Giancarlo Camolese

Giancarlo Camolese (San Mò, 25 fërvé 1961) a l'é stàit un fotbaleur piemontèis antramentre che al di d'ancheuj a l'é antreneur dël Turin an Serie A.

Sénter-campista chërsù ant l'Union Sportiva San Mò a l'é peui passà al Turin dël 1974. An soa cariera a l'é peui butasse le maje ëd Bielèisa, Reggina, Lissandria, lassio, Padova, Vicenza, Taranto e, a la fin ëd soa cariera, ëd la Savijanèisa anté che a l'ha tacà a antrené ij giovo.

Ant la stason 2000-01 a l'ha tacà a antrené 'l Tòr e, da j'ùltime posission ëd la classificassion a l'ha portalo an Serie A an ruvand prim. Al prim ann ëd Serie A a l'é qualificasse për la Copa intertoto ma a l'é peui stàit slontanà ant l'otóber dël 2002.

Dël 2003-04 a l'ha antrenà la Reggina an Serie A an giutand-la a evité la degradassion. Dël 2005 a l'é passà al Vicenza antramentre che ai 10 d'otóber dël 2007 a l'ha ancaminà na neuva esperiensa al Livorno durà pòchi mèis.

Dal mars dël 2009 a l'é torna l'antreneur dël Tòr an Serie A al pòst ëd Walter Novellino.