ඉන්දියා ජාතික ක්‍රිකට් කණ්ඩායම

ටීම් ඉන්ඩියා සහ මෙන් ඉන් බ්ලූ ලෙසින්ද හැඳින්වෙන, ඉන්දියානු ක්‍රිකට් කණ්ඩායම, ජාත්‍යන්තර ක්‍රිකට් ක්‍රීඩාව තුල ඉන්දියාව නියෝජනය කරයි. ඉන්දියා ක්‍රිකට් පාලක මණ්ඩලය වෙතින් පාලනය වන එය, ජාත්‍යන්තර ක්‍රිකට් කවුන්සිලයෙහි ටෙස්ට්, එක්දින සහ විස්සයි20 තත්ත්වයන් සහිත පූර්ණ සාමාජිකයෙකි.

ඉන්දියාව

ගොනුව:Cricket India Crest.svg ඉන්දියානු ක්‍රිකට් ලාංඡනය
පුද්ගලයෝ
නායකයා	රෝහිත් ශර්මා
පුහුණුකරු	රාහුල් ඩ්‍රාවිඩ්[1]
ඉතිහාසය
ටෙස්ට් තත්ත්වය අත්පත්කරගත්තේ	1932
ටෙස්ට් තරග
පළමුවන ටෙස්ට් තරගය	එංගලන්තයට එරෙහිව ලන්ඩන් හිදී 25–28 ජූනි 1932
එක්-දින ජාත්‍යන්තර
පළමුවන එදිජා	එංගලන්තයට එරෙහිව ලීඩ්ස් හිදී 13 ජූලි 1974
වි20 ජාතළුන්තර
පළමුවන වි20ජා	දකුණු අප්‍රිකාවට එරෙහිව ජොහැන්නස්බර්ග් හිදී 1 දෙසැම්බර් 2006
1වන නිල ඇඳුම 2වන නිල ඇඳුම 3වන කට්ටලය

18වන සියවසෙහිදී යුරෝපියානු වෙළෙඳ නාවිකයන් විසින් ක්‍රිකට් ක්‍රීඩාව ඉන්දියාවට හඳුන්වා දෙමින් 1792 වසරෙහිදී ඉන්දියාවෙහි පළමු ක්‍රිකට් ක්‍රීඩා සමාජය කොල්කටා නගරයෙහිදී පිහිටුවනු ලැබුවත්,^[2] ඉන්දියාවේ ජාතික ක්‍රිකට් කණ්ඩායම විසින් එහි පළමු ටෙස්ට් තරගය ලෝඩ්ස් ක්‍රීඩාංගණයෙහිදී ක්‍රීඩා කිරීම 1932 ජූනි 25 දින තෙක් පමාවී සිදුවූ අතර, ටෙස්ට් තත්ත්වය පිරිනැමුනු හයවන කණ්ඩායම එය විය. එය විසින් ජාත්‍යන්තර ක්‍රිකට් ක්‍රීඩාවෙහි නියුතු වූ පළමු වසර පනහ තුල, දුර්වල කණ්ඩායම් අතරින් එකක් බවට ඉන්දියාව සැලකුණේ එය ක්‍රීඩා කළ පළමු ටෙස්ට් තරග 196 අතරින් තරග 35 ක් පමණක් එය විසින් දිනා ගත් නිසාය. එහි පළමු ටෙස්ට් ජයග්‍රහණය සඳහා, 1932 වසරෙන් පසුව 1952 වසර දක්වාම, එනම් දළ වශයෙන් වසර 20 ක් පොරොත්තු වීමට ඉන්දියාවට සිදු විය. කෙසේවෙතත්, 1970 ගණන් වලදී සුනිල් ගවස්කාර් සහ ගුන්දප්පා විශ්වනාත් වැනි පිතිකරුවන්, තුන්-ඉරියව් ක්‍රීඩක කපිල් දේව් සහ ඉන්දියානු දඟ පන්දු චතුරංගිකය වූ ඉරාපලි ප්‍රසන්නා, ශ්‍රීනිවාසරාඝවන් වෙන්කටරාඝවන්, භගවත් චන්ද්‍රසේකර් සහ බිෂන් සිං බේදි වැන්නන්��ේ සම්ප්‍රාප්තිය හා සමගම එය වඩාත් ශක්තිමත් කණ්ඩායමක් බවට පත් විය.