Eukaryota

Los Eucariòtas (del grèc eu, verai e karuon, nuclèu) amasson quatre grands règnes del monde viu: los animals, los campairòls, las plantas e los protistas. Constituisson un grop fòrça larg d'organismes, uni- e pluricellulars, definits per lor estructura cellulara.Los eucariòtas possedisson, per oposicion als procariòtas (arqueobactèris e eubactèris) :

• d'organets, que devesisson l'espaci cellular en compartiments especializats, coma:
  • lo nuclèu (que conten l'ADN),
  • las mitocondrias, lo reticulum endoplasmic, l'aparelh de Golgi, los lisosòmas, los peroxisómas, los cloroplasts e las vacuòlas en çò de las plantas ;
• un citoesquelèt, compausat mai que mai d'actina e de miosina ;
• la facultat a realizar l'endocitòsi ;
• un ADN devesit en mantun cromosòmas;
• una division cellulara apelada mitòsi (amb intervencion dels centriòls e fusèl mitòtic) ;
• una vertadièra reproduccion sexuada.

• 
  L'espècia umana
• 
  Un paramèci
• 
  Falguièra

• 
  Un campairòl: Amanita muscaria