் திறக்கும் என எதிர்பார்க்கப்படுகிறத���.^{[சான்று தேவை]}.

E.164 என்பது PSTN மற்றும் PLMN இரண்டுக்கும் பொதுவான உலகளாவிய எண்ணிடல் தரநிலையாகும். பெரும்பாலான VoIP செயல்படுத்தல்கள், VoIP சந்தாதாரர்கள் மற்றும் PSTN/PLMN ஆகிய தரப்பினர்களுக்கிடையே அழைப்புகளை அனுமதிக்க E.164 உதவுகிறது.^[34] VoIP ஐச் செயல்படுத்தும் போது பிற அடையாளம் காணுதல் தொழில்நுட்பங்களையும் பயன்படுத்த அனுமதிக்கிறது. எடுத்துக்காட்டாக, ஸ்கைப் சந்தாதாரர்களை "ஸ்கைப் பெயர்களை"^[35](பயனர்) தாங்களாக தேர்ந்தெடுக்க அனுமதிக்கிறது, ஆதலால் SIP செயல்படுத்துதலில் மின்னஞ்சல் முகவரிகளைப் போன்ற URIகளைப்^[36] பயன்படுத்தலாம். ஸ்கைப் வழங்கும் Skype-In^[37] சேவை மற்றும் IMS மற்றும் SIP போன்றவற்றில் உள்ள ENUM சேவைகளில் நிகழ்வதைப் போல, VoIP செயல்படுத்துதல்கள் பெரும்பாலும் E.164 இல்லாத அடையாளங்காட்டிகளில் இருந்து E.164 எண்களாக மாற்றும் முறைகளைப் பயன்படுத்துகின்றன.^[38]

எதிரொலியும் PSTN இணைப்பில் ஒரு பிரச்சனையாக உள்ளது^[39] . மின் எதிர்ப்பு மாறுபடுதல்கள் அனலாக் சுற்றுகளில் மற்றும் செலுத்தப்படும் ஒலி சம்பந்தமான இணைப்பு மற்றும் பெறப்படும் முனையில் கிடைக்கப்பெறும் சமிக்கைகள் உள்ளிட்டவை எதிரொலியின் பொதுவான காரணங்கள் ஆகும்.

வாய்ஸ் ஓவர் இண்டெர்நெட் ப்ரோட்டோகால் தொலைபேசி அமைப்புகள்(VoIP) பிற இணைய-தொடர்புள்ள சாதனங்களைப் போலவே தாக்குதல்களுக்கு எதிர்ப்புத் திறனற்றவையாக உள்ளன. இந்த பாதிப்புக்குட்படும் தன்மைகளைப் பற்றித் தெரிந்த தெரிந்த ஹேக்கர்கள் சேவையில் தடங்கல் ஏற்படுத்தும் தாக்குதல்களைச் செய்ய முடியும், வாடிக்கையாளர் தரவைத் திருடுதல், உரையாடல்களைப் பதிவு செய்தல் மற்றும் குரல் அஞ்சல் பெட்டிகளில் அத்துமீறுதல் போன்ற பாதிப்புகளை நிகழ்த்த முடியும்.^[40]

VoIP டிராஃபிக்கை ஃபயர்வால்கள் மற்றும் நெட்வொர்க் முகவரி மாற்றிகள் வழியாக ரவுட்டிங் செய்வது மற்றொரு சவாலாக உள்ளது. VoIP அழைப்புகளை பாதுகாக்கப்பட்ட நெட்வொர்க்குகளில் இருந்து பெறவும் அழைக்கவும் பயர்வால்களுடன் செயல்படும் தனிப்பட்ட அமர்வு எல்லைக் கட்டுப்பாட்டாளர்கள் பயன்படுகின்றன. ஸ்கைப், நெட்வொர்க்கிலுள்ள பிற ஸ்கைப் பயனர்களுக்கு அழைப்புகளை ரவுட்டிங் செய்ய தனிப்பட்ட நெறிமுறையைப் பயன்படுத்துகிறது, சமச்சீரான NATகள் மற்றும் ஃபயர்வால்கள் வழியாக பயணிப்பதற்கு இவை அனுமதிக்கப்படுகிறது. STUN அல்லது ICE போன்ற நெறிமுறைகளை ஈடுபடுத்தி NATகள் பிற முறைகளிலும் கடத்தப்படுகிறது.

பல நுகர்வோர் VoIP தீர்வுகள் மறையீடாக்கத்தை ஆதரிப்பதில்லை, இருப்பினும் பாதுகாப்பு தொலைபேசியை இது கொண்டுள்ளதால் வழக்கமான தொலைபேசி இணைப்புகளை காட்டிலும் VoIP உடன் செயல்படுத்துவது மிகவும் எளிதாக உள்ளது. தீர்வாக, இது VoIP அழைப்புகளை ஒட்டுக்கேட்பதற்கும் அவர்களின் உள்ளடக்கங்களையும் மாற்றுவதற்கும் மிகவும் எளிதாக உள்ளது.^[41] நீங்கள் பாதுகாப்பான VLANஇல் இல்லாமல் இருந்தால் உங்களதது VoIP அழைப்புகளை பாக்கெட் மோப்பம் பிடிப்பவர் உங்களது இணைப்புகளை தாக்க முடியும்.

வயர்சார்க் போன்ற இந்த இலவசமான மூலக்குறியீடுகளைக் கொண்ட தீர்வுகள், VoIP உரையாடல்களை மோப்பம் பிடிக்கவும் உதவுகிறது. ஆடியோ கோடக்ஸ்களால் சிறிய அளவிலான பாதுகாப்பு வழங்கப்படுகிறது, இந்தத் தனிப்பட்ட செயல்படுத்துதல்கள் இலவசமாக கிடைக்கப்பெறும் மூலக் குறியீடுகளின் பயன்பாடுகளில் எளிதாக கிடைப்பதில்லை^{[சான்று தேவை]}, எனினும் தெளிவற்ற நிலையில் உள்ள பாதுகாப்பு போன்றவை மற்ற களங்களில் திறமையை நிரூபிக்கவில்லை.^{[சான்று தேவை]} சில வணிகர்களும் ஒட்டுக்கேட்பதை மிகவும் கடினமாக்க நெரித்தலைப் பயன்படுத்துகின்றனர்.^{[சான்று தேவை]} எனினும், உண்மையாக பாதுகாப்புக்கு மறையீடு மற்றும் தகவல்மறைப்பியல் சான்றளிப்புத் தேவைப்படுகிறது, இது நுகர்வோர் தரப்பிலிருந்து பரவலாக ஆதரவளிப்பதில்லை. தற்போதுள்ள பாதுகாப்புத் தரநிலையான செக்யூர் ரியல்-டைம் டிரான்ஸ்போர்ட் நெறிமுறை (SRTP) மேலும் புதிய ZRTP நெறிமுறைகள் ஆகியவை அனலாக் தொலைபேசி பொருத்திகள்(ATAகள்) மற்றும் பல்வேறு மென் தொலைபேசிகளிலும் கிடைக்கிறது. இந்த IPசெக்கை தருண மறையீடாக்கத்தின் மூலம் P2P VoIP இல் பயன்படுத்த முடியும். ஸ்கைப் SRTPஐப் பயன்படுத்துவதில்லை, ஆனால் ஸ்கைப் வழங்குநர்களுக்கு தெரியும் படியாக உள்ளவைக்கு மறையீடாக்கம் பயன்படுத்தப்படுகிறது^{[சான்று தேவை]}. 2005 இல், ஸ்கைப் மென்பொருளின் பாதுகாப்பை மதிப்பீடு ஆராய்ச்சியாளர் டாக்டர் டாம் பெர்சன் அவர்களை ஸ்கைப் நிறுவனம் அழைத்தது, அவருடைய ஆராய்ச்சி முடிவுகள் வெளியிடப்பட்ட அறிக்கையில் கிடைக்கிறது.^[42]

டிஜிடைஸ் செய்யப்பட்ட குரல் ஸ்ட்ரீமுக்கான IPசெக் மறையீடாக்கத்தைப் பயன்படுத்துவதன் மூலம் தொழிற்துறை VoIP நெட்வொர்க்குகளுக்கு வாய்ஸ் VPN தீர்வுகள் பாதுகாப்பான குரலை வழங்குகின்றன.

மேலே விவரிக்கப்பட்ட பாதுகாப்பு விவகாரங்களைத் தடுக்க, அரசாங்கம் மற்றும் இராணுவ நிறுவனங்கள் பின்வருவனவற்பயன்படுத்துகின்றன; வாய்ஸ் ஓவர் செக்யூர் IP (VoSIP), செக்யூர் வாய்ஸ் ஓவர் IP (SVoIP), மற்றும் செக்யூர் வாய்ஸ் ஓவர் செக்யூர் IP (SVoSIP) போன்றவை இரகசியங்களைப் பாதுகாக்க உதவுகிறது, மேலும்/அல்லது VoIP தொடர்புகளை வகைப்படுத்தவும் பயன்படுத்தப்படுகிறது.^[43] செக்யூர் வாய்ஸ் ஓவர் IP, VoIP ஐ மறைப்பதற்கு வகை 1 மறையீடாக்கம் உடன் இணைந்து பூர்த்திசெய்கிறது. செக்யூர் வாய்ஸ் ஓவர் செக்யூர் IP வகை 1 மறையீடாக்கத்தை வகைப்படுத்தப்பட்ட நெட்வொர்க்குகளைப் பயன்படுத்தி பூர்த்தி செய்கிறது, எடுத்துக்காட்டாக SIPRநெட் ஆகும்.^{[44][45][46][47][48]} பப்ளிக் செக்யூர் VoIPயும் இலவச GNU திட்டங்களுடன் கிடைக்கிறது.^[49]

அழைப்பவர் ID பல்வேறு விதங்களில் VoIP வழங்குநர்களுக்கு உதவுகிறது, எனினும் பெரும்பாலான VoIP வழங்குபவர்கள் பெயருடன் கூடிய முழு அழைப்பவர் IDகளை வெளிஅழைப்புகளுக்கு வழங்குவதாகக் கூறுகின்றன.

ஒரு சில சந்தர்ப்பங்களில், VoIP வழங்குபவர்கள் அழைப்பர்களை தவறான அழைப்பர் ID தகவல்களை கொடுப்பதற்கு அனுமதிக்கிறது, அவர்கள் அழைப்பை மேற்கொள்ளப் பயன்படுத்திய எண்ணுக்குப் பதிலாக வேறொரு எண் காண்பிக்கப்படும் சாத்தியமும் உள்ளது^[50] வணிகத் தர VoIP உபகரணம் மற்றும் மென்பொருள் பெரும்பாலும் அழைப்பவர் ID தகவல்களை மாற்றிக்கொள்ளும் வகையில் உள்ளது. எனினும் இது பல தொழில்களில் மிகவும் வளைந்துகொடுக்கும் தன்மையுடன் உள்ளது, இதைத் தவறாகப் பயன்படுத்துவதற்கும் சாத்தியங்கள் உள்ளன.

2006 முதல் U.S. நிர்வாகிகளால் "ட்ரூத் இன் காலர் ID சட்டம்" தயாரிக்கப்பட்டு வருகிறது, ஜனவரி 2009 வரை இன்னும் இது சட்டமியற்றப்படவில்லை. "தெரிந்தே தவறான அல்லது செம்மையான அழைப்பவர் அடையாளத் தகவல்களை மோசடி செய்வதற்கு, தீங்கு விளைவிப்பதற்கு, அல்லது மதிப்பை தவறான முறையில் பெறமுயற்சித்தால் ..." அது சட்டப்படி குற்றமாகும் என இந்த ஆணை அறிவித்தது.^[51]

சில அனலாக் தொலைபேசி பொருத்திகள் பழைய தொலைபேசிகளில் இருந்து நாடி சுழலுமுறையை குறியீடாக மாற்றித்தருவதில்லை. வேண்டுமென்றால் VoIP பயனர் நாடியில் இருந்து தொனி மாற்றியை உபயோகப்படுத்தலாம்.^{[சான்று தேவை]}

VoIP செயல்படுத்துதல்களில் இருந்து தொலைகல் அனுப்வதற்கான ஆதரவு இன்னும் வரையறைக்குட்பட்டே உள்ளது. இப்போதுள்ள வாய்ஸ் கோடக்குகள் தொலைநகல் ஒலிபரப்பிற்காக உருவாக்கப்படவில்லை; அனலாக் வடிவில் உள்ள மனித குரலை திறமையான முறையில் டிஜிடைசாக கொடுப்பதற்காக உருவாக்கப்பட்டது. எனினும், ஒரு அனலாக் தரவின் (மூல ஆவணம்) டிஜிட்டல் வெளிப்பாட்டின் (ஒரு ஆவண உருவகம்) ஒரு அனலாக் வெளிப்பாட்டினை (மோடம் சமிக்கை) டிஜிட்டைஸ் செய்வதில் உள்ள செயல்திறனின்மை, VoIP இன் பட்டையகல நன்மைகளுடன் ஒப்பிடுகையில் குறையாகவே உள்ளது, இன்னும் சொல்லப்போனால், தொலைநகல் "ஒலிகள்" VoIP அலைவரிசையில் சாதாரணமாக பொருந்துவதில்லை. அதற்கு மாறுதலாக IP-அடிப்படைத் தீர்வுகளை விடுவிக்கும் ஃபேக்ஸ்-ஓவர்-IP என்றழைக்கப்படும் T.38 கிடைக்கிறது.

T.38 என்பது ஒரு நெறிமுறை ஒரு மரபு தொலைநகல் இயந்திரங்களைப் போல வேலை செய்ய உருவாக்கப்பட்டது மேலும் இது வேலை செய்ய பல்வேறு உட்கட்டமைப்புகளை பயன்படுத்துகிறது. ஒரு தொலைநகல் இயந்திரம் PSTN உடன் இணைக்கப்பட்டிருக்கும் ஒரு வழக்கமான தொலைநகல் இயந்திரமாக இருக்கலாம், அல்லது ஒரு ATA பெட்டியாக இருக்கலாம் (அல்லது அதை ஒத்தவையாக இருக்கலாம்). இந்த தொலலநகல் இயந்திரம் RJ-45 இணைப்பியுடன் IP நெட்வொர்க்குடன் நேரடியாக பொருத்தப்பட்டிருக்கலாம், அல்லது இது ஒரு கணினியைப் போல ஒரு தொலைநகல் இயந்திரம் பாசாங்கு செய்து கொண்டிருக்கலாம்.^[52] முதலில், T.38 UDP மற்றும் TCP ஒலிபரப்பு வகைகளை IP நெட்வொர்க் முழுவதும் பயன்படுத்த உருவாக்கப்பட்டது. தொலைநகலுக்காக UDP மற்றும் TCP முறைகளைப் பயன்படுத்துவதற்கு இடையே உள்ள முக்கிய வேறுபாடு நிகழ்நேர ஸ்ட்ரீமிங் பண்புக்கூறுகளே ஆகும். இரண்டு IP சாதனங்களுக்கு இடையில் உபயோகிப்பதற்கு TCP ஒரு நல்ல தேர்வாகும். எனினும், அனலாக் அமைப்பில் இணைக்கப்பட்டிருக்கும் பழைய தொலைநகல் இயந்திரங்கள், UDP இல் இருந்து பயன்பாடுகள் தற்போதைய சிறப்பியல்புகளை ஒத்திருக்கின்றன^{[சான்று தேவை]}.

மேம்படுத்தப்பட்ட பதிப்புகளான T.30 ஐ அடிப்படை தொலைநகல் நெறிமுறையான ஃபேக்ஸ் ஓவர் IP பிரச்சனைகளைத் தீர்ப்பதற்கு பயன்படுகிறது. சில புதிய ஃபேக்ஸ் இயந்திரங்கள் T.38 ஐ உள்ளடக்கிய செயல் வல்லமையை பெற்றுள்ளது, இது சிறிய உள்கட்டமைப்பு மாறுதல்களுடன் நெட்வொர்க்கில் செருகுவதற்கு பயனரை அனுமதிக்கிறது^{[சான்று தேவை]}. ஒரு T.38 இன் தனித்துவ சிறப்பாக ஒவ்வொரு கட்டும் அதன் முக்கியத்தரவின் பிரதியை முந்தைய கட்டில் கொண்டுள்ளது. இது ஒரு விருப்பமாக மேலும் அதிக செயல்படுத்தும் முறையை ஆதரவளிக்கும் வகையிலும் காணப்படுகிறது. இதன் முற்போக்குப் பிழைத் திருத்தம் T.38 ஐ VoIP^{[சான்று தேவை]} ஐக் காட்டிலும் விடப்பட்ட கட்டுகளில் மிகவும் தாங்கக்கூடியத் தன்மையை ஏற்படுத்துகிறது. T.38 உடன், இரண்டு வெற்றிகரமான இழந்த கட்டுகள் தரவுகளின் இழப்புகளில் உண்மையில் தேவைப்படுகிறது. நீங்கள் இழந்த தரவு ஒரு சிறிய பகுதியாகவே இருக்கும், ஆனால் சரியான அமைவுகள் மற்றும் தவறு நீக்கப்படும் முறைகளுடன், நீங்கள் முழுமையான ஒலிபரப்பைப் பெறுவதற்கான நிகழ்தகவு அதிகமாக இருக்கும்.

T.30 மற்றும் T.38 நெறிமுறைகளில் தேவைப்படி மாற்றப்படும் அமைப்புகளில் உங்களது நம்பகமற்ற தொலைநகல் இயந்திரத்தையும் திடமான இயந்திரமாக மாற்றும்^{[சான்று தேவை]}. சில தொலைநகல் இயந்திரங்கள் ஒவ்வொரு வரியின் முடிவிலும் இடைநிறுத்தம் செய்து இடப்பட்டுள்ள காகிதம் வரும்வரை காத்திருக்க அனுமதிக்கும். தாமதப்படுத்தப்பட்ட மற்றும் தவறிய கட்டுகளுக்கு இது ஒரு நல்ல செய்தியாகும், ஏனெனில் இது அவை அடைவதற்கு ஒரு வாய்ப்பைக் கொடுக்கிறது. எனினும், இது ஒவ்வொரு வரிக்கும் இது நிகழ்வதால் உங்களது ஃபேக்ஸ் ஒலிபரப்புவதற்கு நீண்ட நேரம் எடுத்துக் கொள்கிறது. தொலைநகல் அமைப்பை ஒரு தகவல் பரிமாற்ற அமைப்பாக நினைப்பது இதற்கு ஒரு மற்றொரு நல்ல தீர்வாகும், இதனால் தற்போதைய ஒலிபரப்புகள் தேவையில்லாமல் போகிறது (ஃபேக்ஸை ஒரு மின்னஞ்சல் இணைப்புடன் அனுப்புவது (ஃபேக்ஸைப் பார்க்க) அல்லது வெகுதூர அச்சுப்படி போன்ற(இணைய அச்சிடல் நெறிமுறையைப் பார்க்க)). வரப்பெறும் தொலைநகல் தரவு தெரிவதற்கு முன்பே அல்லது ஃபேக்ஸ் உருவகத்தை அச்சு படிக்கும் முன்பே இந்த இலக்கு அமைப்பு முழுமையான தாங்குதலைக் கொண்டிருக்கும்.

பிற தொலைபேசி சாதனங்களிலிருந்து வரும் வெளிப்புற அழைப்புகளைக் சரியாகக் கையாளுவது VoIP செயல்படுத்துதலில் மற்றொரு சவாலாக உள்ளது, பிற சாதனங்களான DVR பெட்டிகள், செயற்கைகோள் தொலைக்காட்சி பெறுபவர்கள், எச்சரிக்கைமணி அமைப்புகள், வழங்குமுறை மோடம்கள் மற்றும் பிற ஒத்த சாதனங்கள் PSTN தொலைபேசி இணைப்பின் சில அல்லது அவைகளின் அனைத்து செயல்களுக்காகவும் இதன் பெறுவழியை சார்ந்தே உள்ளன.

இதைப் போன்ற அழைப்புகள் சில நேரங்களில் எந்த பிரச்சனையும் இல்லாமல் முடிந்து விடும், ஆனால் மற்ற நேரங்களில் இவை தோல்வியையே தழுவுகின்றன VoIP மற்றும் செல்லுலார் நிகராக்கல் மிகவும் பிரபலமாக்கப்பட்டால், சில துணை உபகரணத் தயாரிப்பாளர்கள் மீண்டும் உபகரணங்களை வடிவமைக்க உந்தப்பட்டிருப்பர், ஏனெனில் வழக்கமான PSTN தொலைபேசி இணைப்பு நுகர்வோர்களின் வீடுகளில் நீண்டகாலத்திற்கு கிடைக்க வாய்ப்பு இல்லை எனக் கருதலாம்.

VoIP இன் பரவலாக வளர்ந்து வருவது மற்றும் PSTN இலிருந்து VoIP க்கு மாறும் பயனர்களின் எண்ணிக்கை அதிகரிப்பு ஆகியவற்றால், அரசாங்கங்கள் PSTN சேவைகளைப் போலவே VoIP யையும் ஒழுங்குபடுத்த ஆர்வம் காட்டுகின்றனர்,^[53].

மற்றொரு சட்டச் சிக்கலாக U.S. மாகாண சபை வெளிநாட்டு இண்டெலிஜென்ஸ் மேற்பார்வைச் சட்டத்தில் திருத்தம் மேற்கொள்வது பற்றிய விவாதங்கள் மேற்கொண்டு வருகின்றனர். அமெரிக்கர்கள் மற்றும் வெளிநாட்டினர் இடையே அழைப்புகளே கேள்விக்குரிய விவகாரமாக இருக்கின்றன. தேசிய பாதுகாப்பு நிறுவனம் (NSA) எந்த பிடியாணையும் இல்லாமல் அமெரிக்கர்களின் உரையாடலைப் பதிவு செய்வதற்கு அதிகாரம் அளிப்பதில்லை—ஆனால் இணையத்தில் குறிப்பாக வாய்ஸ் ஓவர் இண்டர்நெட் ப்ரோட்டாக்கால் அல்லது VoIP இல் அழைப்பவர் அல்லது அழைப்பைப் பெறுபவர்களின் இடத்தை பண்டைய தொலைபேசி முறையில் செய்வது போல தெளிவாகக்கண்டறிய முடியாது.^[54] VoIP இன் குறைந்த கட்டணம் மற்றும் நெசிழ் தன்மை ஆகியவற்றால் ஈர்க்கப்பட்ட பெரும்பாலான நிறுவனங்கள் இந்த தொழில்நுட்பத்தை பயன்படுத்துகின்றனர், தொலைபேசி அழைப்புகளைத் துருவிப் பார்க்கும் NSA வின் திறன் மட்டுமே தெளிவற்றதாக இருக்கிறது.^[55] VoIP தொழில்நுட்பமும் பாதுகாப்புக் கவலைகளை அதிரிக்கிறது, ஏனெனில் VoIP மற்றும் அது போன்ற தொழில்நுட்பங்கள் தொடர்புகள் தடைபடும் இடங்களில் தேவைப்படும் இடம் எங்கிருக்கிறது என்பதை அரசாங்கள் கண்டறிவது மிகவும் சிக்கலானதாக இருக்கிறது, மேலும் இவை புதிய சட்டச் சவால்களை உருவாக்கி உள்ளன.^[56]

அமெரிக்காவில், ஒருங்கிணைந்த தகவல்தொடர்புகள் கமிஷன் தற்போது அனைத்து VoIP சேவை வழுங்குநர்களும் பண்டைய தொலைத்தொடர்புகள் சேவை வழுங்குநர்களுடன் ஒப்பீட்டுத் தேவைகளுடன் உடன்பட்டு உள்ளிணைக்கப்பட்டிருக்க வேண்டும் எனக்கூறியுள்ளது. அமெரிக்காவில் உள்ள VoIP ஆப்பரேட்டர்கள் உள்ளூர் எண் இடம்பெயர்வு, உடல் குறைபாடு உள்ளவர்களும் சேவையை அணுகுவதற்கு அனுமதித்தல், தொடர்ந்து கட்டணங்கள் செலுத்துதல், உலகளாவிய சேவையில் பங்கு பெறுதல் மற்றும் மற்ற கட்டாயமான கட்டணங்கள் போன்றவற்றை ஆதரிக்க வேண்டும்; மேலும் சட்ட அமலாக்கத்துக்கான தொடர்புகள் உதவி சட்டத்தைப் (CALEA) பின்பற்றி கடும் மேற்பார்வை நடத்துவதற்கு சட்ட அமலாக்க உறுதிகளை சாத்தியப்படுத்த வேண்டும். "உள்ளிணைக்கப்பட்ட" VoIP ஆப்பரேட்டர்களும் மேம்படுத்திய 911 சேவையை வழங்க வேண்டும், அவர்களது நுகர்வோர்களுக்கு E-911 செயல்பாடுகளில் ஏதேனும் கட்டுப்பாடுகள் விதித்திருந்தால் அதை அவர்களுக்குத் தெரியப்படுத்த வேண்டும், மேலும் நுகர்வோர்கள் அனைவரிடமும் அவர்கள் இந்த தெரியப்படுத்தலை ஏற்றுக்கொண்டதற்கான உடன்பாட்டு ஆவணத்தைப் பெற வேண்டும்.^[57] VoIP ஆப்பரேட்டர்கள் ஒரு உள்ளிணைப்புக்கான உரிமை மற்றும் ஒட்டுமொத்த எடுத்துச் செல்பவர்கள் வழியாக பொறுப்புள்ள உள்ளூர் பரிமாற்றம் எடுத்துச்செல்பவர்களுடன் போக்குவரத்துப் பரிமாற்றம் உள்ளிட்ட U.S. தொலைத்தொடர்புகள் சீர்படுத்தலின் சில நன்மைகளைப் பெறுவார்கள். தங்கள் பயனரின் முகவரியைக் கண்டறிய இயலாத "நிலையற்ற" VoIP சேவை வழுங்குநர்கள் மாநில தொலைத்தொடர்புகள் சீர்படுத்தலில் இருந்து விலக்களிக்கப்படுகிறார்கள்.^[58]

வளர்ந்துவரும் உலகம் முழுதும், சீர்படுத்தல் பலவீனமாக உள்ள அல்லது ஆதிக்கம் செலுத்தும் சக்திகளால் கைப்பற்றப்பட்ட நாடுகளில் VoIP பயன்படுத்துவதற்கு கட்டுப்பாடுகள் விதிக்கப்பட்டுள்ளது, குறிப்பாக பனாமாவில் VoIP வரிக்குட்பட்டது, குயானாவில் VoIP தடை செய்யப்பட்டிருக்கிறது மற்றும் இந்தியாவில் நீண்ட தொலைவு சேவைக்கு மட்டும் அதன் சில்லரை விற்பனைக்கு அனுமதிக்கப்பட்டுள்ளது.^[59] எத்தியோப்பியாவில் அந்நாட்டு அரசாங்கம் தொலைத்தொடர்பு சேவையைத் தன்வசம் வைத்துள்ளது, VoIP பயன்படுத்தி சேவைகள் வழங்குவது அங்கு சட்ட விரோதச் செயலாக இருக்கிறது. அந்நாட்டில் VoIP பயன்படுத்தி சர்வதேச அழைப்புகள் செய்வதைத் தடுக்க ஃபயர்வால்கள் அமைக்கப்பட்டுள்ளது. VoIP இன் பிரபலத்திற்கு பிறகு அந்நாட்டுக்குச் சொந்தமான தொலைத்தொடர்பு நிறுவனத்தின் வருமானம் குறைந்ததை அடுத்து இந்தக் கட்டுப்பாடுகள் மேற்கொள்ளப்பட்டன.

ஐரோப்பிய ஒன்றியத்தில், VoIP சேவை வழங்குநர்களைக் கையாளுதல் மாநிலத்தின் தேசிய டெலிகாம்ஸ் சீரமைப்பின் ஒவ்வொரு உறுப்பினர்களின் முடிவைப் பொறுத்து இருக்கிறது, அவர்கள் தகுந்த தேசிய சந்தையை வரையறுக்கப் போட்டிச் சட்டத்தைப் பயன்படுத்த வேண்டும், மேலும் பின்னர் அந்த தேசிய சந்தையில் "குறிப்பிடத்தக்க சந்தை ஆற்றல்" (மற்றும் சில தவிர்க்க முடியாத ஆற்றல்களும் இருக்க வேண்டும்) உள்ள சேவை வழங்குநரைத் தீர்மானிக்க வேண்டும். நிர்வகிக்கப்பட்ட நெட்வொர்க்குகளில் (அகலப்பட்டை இணைப்புகள் வழியாக) செயல்படும் VoIP சேவைகள் மற்றும் நிர்வகிக்கப்படாத நெட்வொர்க்குகளில் (முக்கியமாக இணையம்) செயல்படும் VoIP சேவைகள் இவற்றுக்கு இடையே ஒரு பொதுவான வேறுபாடு உருவாக்கப்படுகிறது.

நிர்வகிக்கப்பட்ட நெட்வொர்க்குகளில் செயல்படும் VoIP சேவைகள் பொதுவாக PSTN தொலைபேசி சேவைகளுக்கான (மின் தடை மற்றும் புவியியல் சார் தகவல் குறைபாடு போன்றவை இருந்த போதும்) மாற்றாய் செயல்படக்கூடியதாகக் கருதப்படுகிறது; அதன் விளைவாக, இந்த சேவைகள் வழங்கும் பெரும்பாலான ஆப்பரேட்டர்கள் (நடைமுறையில், பொறுப்புள்ள ஆப்பரேட்டர்கள்) விலைக் கட்டுப்பாடு அல்லது கணக்குப் பிரித்தல் போன்றவற்றுக்கு உடன்படுபவர்களாக இருக்கலாம்.

நிர்வகிக்கப்படாத நெட்வொர்க்குகளில் செயல்படும் VoIP சேவைகள் பொதுவாக PSTN தொலைபேசி சேவைகளுக்கான மிகவும் குறைந்த தரமுடைய மாற்றாய் செயல்படக்கூடியதாகக் கருதப்படுகிறது; அதன் விளைவாக, சேவை வழங்குநர் "குறிப்பிடத்தக்க சந்தை ஆற்றல்" கொண்டவராக இருந்தாலும், அவர் எந்த குறிப்பிட்ட உடன்பாடுகளும் வழங்காமல் இருக்கலாம்.

உடன்பாடுகளைத் தெளிவாக வரையறுக்கும் தகுந்த EU உத்தரவு இல்லை, அது சந்தை ஆற்றலைச் சாராததாக்கி உள்ளது (எ.கா., அவசரகால அழைப்புகளை அணுகுவதற்கான சலுகைக்கான உடன்பாடு), மேலும் சேவை வழங்குநர்கள் இந்த இரண்டு பிரிவில் ஒருவராகத்தான் இருக்கிறாரா அல்லது இரண்டு பிரிவும் இணைந்து இருக்கிறாரா என்பதை வரையறுத்துச் சொல்வது இயலாததாகும். EU உத்தரவின் ஒரு மதிப்பீடு செயல்பாட்டில் இருக்கிறது மற்றும் அது 2007 க்குள் முடிக்கப்பட வேண்டும்.

இந்தியாவில், VoIP ஐ பயன்படுத்துவது சட்டப்பூர்வமானது, ஆனால் இந்தியாவுக்குள் VoIP நுழைவாயில்கள் வைத்துக்கொள்வது சட்டவிரோதமானது. இதன்படி PCக்கள் வைத்திருக்கும் மக்கள் எந்த எண்ணுக்கு வேண்டுமானாலும் VoIP ஐ பயன்படுத்திக் கொள்ளலாம், ஆனால் ஒரு சாதாரண தொலைபேசி இருக்கும் நுழைவாயிலில் VoIP அழைப்பை ஒரு POTS அழைப்பாக இந்தியாவுக்குள் மாற்றம் செய்து பயன்படுத்தக்கூடாது.

UAE இல், VoIP ஐ எந்த வடிவத்தில் பயன்படுத்தினாலும் அது சட்டவிரோதமானது ஆகும், இதன் விரிவாக்கமாக அங்கு ஸ்கைப் மற்றும் கிஸ்மோ5 போன்ற வலைத்தளங்கள் தடை செய்யப்பட்டுள்ளன.

கொரியக் குடியரசில், அரசாங்கத்தால் அங்கீகரிக்கப்பட்ட வழங்குநர்கள் மட்டுமே VoIP சேவைகளை வழங்குவதற்கு அனுமதிக்கப்படுகிறார்கள். பெரும்பாலும் நிர்ணயிக்கப்பட்ட தொகையில் சேவை வழங்கிவரும் மற்ற பல VoIP வழங்குநர்களைப் போலல்லாமல், கொரிய VoIP சேவைகள் பொதுவாக மீட்டர் அளவு மூலம் மற்றும் டெரிஸ்ட்ரியல் அழைப்பு போலவே கட்டணம் வசூலிக்கப்படுகிறது. வோனேக் போன்ற வெளிநாட்டு VoIP வழங்குநர்கள் அரசாங்க அங்கீகாரத்திற்கு தடை விதிக்கக் கோரி சச்சரவில் ஈடுபட்டுள்ளனர். இணைய சேவை வழங்குநர்கள் தனிப்பட்ட இணையச் சேவைகளை ஒப்பந்த அடிப்படையில் USFK தளங்களில் வசிக்கும் யுனைட்டட் ஸ்டேட்ஸ் ஃபோர்ஸஸ் கொரியா உறுப்பினர்களுக்கு வழங்கி இருந்தனர், USFK உறுப்பினர்கள் அமெரிக்காவில் உள்ள தங்கள் உறவினர்களுடன் தொடர்பு கொள்வதற்கு VoIP சேவைகள் மிகவும் குறைந்த செலவுடையதாக இருந்ததால் அதனை அடிக்கடி பயன்படுத்தினர், ஆனால் சேவை உறுப்பினர்களின் VoIP வழங்குநர்கள் அங்கீகாரம் பெறாதவர்களாக இருந்ததால் அவர்களது இணைப்பு சேவை 2006 இல் தடைசெய்யப்பட்டது, அதனால் இந்தப் பிரச்சினை முக்கிய பிரச்சினை ஆனது. USFK மற்றும் கொரியன் தொலைத்தொடர்புகள் அலுவலர்கள் இடையே 2007 ஜனவரியில் சமரசம் செய்யப்பட்டது, அதன் படி ஜூன் 1, 2007 க்கு முன்பு வந்த USFK சேவை உறுப்பினர்கள் மற்றும் தளத்தில் வழங்கப்பட்ட ISP சேவை சந்தாதாரராக இருந்தவர்களுக்கு தொடர்ந்து அவர்கள் பயன்படுத்தி வந்த U.S.-சார்ந்த VoIP சந்தாவைப் பயன்படுத்த அனுமதிக்கப்பட்டது, ஆனால் பின்னர் வந்தவர்கள் கொரியன் சார்ந்த VoIP வழங்குநரையேப் பயன்படுத்த வேண்டும், அதில் U.S. VoIP வழங்குநர்கள் வழங்கிவந்த நிர்ணியிக்கப்பட்ட கட்டணம் முறையிலேயே இவர்களும் ஒப்பந்தம் செய்துகொண்டனர்.^[60]

ஜப்பானில், IP telephony (IP電話, IP Denwa ^?) என்பது VoIP தொழில்நுட்பம் பயன்படுத்தப்பட்ட ஒரு சேவையாக உள்ளது, இங்குள்ள ஒரு பகுதி அல்லது மொத்த தொலைபேசி இணைப்புகளும் இந்த சேவை செயல்படுத்தப்பட்டுள்ளது. 2003 இல் இருந்து, IP தொலைபேசி சேவைகளானது தொலைபேசி எண்களை அளிக்கிறது. IP தொலைபேசி சேவைகள் வீடியோதொலைபேசி/வீடியோ கலந்துரையாடல் சேவைகள் உள்ளிட்டவைகளை அடிக்கடி இணைத்து வழங்குகிறது. தொலைத்தொடர்புத் தொழில் சட்டப்படி, IP தொலைபேசியின் சேவை முறை இணையத்தின் வழியாக எந்தத் தொலைபேசி எண்களை வழங்காததையும் சுட்டிக்காட்டுகிறது.

IP தொலைபேசி என்பது அடிப்படையாக மினிஸ்டரி ஆப் அபயர்ஸ் அண்ட் கம்யூனிக்கேசனால்(MIC) என்ற தொலைத்தொடர்பு சேவையாக ஒழுங்குபடுத்தப்படுகிறது. வாடிக்கையாளர்களிடம் ஒப்பந்தம் செய்யும் முன்பு ஆப்பரேட்டர்கள் அவர்களுடைய தரம் மற்றும் ஏனைய தகவல்களை வெளியிட வேண்டும், மேலும் அவர்களது குறைளை இதயபூர்வமாக எதிர்கொண்டு உதவ வேண்டும்.

பல ஜப்பானிய இணையச் சேவை வழங்குபவர்கள் (ISP) இந்த IP தொலைபேசி சேவைகளைக் கொண்டுள்ளனர். "ITSP (இணைய தொலைபேசி சேவை வழங்குபவர்)" எனவும் அழைக்கப்படும் IP தொலைபேசி சேவையையும் ISP வழங்குகிறது. சமீபத்தில், ADSL அல்லது FTTH சேவைகளின் இணைப்பில் விருப்பங்கள் அல்லது நிலைத்த விற்பனைகளால் ITSP களுக்கு இடையே போட்டி தொடங்கியது.

பொதுவாக ஜப்பானிய IP தொலைபேசியில் அளிக்கப்படும் பட்டியல் அமைப்பு கீழே விவரிக்கப்பட்டுள்ளது;

• அதே குறிப்பிட்ட அமைப்பைச் சார்ந்த IP தொலைபேசி சந்தாதாரர்களுக்கு இடையேயான அழைப்பு வழக்கமாக கட்டணமின்றி இலவசமாக வழங்கப்படுகிறது.
• IP தொலைபேசி சந்தாதாரர்களிடம் இருந்து நிலையான இணைப்பு அல்லது PHS அழைப்புக்கு வழக்கமாக நாடு முழுவதும் ஒரேமாதிரியான நிலையான விலை நியமிக்கபட்டுள்ளது.

ITSP களுக்கு இடையில் உள்தொடர்புகள் அதிகமாக VoIP மட்டத்திலே கவனிக்கப்படுகிறது.

• வழக்கமான தொலைபேசி எண்ணாக (0AB-J) வழங்கப்பட்டிருக்கும் IP தொலைபேசியில், இதன் உள்தொடர்புகளுக்கான கட்டுப்பாடு வழக்கமான தொலைபேசியைப் போன்றே கருதப்படும்.
• IP தொலைபேசியானது ஒரு குறிப்பிட்ட தொலைபேசி எண்ணுக்கு வழங்கப்பட்டிருக்கும் போது(050), அதற்கான உள்தொடர்பு கட்டுப்பாடு கீழே வழங்கப்பட்டுள்ளது;
  • சிலநேரங்களில் உள்தொடர்புகளுக்கு கட்டணம் விதிக்கப்படும். (சில நேரங்களில், இவை இலவசமாகவும் இருக்கும்.) இலவசக் கட்டணமாக இருக்கும் போது, அதிமாக, தொடர்பு நெரிசல்கள் P2P வழியாக மாற்றப்பட்டு அதே VoIP தரத்துடன் இணைக்கப்படும். இல்லையெனில், VoIP நுழைவாயில் அதன் செயல்பாட்டுச் செலவை நிறைவு செய்ய சில நேரங்களில் குறிப்பிட்ட உரையாடல்கள் தேவைப்படும்.

செப்டம்பர் 2002 இல் இருந்து, MIC, IP டெலிபோனி தொலைபேசி எண்களை வழங்கியது, அதன் கட்டுப்பாடாக அதன் சேவைக்கு குறிப்பிட்ட தரவகை தேவைப்பட்டது.

வழக்கமாக 050 வில் ஆரம்பிக்கும் இலக்கங்களுக்கு உயர்ந்த-தரமுள்ள IP டெலிபோனியே தொலைபேசி எண் வழங்கியது. VoIP தரம் மிகவும் அதிகமாக இருக்கும் போது வாடிக்கையாளர் அவரது வழக்கமான தொலைபேசிக்கும் இதற்கும் இடையில் உள்ள வேறுபாட்டை பகுத்தறிய முடியாமல் போகிறது, மேலும் வழங்குபவர்கள் எண்களை இடத்துடன் ஒப்பிடும் போது வழக்கமான தொலைபேசி எண்ணுக்கு அவசர அழைப்பு வசதிகள் தொடர்பு வழங்க வழங்குநரால் அனுமதிக்கப்படுகிறது, இது "0AB-J" எண் என அழைக்கப்படுகிறது.

• இணையவழி ஒலி பரிமாற்றம் திறந்த ஆவணத் திட்டத்தில்