ෂේන් වෝඩ්

ෂේන් තෝමස් වෝඩ් (1984 ඔක්තෝබර් 16, එංගලන්තයේ මැන්චෙස්ටර් හිදී) අයර්ලන්ත-ඉංග්‍රීසි පොප් ගීත ගායකයෙකු වන මොහු එක්ස්-ෆැක්ටර් දෙවන තරඟාවලියෙන් දිනුම ලැබූ අයෙකි. මිලියන 3කට අධික පිටපත් සංඛ්‍යාවක් අලෙවි කිරීමට සමත්වූ මොහු, රටවල් 9ක හොඳම ගීත ඇල්බමය හා හොඳම ගීතය වීමටද වාසනාව උදා කරගත්තෙකි.

ඔහුගේ පළමු තනි පුද්ගල ගීතය - "That's My Goal", 2005 දෙසැම්බර් 21 වනදා එංගලන්තයේදී නිකුත් කෙරිනි. එය දෙසැම්බර් 31 වන විට අංක 1 ගීතය වී තිබිණි. එහි පිටපත් 313,000ක් එය විකිණූ පළමු දිනයේදීම විකිණීමට හැකිවුණි.

මාටින් සහ ෆිලොමිනා යන අයර්ලන්ත යුවලට දාව 1984දී ක්ලේටන් හිදී උපත ලැබූ ෂේන් ට නිවුන් සොයුරියක් වන එමා ද, තවත් සොයුරු සොයුරියන් 5 දෙනෙක්; මාක්, මාටින්, මයිකල්, ලීසා සහ ලියෝනා සිටිත්.

2004 සිට ෂේන් හා ෆේයි මැක්කීවර් අතර සමීප සම්බන්ධකමක් තිබේ.

* Shayne Ward (2006)
* Breathless (2007)
* Obsession (2010)