Kurt Baldinger
Kurt Baldinger (Binningen, Soïssa, 17 de novembre de 1919 - Heidelberg, Alemanha, 17 de genièr de 2007) foguèt un lingüista e filològ soís. Faguèt de contribucions importantas en francés, en occitan e en gascon. Es l'autor d'un corpus d'occitan medieval e d'un corpus de gascon medieval. K. Baldinger considerava lo gascon coma lenga distinta de l'occitan, posicion mantenguda per l'Acadèmia de Sciènças de l'Universitat d'Heidelberg, on la soa equipa contunha d'amplificar lo corpus de gascon medieval amb la collaboracion d'equipas internacionalas, en particular americana (T. Field, Michigan, USA) e francesa (J.P. Chambon, París).
Biografia
modificarKurt Baldinger nasquèt en 1919 a Binningen, una vilòta pròcha de Basilea, dins una familha de classa mejana. Quand aviá 12 ans, son paire, un professor de l'ensenhament segondari moriguèt. Tre qu'obtenguèt lo bachelierat en 1938, comencèt a trabalhaar coma monitor d'educacion fisica dins un licèu de Nauta Engadina, e a l'encòp estudiava dins las Universitats de Genèva e de Basilèa. Se diplomèt coma professor dins las disciplinas de filologia germanica, de filologia francesa e d'istòria. En 1947 se maridèt amb Heidi Isler, e amassa aguèron 4 enfants. En 1948 obtenguèt son doctorat a l'Universitat de Basilèa gràcias a sa tèsi Kollektivsuffixe und Kollektivbegriff, ein Beitrag zur Bedeutungslehre im Französischen mit Berücksichtigung der Mundarten, jos la direccion del romanista Walther von Wartburg. Ne venguèt puèi son discípol e un de sos collaboradors principals dins l'elaboracion de son Diccionari Etimologic Francés.