San Liuni Luca

Appi lu stissu nomu dû patri, Liuni; la matri si chiamava Teotista. Ricivìu l'educazzioni dâ scola e dî parrina di ritu grecu. A vint’anni si vinnìu tutti li sò cosi e si nni ivu ô Munastèriu basilianu di San Fulippu d’Aggira (EN). Supra cunsigghiu di l’Abati, passò ‘n Calabbria e fici un pilligrinaggiu a Roma pi vinirari li Santi Apostoli Petru e Paulu. Si stabilìu doppu nô Munasteriu di S. Maria di Vina, e appoi a Muntiliuni. Prijava, facìa pinitènzia e travagghiava; addivintò mònacu basilianu e si vosi chiamari Luca. Aiutava li bisugnusi, li puviredda, li malati, li scunsulati. L’Abati Cristofuru ci detti la guida dâ Cumunitati. Avìa già cent’anni e lu primu di marzu dû 915 desi l’arma a Diu. Fu sùbbitu nvucatu comu Santu e sippillutu vicinu a Crèsia di Santa Maria Maggiuri, unni oj c’è la Matrici di Vibbu Valentia didicata a Madonna e a San Liuni Luca. Fu chiamatu accussì nô XIII sèculu pi nun cunfunnìrilu cu àutri Santi di nomu Liuni o Luca. Ntô 1575 fu pruclamatu Patronu di Curliuni e ntô 1600 di Vibbu Valentia.

Nti l'annu 2006, nnô paisi di San Grigoriu d’Ippona foru attruvati li sò Riliquii.

• La vita dû santo ntô situ Santi e beati