Uscladas e Riutòrt

Riutòrt, d'altitud pus bassa e situat sus una departamentala pus importanta, sembla un pauc pus important qu'Uscladas.

Usclada es probablament alh plural, Uscladas, coma Usclats del Bòsc o Usclats d'Erau, mas -s delh plural es mut en Bas-Vivarés. Per n'èsser segur, chaldriá conéisser las fòrmas ancianas. L'enquèsta sus plaça confirma l'idèa pr'aquò : [ys'kladɔs] a La Chalm Rafaièl ^[1].

Uscladas ven delh latin ustulata, meteis sens qu'en occitan, amb terra sosentendut ^[2], mas d'adjectiu, lo nom es sovent vengut nom en occitan (toponime frequent Las Uscladas). Se cremava la vegetacion per tal de faire rebrotar una èrba pus tendra ^[3], mas benlèu que lo mot èra tanben utilizat per faire una rompuda (un desboijatge). Las culturas e abitacions que venián d'un tal incendi podiá gardar lo nom delh mejan utilizat.

Coma per los autres Riutòrts, lo nom es format delh nom riu, delh latin rivus e de l'adjectiu tòrt, delh latin tortus ^[4]. Lo sens es de bon comprene, mas chau motivar lo nom. Riutòrt es alhs ajustants de Léger e delh riu de Prat Sauvatge (traduccion); aqueste es pas especialament tòrt, mas Léger fai una corba exactament en faça delh vialatge : chau donc supausar qu'es Léger, dejà un flume abondós, qu'es qualificat de riu, çò qu'es ni lo sens modèrne, nimai lo sens latin. La prononciacion a La Chalm Rafaièl es [riw'twɔr] ^[5].

Alh sègle XVIII, Uscladas èra parròquia annèxa (de Santa Aulalha probablament) e Riutòrd aviá una simpla chapèla. En 1793, la comuna èra dejà çò qu'es. Lo siti Cassini supausa una annexion de Riutòrt per Uscladas ^[6], mas aquò's una presentacion formala e Riutòrt foguèt benlèu pas jamai comuna.

• Abans la refòrma cantonala de 2014, aplicada en 2015, la comuna èra delh canton de Montpesat; es ara delh canton de Nauta Ardecha (Tuèis burèu centralizator).

modificar « persona »  v · d · m  Evolucion demografica Populacion comunala actuala (2013): , totala:
1793	1800	1806	1821	1831	1836	1841	1846	1851
350	308	596	462	536	558	493	545	474
1856	1861	1866	1872	1876	1881	1886	1891	1896
536	510	507	520	526	564	590	528	534
1901	1906	1911	1921	1926	1931	1936	1946	1954
472	431	449	390	317	321	339	273	432
1962	1968	1975	1982	1990	1999	2006	2007	2008
206	169	131	115	123	102	119	121	122
2009	2010
123 127	126 127
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE

• 2016 : 119

1. ↑ enquèsta Sivadon junh 2019
2. ↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 690
3. ↑ Bénédicte Boyrie-Fénié, Jean-Jacques Fénié, Toponymie des Pays Occitans, edicions Sud-Ouest, 2007, p. 219
4. ↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 568
5. ↑ enquèsta Sivadon junh 2019
6. ↑ http://cassini.ehess.fr/cassini/fr/html/fiche.php?select_resultat=38477

•   Portal de Vivarés
•   Portal de Lengadòc