Todschlachagumend

Ähnlisch wie zum Baischbiel baim Argumentum ad hominem, Argumentum ad personam odda Argumentum ad populum unn Argumentum ad verecundiam babbldma midd Todschlachagumend unn ä Killaphrase absichdlisch newede Sach middm Ziel, Gschbräschddailnehma efach mundtod zu mache. Des soll a s'Nochdeng'ge iwwa Lesunge vahinnare unn's'soll alles so blaiwe, wies schun isch. Die Phrase vaschdeggln des awwa b'wussd.

Des gehd so, dassma midd denne Phrase jedn Widdaschbruch vahinnere will (alla, „todschlache“) odda a wie middna Newelkerz vum aischendlsiche Thema ableng'ge will. Wie baim „Argumentum ad hominem“ konns a zum Herabsedze vunde Laid kumme ums Ziel zu erraische.

Todschlachagumend unn Killaphrase werren zum Baischbiel oigsezd, wonns Zwaifel gibd, obma de Geschna irschendwie iwwazaische odda iwwaredde konn unnma uubedingd de aischene Schdondpungd jeds grad durschsedze odda die aischene Indaresse schidze will.^[1]

Die Meike Müller^[2] unnaschaid segs Aade vunn Killaphrase nochde domid vabunnene Absischde.

• B'harrungs-Killaphrase solln Vaännarunge vahinnere. (Baischbiel: „Des hawwema schun imma so g'machd.“ odda „Isdch seh do kän Fehla, indem was isch g'sachd hab.“)
• Audorideds-Killaphrase driggen ä Iwwaleschnhaidsgfiehl aus, des Oischischdere soll. (Baischbiel: „Wie ofd muss isch des donn noch saache: Des laafd so nedd!“)
• Bessawissa-Killaphrase werren vun Laid oigsedzd, wu sisch fa intelligenda als onnare haldn unn de onnare ihr Osischde uffdränge wolln. (Baischbiel: „Ich weeß schun, wie des ended.“, „Des braugschsdma nedd zu saache.“, „Braugschd ganedd waide redde.“)
• Bedeng'gedräscha-Killaphrase driggen ä Ongschd vor Vaännarunge aus. (Baischbiel: „Dss solldema liewa (soi) losse. Mir wollen uns doch nedd die Finga vabrenne.“)
• Vadaachungs-Killaphrase solln aus Ongschd vor Fehla, Endschaidunge vahinnare odda vazeschere. (Baischbiel: „Noch moina Määnung isch die Zaid do'd'vor noch nedd raif.“)
• Ogriffs-Killaphrase sind offene, persönliche Angriffe. (Baischbiel: „Tipisch Meier!“ oder „Tipisch was a imma!“)

Onnare Varionde sinn:

• Bschaidehaids-Killaphrase suggariern, dass des vorgschlachene Vorhawe so nedd gmachd werre konn. (Tipisch: „Mir sinn doch nedd die Royal Bank of Scotland!“)
• Vorwurfs-Killaphrase sollnde Oschbreschpadna middem gons allg'moine Vorwurf mundtod g'machd werre. (Tipisch: „Do heddense awwa mol bessa zuhere solle!“)
• Abwerd'nde Killaphrase gejen gesche die Person (gugsch a uff Argumentum ad hominem unn Argumentum ad personam): „Des isch jo e glaa.“, „Des weeß doch jedes Kind.“ odda noch valedzenda „Des weeß doch jeda Idiod.“ odda allg'moin „Des inderesierd (doch) kenna.“ unn nochgschowe „Des wissd isch awwa, wonn des jemond inderesiere ded.“

Die Phrase hawwn Mergmal, wuromase erkenne konn.

• Die Phrase komma faschd imma unn beliebisch oisedze.
• Ma nimmds Ergewnis vum Gschbräsch schunmol vorwegg unn vasuchd domid glaa zu mache, dass des Gschbräsch aischendlisch uunedisch isch.
• Des hodd imma viel midd Valedzunge unn Herabsedze vum Gescheniwwa zu due.
• Ma beoiflussd de Gschräschsvalauf unn vahinnad de needisch Konsens fas inhaldlische Gschräsch und valachads uff ä Grundsadzg'laawa.
• Die Phrase komma nedd logisch widdaleesche, womiddse rhetorisch de Oindrugg erweggen, dasse fas Thema wisdchdisdch sinn, was awwa nedd de Fall isch, dose kän Inhald hawwn.

Ma iwwagehd do de Pungd, dass so Phrase wedda belesch- noch widdaleschba sinn unn schun deswesche fa die Sach nigs bringn unn dass do Vorliewe unn aischene Mähnunge drinschdeggn, awwa kän Inhald.

Todschlachagumend kennen a nedd hinafrochd odda schunschdwie inhaldlisch b'hondeld werre, wailse ewe s'Gschbräsch uffs Grundsadzg'laawa bringen, was awwa rhetorischi Fähischkaide brauchd. Korz, des b'hinaad Vasuch Broblem zu leese, awwa schderd a die Bziehunge vunde Laid unnanonda. Des isch insgsomd ä Aad vunde „gwaldsome Kommunikation“ unn widdaschbreschen de Grundseds vunde Teamfähischkaid.

B'liewbd isch a schdaag zu iwwadraiwe odda s'in die Näh vun ebbes uubequemen zu rigge um zu polarisiere unn so s'Gschbräsch a widda weg vum Inhald zu bringe. Ä Baisbiel isch die Ausach ebbes hodd NS-Näh, wus donn ofd zu Reschdferdischunge kummd vum aischdlische Thema ablengd.

Ma konn so Phrase als wasse sinn kennzaischne unn zuriggwaise, wasma donn a glaisch als Grundsads fas Gschbräsch feschdlesche solld. S'ignoriere konn a erfolgraisch soi, uff jede Fall derfma sisch nedd efach so druff oilosse. Ä subversives Vorgeje konn a erfolgraisch soi, womma de Laid de Bledsinn zaische konn.^[3]

Als Grundsads isch hilfraisch, dassma än vorbildlische Modarador hodd, wus Gschbräsch im Griff hodd unn die Reschle durschsedze dud, wus fade Workshops, Brainstorming etc. hodd. Efache Reschle sinn zum Baischbiel

• jeda derf ausredde
• känna unnabrischd
• alle heren a zu

Dodriwwa hodds edlische Unnasuchunge gewwe, wie zum Baisbiel s'Harvard-Konzept.^[4]

• „Des ded awwa de Rohme schbrenge“
• „Do hodds doch noch des Uerledischde, do solldema nix naijes ofonge“
• „Des komma unsare Zielgrubb nedd baibringe“
• „Dodro sinn schun gonz onnare gschaidad“
• „Daes hodd noch nie g'glabbd“
• „Des isch polidisch nedd koreggd“
• „Des isch doch ä Todschlachagumend“
• „S'gibd kä vaninfdischi Aldanadiv“
• „Des saachnse alle“
• „So schdehd des inde Biewl/im Koran/...“
• „Noch unsere wissenschafdlische Theorije gehd des nedd.“

• „Des hawwnma schun imma so gmachd!“
• „Des hawwnma awwa noch nie (so) gmachd!“
• „Do kennd jo jeda kumme!“ (die „drai Grundsetz vun unsara Vawaldung“ vum Karl August Bettermann,^[5] a als Beomde-Draisadz b'konnd)
• „Wail ischs saach!“
• „Des isch doch nix Naijes!“
• „Des hodd doch kän Sinn!“
• „Des isch Bledsinnn!“
• „Ah des sinn jo noch nedmol Färz mid Grigge“
• „Des ded jo noch schena soi!“
• „Des isch ewe/eefach/hald so.“
• „Do hodds nix onnares.“
• „So isch des efach bessa!“
• „Ja, na unn?“
• „Hawnse kä onnare Sorsche?“
• „Dodriwwa reddnma ä onnamol!“
• „Werrema nedd ofd erschd aus Schade gluch?“
• „Wer nedd fa uns isch, isch gesche uns!“
• „Unn domidd basda!“
• „Do komma hald mix mache!“
• „Hoschdwas, bischd a was!“
• „Dräämschd?“
• „Wir sinn do doch nedd bai Winschdawas! odda im Wunschdkonzerd“

• A nescire ad non esse
• Argumentum ad hominem
• Argumentum ad personam
• Argumentum ad populum
• Argumentum ad verecundiam

•  Charles Hutchison Clark: Brainstorming. Methoden der Zusammenarbeit und Ideenfindung. Verlag Moderne Industrie, 1973.
•  Antonia Cicero, Julia Kuderna: Clevere Antworten auf dumme Sprüche. Killerphrasen kunstvoll kontern; Powertalking in Aktion. Paderborn, 2001, ISBN 3-87387-455-5.
•  Meike Müller: Killerphrasen… und wie Sie gekonnt kontern. Verlag Eichborn, Frankfurt/Main 2003, ISBN 3-821-85564-9.
•  Hans-Jürgen Quadbeck-Seeger, Harald Böck: Das hat noch nie funktioniert. Die besten Killerphrasen von A wie „Aber“ bis Z wie „Zielgruppe“. Weinheim, 2005, ISBN 3-527-50197-5.
•  Hubert Schleichert: Wie man mit Fundamentalisten diskutiert, ohne den Verstand zu verlieren. Anleitung zum subversiven Denken. 4. Auflage. Beck, 2004, ISBN 978-3406511240.
• Zhou, Zilin Cidre, The Logical Fallacies in Political Discourse, 2018, Summer Research Program. 5.

• Chefspiegel – Killerphrasen: Katalog, Häufigkeit, Umgang
• Knill und Knill Kommunikationsberatung – Killerphrasen
• ZZL – Umgang mit Killerphrasen

1. ↑  Eberhardt Hofmann: Lassen Sie sich nicht manipulieren!. Moderne Verlagsges. Mvg, 2005, ISBN 978-3-636-07082-1, S. 17–19.
2. ↑ Meike Müller: Killerphrasen… und wie Sie gekonnt kontern.
3. ↑ Hubert Schleichert, 2004, Wie man mit Fundamentalisten diskutiert, ohne den Verstand zu verlieren: oder Anleitung zum subversiven Denken, C.H.Beck, ISBN-10: 3406511244, ISBN-13: 978-3406511240, 196 Seiten
4. ↑ * Roger Fisher, William Ury, Bruce M. Patton (Hrsg.): Das Harvard-Konzept. Der Klassiker der Verhandlungstechnik. Campus-Verlag, Frankfurt am Main / New York 1984; 24. Auflage ebenda 2013, ISBN 978-3-593-39920-1.
5. ↑ |Der Spiegel, Berufliches: Karl August Bettermann, 1960, Nr. 3 |Seiten: 63