Wikipèdia

Etnologia

L'etnologia (del grèc ancian: èthnos, «familha, estirp, pòble» e logía, «estudis») es una de las sciéncias socialas. Se basa dins la comparason sistematica de las societats, subretot a partir de las seunas practicas e cresenças. Entre los seus objectius i a la reconstruccion de l'istòria umana, la formulacion de leis sus la cultura e lo cambiament cultural, e la formulacion de generalizacions sus la natura umana.

Istòria

modificar

L'etnologia es un tèrme introduch per Alexandre-André-César de Chavannes en 1787, dins son òbra "Essai sur l'éducation intellectuelle: avec le projet d'une science nouvelle" amb lo sens "estudi dels grops umans", lo tèrme creat per Chavannes patiguèt amb lo temps de diferents cambis de sens, los erudits europèus anèron totjorn cap a una mai granda complexitat de çò que nomenavan lo pòbles "primitius" o pòbles "salvatges", que d'en primièr sonque se consideravan las formas simplas d'organizacion sociala e alara de descripcion e compreneson aisidas. Lo tèrme foguèt utilizat d'en primièr dins sa dimencion fisica, la sciéncia qu'estudia la classificacion de las raças, e mai tard, pendent lo sègle XX, designava l'ensems de las disciplinas qu'estudian las "societats primitivas".

L'etnografia que d'en primièr sonque estudiava las características etnicas de las populacions, en relacion a las diferéncias lingüisticas dels diverses grops umans, ara realiza subretot una observacion dirècta e la descripcion dels diverses grops umans, ofrís los seus resultats a l'etnologia qu'utiliza las donadas etnograficas de forma comparativa.

Ara la tendéncia es de donar a la descripcion etnografica una importància plan superiora al respècte del passat, aquel fach es motivat especialament per la naissença d'una concepcion textuala de l'etnologia, l’antropologia. La descripcion etnografica èra considerada coma un processus estrictament tecnic del trabalh de recerca, reculhir de "donadas" e "fachs" observables, la descripcion etnografica pren en compte ara la question de l'interpretacion de l'objècte etnografic, coma la perspectiva del subjècte observant e la dimension "dialogica", interaccion entre etnografe e "natiu", pendent lo trabalh in situ. Lo tèrme etnologia cambia ara encara de sens, segon las diferentas escolas academicas de la disciplina e del país d'ont ven, subretot lo Reialme Unit, França e los Estats Units d'America, corrents diferents que se basan en teorias e metòdes d'interpretacion de la realitat istorica dels grops umans plan sovent en contraste entre eles. Claude Lévi-Strauss conscient d'aquela situacion, o rebat dins la seuna òbra 1954 "Las sciéncias socialas dins l'educacion superiora" publicat per l'UNESCO, i reproducha dins Antropologia Estructural (1958), que contunha èsser encara un tèxte de referéncia.

Lo desevolopament de la recerca demostrèt qu'es gaire possible de separar l'etnologia, de l'antropologia e de l'istòria. Lo mond academic britanic parla en general d'antropologia sociala. En França, se dich etnologia sociala o l'antropologia sociala, als Estats Units d'America simplament antropologia, unissent atal totes los aspèctes: arqueologia, antropologia fisica, de la sociologia a l'antropologia culturala.

Etnológs

modificar

Vejatz tanben

modificar

Bibliografia

modificar
  • Francois GRESLE, Michel PANOFF, Michel PERRIN, Pierre TRIPIER, Dictionnaire des sciences humaines, PUF.
  • Jean POIRIER, Histoire de l'ethnologie, PUF, coll Que sais-je ? ; Histoire des Mœurs
  • Jean SERVIER, Méthode de l'ethnologie, PUF, coll Que sais-je ?
  • George Montandon, Traité d'ethnologie Cuturelle
  • Louis Dumont, Essais sur l'individualisme. Une perspective anthropologique sur l'idéologie moderne
  • Philippe Descola, Les lances du crépuscule : relations Jivaros. Haute-Amazonie
  • Claude Lévi-Strauss, Tristes Tropiques ; Le Regard éloigné
  • Jean Cuisenier, Les Noces de Marko: le rite et le mythe en pays bulgare
  • Louis Marin, Questionnaire d'ethnographie
  • SPERBER (Dan), Le Savoir des anthropologues, Paris, Hermann, 1982.
  • Marcel Mauss Esquisse d'une théorie générale de la magie, 1902.
  • Marcel Mauss Essai sur le don (publicat dins Sociologie et anthropologie), 1924.
  • Marcel Mauss Sociologie et anthropologie, recull de articles, prefaci de Claude Lévi-Strauss, 1950.
  • Marcel Mauss Manuel d'ethnographie, 1967.

Ligams extèrnes

modificar

Suls autres projèctes Wikimèdia :

Recuperada de « https://oc.wikipedia.org/w/index.php?title=Etnologia&oldid=2383906 »