Rhône-Alpes
Rhône-Alpes er ein tidlegare fransk region søraust i Frankrike. Regionen hadde namn etter elva Rhône og Alpane. Frå 1. januar 2016 blei han del av den nye regionen Auvergne-Rhône-Alpes.
| Rhône-Alpes | |||
| region | |||
 | |||
|
|||
| Land |  Frankrike
| ||
|---|---|---|---|
| Departement | • Ain • Ardèche • Drôme • Isère • Loire • Rhône • Savoie • Haute-Savoie | ||
| Hovudstad | Lyon | ||
| Areal | 43 698 km² | ||
| Folketal | 6 399 927 (2013)[1] | ||
 Rhône-Alpes 45°44′25″N 4°49′10″E / 45.740186111111°N 4.8194472222222°E | |||
 Plassering av Rhône-Alpes i Frankrike.
| |||
| Wikimedia Commons: Rhône-Alpes | |||
Rhône-Alpes var den nest folkerikaste regionen etter Île-de-France, og er takka vere mange ulike næringsgreiner ein rik region. Alt frå landbruk i Ain til turisme i Alpane og høgteknologisk kompetanse i Lyon og Grenoble medverka til å styrka økonomien i regionen.
Geografi
endreRhône-Alpes ligg aust i Frankrike. I nord ligg dei franske regionane Bourgogne og Franche-Comté, i vest ligg regionen Auvergne, i sør ligg Languedoc-Roussillon og Provence-Alpes-Côte d'Azur. Dei austlege delane av regionen inneheld dei vestlege delane av Alpane og grensar til Sveits og Italia. Den høgaste toppen er Mont Blanc. I dei sentrale delane av regionen ligg dalane til Rhône og Saône. Desse to elvane renn i hop i Lyon. I dei vestlege delane av regionen er byrjinga av fjellrekkja Massif Central. Regionen grensar òg til Genfersjøen og Annecysjøen. I Ardèche finn ein det djupaste gjelet i Europa.
Som med resten av Frankrike er fransk det einaste offisielle språket i regionen. Mange av innbyggjarane i sør snakkar derimot forskjellige dialektar av oksitansk, men stadig færre nyttar dette språket.
Rhône-Alpes består av følgjande departement: