Mitsubishi

Mitsubishi Group (三菱グループ, Mitsubishi Gurūpu) er ei gruppe sjølvstyrande japanske fleirnasjonale selskap. Gruppa dannar ei laus eining, Mitsubishi keiretsu, som er ei av dei seks store forretningskonglomerata i Japan. Dei største selskapa dannar ei samarbeidsgruppe, kinyokai, som har jamlege møte.

Mitsubishi
Org.form	Børsnotert selskap, konglomerat
Bransje	Handel
Skipa	1870
Dotterselskap	Nikon
Eigenandel i	Nikon
Hovudkontor	Tokyo
Land	Japan
Produkt	mineralutvinning, maskinteknikk, telekommunikasjon, finansielle tenester, forsikring, bygg og anlegg, eigedomsutvikling, bygg og anlegg
Adm.dir.	Takehiko Kakiuchi
Salsinntekter	7 200 000 000 USA-dollar
Omsetnad	7 200 000 000 USA-dollar
Resultat	7 100 000 000 (2018)
Nettstad	https://www.mitsubishi.com/en/ (engelsk), https://www.mitsubishi.com/ja/ (japansk)

Mitsubishi blei skipa som eit spedisjonsfirma i 1870, to år etter Meijirestaurasjonen. Grunnleggjaren var Yatarō Iwasaki (1834–1885). Namnet «mitsubishi» (三菱) er sett saman av mitsu, 'tre' og hishi, 'vasskastanje', som også kan visa til ei diamantform. Logoen til selskapet viser tre stiliserte vasskastanjar/diamantar. Namnet blei endra til Mitsubishi Shokai i 1873.

Mitsubishi er mellom anna kjend som bilprodusent gjennom Mitsubishi Motors. Gruppa eig også Nikon, kjemikalieprodusenten Mitsubishi Chemical Corporation, banken Mitsubishi Tōkyō UFJ Ginkō, glasprodusenten Asahi Glass Co. og Kirinbryggjeriet.