Ràdio País

Ràdio País qu'estó creada en Bearn en 1983 au moment de la neishença de las ràdios libras.

Ràdio País que s'enten en Bearn, Shalòssa, Bigòrra, dens lo Gers : Astarac e Armanhac. Un sol e medish programa qu'ei difusat sus l'ensemble deu hialat.

Ràdio País qu'ei ua associacion segon la lei de 1901 animada per un bon centenat de benevòles.
Lo jornau e la tecnica son assegurats per professionaus : jornalistas qui an la carta de premsa e tecnicians.
L'equipa de Ràdio País que's constitueish, alavetz, de salariats e de benevòles qui tribalhan amassas per la bona marcha de la ràdio.

Ràdio País qu'ei gerida per ua federacion d'associacions. Lo son nom qu'ei "Federacion VIVRE AU PAYS Ràdio País", fondada en abriu de 1996. Qu'ei titulara de las 3 frequéncias d'emission (Bearn 89.8 - Bigòrra 101.5 - Gèrs 90.8. Las associacions federadas que son Ràdio País Bearn, Ràdio País Bigòrra e Ràdio País Gers. Qu'ei tanben difusada suu web escota dirècta a partir deu site de la ràdio sus Radio Ways.

Las miras de la federacion que son :
– promòver la lenga e la cultura d'òc en Gasconha peus mejans audiovisuaus.
– assegurar lo servici public de hèit de radiodifusion en occitan.
Qu'ei ua ràdio independenta e bilingua; lo 80% deus programas que son en occitan fin de 2012.
Qu'ei, uei, un mèdia estructurat e professionalizat de dimension regionau. Que s'escota per tot lo Sud de Gasconha.

Lo sièti sociau qu'ei fixat : ZA 117 - 2, carrèra màger - 64230 Puei de Lescar.
05 59 68 62 47 redaccion - estúdio

Membre fondator de la FIMOC.