Batalha d'Eylau

La batalha d'Eylau se debanèt lo 8 de febrier de 1807 dins lo nòrd de la Prússia Orientala dins lo corrent dei guèrras napoleonencas (guèrra de la Quatrena Coalicion). Opausèt l'armada francesa dirigida per Napoleon I^èr (65 000 òmes) a l'armada russa^[1] comandada de Bennigsen. Lo combat aguèt luòc dins de condicions climaticas catastroficas e foguèt fòrça saunós e indecís (entre 10 000 e 25 000 òmes per lei Francés e aperaquí 30 000 per lei Rus). Lei Francés capitèron de gardar lo contraròtle dau prat batalhier mai èran tròp afeblits per perseguir lei Rus. En causa de sei pèrdas respectivas, lei dos camps deguèron esperar plusors setmanas per tornar organizar sei tropas e leis operacions majoras conoguèron una pausa fins au mes de junh.