கௌதாரி

வெள்ளை கறுப்புப் பட்டைகளுடன் காப்பி நிறப் பொட்டுகள் கூடிய முதுகினையும் மெல்லிய கருநூற்கோடுகளிட்ட பழுப்பு மார்பும் சிவந்த மார்பும் கொண்டிருக்கும். இவை புறாவை விட���ும் சிறிது பருத்துக் காணப்படுகின்றன.^[3]

வயற்காடுகளில் தானியங்களைப் பொறுக்கியும் கறையான்களையும் வண்டுகளையும் உண்ணும்.^[4]

வேகமாகப் பறக்கவியலும் என்றாலும் பெரும்பாலும் பூமியிலேயே ஓடியாடும். அபாயம் ஏற்பட்டாலும் ஓடி ஒளிந்தே தப்ப முயலும். வேறு வழியில்லை என்றால் மட்டுமே பறக்கும்.^[3]

இப்பறவைகள் வாழும் இடங்களில் தரையில் தானியத்தினைத் தூவி வலை விரித்து வைத்து நரிக்குறவர்கள் அவற்றைப் பெருமளவில் பிடித்து சந்தைகளில் விற்பார்கள். வனவிலங்குப் பாதுகாப்புச் சட்டம் வந்த பின் இவற்றின் வியாபாரம் அவ்வளவு வெளிப்படையாக நடைபெறுவதில்லை. இவற்றின் மாமிசத்திற்காகவே இவை பிடிக்கப்படுகின்றன. இந்தப் பறவைகள் மனிதர்களைக் கண்டால் பயத்தில் ஓடி ஒளிந்திடும். பறக்கும் போது அதிக உயரத்தில் பறக்காது. இவை பறக்கும் போது புறாக்களைப் போன்றே பட படவென இறக்கைகள் அடிப்பதின் சத்தம் கேட்கும்.{{citation needed}}

பூச்சிக்கொல்லிகளாலும், உணவுக்காவும் இப்பறவைகள் வெகுவாக அழிக்கப்பட்டு வருகின்றன. கடந்த 20 ஆண்டுகளாக நடத்தப்பட்ட ஆய்வில் 20 சதவீதம் பறவைகள் அழிந்துவிட்டன. தற்போது இவை 10,000 எண்ணிக்கையில் தான் வாழுகின்றன. இவற்றில் ஆண்டுக்கு 10 சதவிதம் அழிக்கப்பட்டு வருகிறது.^[5]

1. ↑ "Francolinus pondicerianus". பன்னாட்டு இயற்கைப் பாதுகாப்புச் சங்கத்தின் செம்பட்டியல். பன்னாட்டு இயற்கைப் பாதுகாப்புச் சங்கம். பார்க்கப்பட்ட நாள் 16 மார்ச் 2019. {{cite web}}: Check date values in: |accessdate= (help)^{[தொடர்பிழந்த இணைப்பு]}
2. ↑ indiabirds.com^{[தொடர்பிழந்த இணைப்பு]}
3. ↑ ^{3.0 3.1} மா. கிருஷ்ணன் - தமிழ் இணையக் கல்விக்கழக கலைக்களஞ்சியத்தில் உரை
4. ↑ Jerdon, T C (1864). The Birds of India. Vol 3. George Wyman & Co. pp. 569–572.
5. ↑ அழிந்துவரும் பறவைகள் பட்டியலில் கவுதாரி: இயற்கை பாதுகாப்பு அமைப்பு வேதனைதி இந்து தமிழ் 9 நவம்பர் 2016